Talang Sining

Jayren Lao • Princess Espinosa • Ashley Benavidez • AJ Carillo • Gwen Paguibitan

[himig-ng-paslit]

Kalayaan

Lingid sa ating kaalaman ng mga kabataan na marami sa ating kapwa kabataan na hindi nakikita ang tunay na kulay ng mundo ang mg ganap sa mundo dahil sila ay di pinapayagan ng kanilang magulang na lumabas dahil sa bahalang mapahamak ang mga anak nila.Lahat ng kabataan ay may karapatan tulad ng kanilang kalayaan na gawin ang gusto nila magtanong ng mga di nila alam at sabihin ang gusto nikang sabihin.Lahat ng kabataan ay nararapat na masubukang tumayo sa sarili nilang mga paa at wag umaasa sa mga magulamg para hindi masanay na nariyan sila dahil ayaw man nating isipin pero kilangan tanggapin na mawawala rin din ang ating mga magulang.Sabi nga ni Rizal"Ang kabataan ang pagasa ng bayan"ngunit ginagawa ba natin ang ating tungkulinna mging pagasa ng ating bayan di bat tayo na ngng kabataan ang naninira sa sarili nating bayan,san namn ay palagi natin iiaipin ang paghihirap ng ating mga ninuno na baeiin ang ating bayan sa mga mananakop.May magagawa tayong lahat para mapabuti ang ating bayan ang kailangn lng natin ay magkaisa,magtulungan,at irespeto ang isat isa.Kalayaan ang ating gustong mga kabataan pero wag namn natin itong panghawakan gamit saating mga magulang tayoy may mga limitasyon sa buhay wag tayong maging ibon na lipad lng ng lipad.Paano nga ba nagkakaroon ng kalayaan ang isang kabataan?Nagkakaroon ng kalayaan ang isang kabataan sa bisa ng knilang mga magulang pero wag namn natin itong abusuhin.Paano nawawalan ng kalayaan ang isang kabataan?Nawawalan ng kalayaan ang isang kabataan dahil rin sa sarili nilang kapalpakan dahil maaring naabuso nila ang kalayaan na bigay sa kanila ng kanilang magulang.

—Princess Espinosa.

(Imahe; https://www.unmultimedia.org/photo/detail.jsp?id=312/312170&key=154&query=subject:%22Children%20of%20the%20World%22&sf= )

[himig-ng-paslit]

Kalayaan Sa Ating Buhay

Kalayaan ay isang napakahalagang bagay na kailngan ng isang tao,kung mayroong ka nito walang pumipigil sa mga kagustuhan mo.Ito ay bagay na makakapag pasaya sayo.

Ito ay may maganda at di magandang epekto sa mga tao.Ang magandang epekto nito sa tao ay maari mong gawin kung ano man ang gusto mo nang walang pumipigil sayo at walang limitasyon.Ang di magandang epekto nito sa mga tao lalo na sa mga kabataan ay inaabuso nila ang kanila pagiging malaya dahil alam nilang walang pumipigil sa kanila at palagi nilang gagawin ang kanilang mga kagustuhan na kahit alam nilang ito ay masama gagawin parin nila ang mga ito tulad ng pag bibisyo, pag drodoga, pagtatalik sa mga hindi nila asawa pa, at marami pang iba.

Kayat sa mga taong malaya dapat natin alamin natin ang limitasyon ng ating mga ginagawa at alamin kung ito ay masama o hindi, at kung ito ay makakabuti sa iba.

—AJ Carillo.

(Imahe; https://fun-x-facts.blogspot.com/2019/07/interesting-facts-about-bajau-people.html?m=1 )

[himig-ng-paslit]

Pagkamit ng Kalayaan

Kalayaan,ito ang hangad ng karamihan. Hindi lamang mga nakatatanda ang naghahangad nito ngunit lalo na ang mga kabataan. Pero, ano nga ba ang kalayaan? Ito ay pagkawala ng kadenang matagal nang nakapalibot sa iyong munting kamay at paa, ang pagkawala sa mahigpit na pagkakasakal ng matagal na panahon. Ang pagkakaroon ng kalayaan ay talaga namang napakaganda at napakasaya. Marami itong positibong epekto ngunit mayroon din itong negatibong epekto.

Isa sa positibong epekto nito ay ang pagga ng iyong minimithi ng walang pumipigil sa iyo. Magagawa mo ito ng kahit kailan o kahit ano pa mang oras. Sa mga kabataan naman na kakakamit ng kalayaan ay mayroon ng kakayahan gawin ang mga bagay na hindi pa nila nagagawa o bago pa lamang sa kanila. Ngunit ang pagakakaroon ng sobrang kalayaan ay mayroong masamang epekto lalong lalo na sa mga kabataan. Malaki ang tsansang sila'y magbisyo o gumawa ng krimen dahil wala ngang pumipigil sa kanila. Maaaring makatuklas sila ng gawaing hindi angkop sa mga kabataan at kanila itong susubukan dahil wala namang pipigil sa kanila.

Totoo ngang ang kalayaan ay napakahalaga at hindi dapat ipinagkakait sa kahit kanino dahil ang bawat tao ay may karapatan upang magkaroon ng kalayaan. Ngunit dapat pakatandaan na wag itong aabusuhin.

—Ashley Benavidez.

(Imahe; https://ph.news.yahoo.com/ph-not-facing-population-aging-problem-moody-192028703.html )

[himig-ng-paslit]

Apat

Kalayaan sa Pagsalita, Kalayaan sa Pagsamba, Kalayaan sa Kagustuhan, at Kalayaan mula sa Takot. Ito ang Apat na Kalayaang dapat lahat tayo'y nakakaranas, mga karapatang di dapat napagsasamantalahan at napupukaw lalo na sa mga kabataan. Ngunit bakit? Bakit kailangang mawalan sila ng boses kakasigaw para sa kalayaan? Kalayaan sa Pagsalita! Subali't ang aming mga hiling at pakiusap ay tuluyan niyong ibinabaliwala. Kami ay bata pa, at dahil dito'y pilit kayong nagbibingibingihan sa aming mga tinig dahil ang pag-ikot ng mundo'y masyado pang kumplekado para am'y maintindihan. Mga problemang aming nasasangkutan inyong minamaliit dahil kumpara sa suliranin ng mundo'y , wala pa ito sa aming pinagdadaanan. Kalayaan sa Pagsamba! Ngunit ang aming mga kapatid na bata'y lumalaki sa gera, dahil sa mata niyo'y karahasan ang tatak ng rehiyon nila. Lubusan ninyong itinatakwil ang mga hindi naniniwala sa inyong mga dogma lalo na ang mga batang lumaki sa ibang pananampalataya— sainyo'y kakutiyakutiya. Ang ating mga paniniwala at tradisyon ay di man pareho, sana nama'y huwag mawala ang respeto sa pagkakaiba ng panig ninyo. Kalayaan sa Kagustuhan! Ngunit ang mga batang nasawi sa kahirapan nagtiyatiyaga nalamang sa walang lamang sikmura, mga kabataang walang tirahan namumuhay sa pamumulumi dahil wala man lang mag-abot ng tulong para kanilang buhay ay guminhawa man lang, mga batang umaalis sa paaralan para magtrabaho dahil hindi kayang bayaran ang edukasyon na para rin sakanilang kinabukasan, napipilitang kumayod kaysa mag-klase. Kalayaan mula sa Takot! Sa bahay na kasiyaha'y sila'y nayayamot, dahil imbis na mahigpit na yakap ang salubong— isang mahigpit na sakal sa leeg ang madadatnan. Mga kabataang naabuso dahil sa pagmamaltrato ng mga mas nakakatanda. Mga batang napagdidiskitahan ng mga taong nasa posisyon at may kapangyarihan para magmanipula ng katotohanan, kayo ang dahilan kung bakit takot ay naibaon sa aming mga isipan. Kung pano niyo pamunuan ang mundo ngayo'y lubos na makakaapekto sa aming kinabukasan, wag niyong itapon samin ang mga respinsibilidad na kayo nama'y may kasalanan— gaya ng aming Inang Lupang lubos sa iyakan. Ang daling masabi ang "kalayaan" kahit na marami parin satin nagdurusa para lang ito'y makamtan.

—Gwen Paguibitan.

(Imahe; https://facesoftheearth.tumblr.com/page/6#_=_ )

[himig-ng-paslit]

Maging Malaya sa Kabutihan

Sa ating buhay, mahirap man o maginhawa, lahat ng tao ay kailangan ng kalayaan. Kalayaan na mabuhay sa mundo ng walang problema at suliranin. Hindi lahat ng tao ay nakakakamit ng kalayaan. Kung ikaw ay mapalad, ika'y malaya na rin. Maraming tao ang mas gugustuhing maging ibon, dahil ang mga ibon ay sumisimbolo sa kalayaan. Hindi ka magiging malaya kung may mabigat na problema ang nakapatong sayo. Walang problema sa pagiging malaya basta't gawin mo lamang ang mga mabubuting bagay habang ika'y malaya. Hindi rin lahat ng tao ay nakakakamit ng kalayaan dahil hindi rin ito maaari. Kung bibigyan ng kalayaan ang mga taong gumagawa ng kasamaan, maaari na lamang nilang gawin ang kung ano mang masama, ang mundo ay mababalot ng kasamaan at hindi mananaig ang kabutihan. Ang kalayaan ay hindi lamang tumutukoy sa pagiging malaya, kundi ito ay tumutumbas sa katapangan na tumuloy sa laban ng buhay at hindi magpagapi sa kahit ano mang suliranin. Kaya marapat lamang na bigyang halaga ang kalayaan ng isa't-isa dahil ito ay may kaukulang benepisyo sa bawat tao. Mas maganda ang pamumuhay sa kalayaan kung kabutihan lamang ang namumutawi sa ating puso.

—Jayren Lao.

(Imahe; https://divaspassportsandstilettos.com/)