Untitled

[carlbonzon]

                                            Suriin ang Panig    Upang magkaroon ng isang maayos ng pinuno at maunlad na bansa na ating inaasam. Lahat ng ito ay nagsisimula sa atin sa pamamagitan ng pagiging mapanuri at pagiging matalino sa pag boto. Isipin muna naten ang nagawa ng bawat isang politioko o mga datus na kanilang naitala habang sila ay umuupo bilang isang politiko. Kilatisin din natin ang mga natapos, nagawa o naipatupad ng mga ito tsaka lamang mamili kung sino ang iyong iboboto. Importanteng wag mag padala sa mga sabi sabi o mga kwento ng iba upang mahulog ang loob nyo sa isang politiko o siraan sya upang wag siya iboto. mag saliksik muna ng mga impormasyon na makakatulong sayo na mas maboto ang tunay na karapat dapat. 

Isiping Mabuti kung ang iyong iboboto ay kaya makamit ang iyong ekspektasyon. Tignan Mabuti kung kaya nyang higitan pa ang nagawa ng lumipas na politiko. At ang pinaka importante sa lahat bomoto ng ayon sa iyong puso at isip. At wag ipasawalangbahala ang yung dignidad para sa pera. Wag mag pabayad sa iba kundi gamitin ang iyong nalalaman upang pagkakatiwalaan o piliin ang tatayo para satin. 

Dahil sa huli hindi sila ang magsisisi kundi tayo. Kaya habang darating pa lamang ang eleksyon importanteng suriin Mabuti ang bawat panig. At iboto ang karapatdapat iboto. At humiling na lamang ng magandang resulta galling sa kanila. Na sana’y makapagpabago sa kumunidad natin. At makamit o mahigitan ang mga ekspektasyon ng tao sakanila na masunod ang kanilang ipinangakong adbokasiya.

[mickofilblog]

ang bagsik!

[troy-soriano]

                                      Sino Ba Ang Nararapat?

        Ang eleksyon ay isang paraan ng pagpili ng mga tao kung sino ang manunungkulan sa kanilang lugar. Bawat tao ay may karapatang bumoto ng kanilang nais maging pinuno sa kanilang lugar. Ang mga mamamayang nasa hustong gulang at rehistrado ang binibigyan ng pagkakataon para makaboto. Sa pagpili ng iboboto, kinakailangang suriin mabuti ang kakayahan at sinseridad ng manunungkulan. Dahil ang mga taong ating ihahalal ay siyang magiging susi para sa pag unlad ng ating bayan. Kaya kailangan na maging matalino sa pagpili at huwag hayaang bilhin ang ating boto. Hindi lamang ang tatakbo sa pagiging presidente ang dapat nating pag-isipan, bagama’t lahat ng ating iboboto, dahil lahat sila ay kailangan maging karapa’t dapat sa kanilang tinatakbuhang posisyon sa gobyerno.

         Sino nga ba ang karapat dapat? Ano nga ba ang mga katangian ng isang mabuting lider? Ang isang mabuting lider ay etikal, makatotohanan, mapagmalasakit, matalino at magaling. Mahalaga na natatangi ng isang lider ang mga ito upang maging maayos ang pamamalakad sa ating bansa.Malaki ang tungkulin ng lider sa gobyerno ng Pilipinas, hindi maaaring ang iang lider ay takot sa Diyos, malasakit, lakas ng loob ang baon sa politika. Lalo’t sa ating bansa na napakaraming ikinakaharap, korapsyon dito, patayan doon, mahinang ekonomiya at napakarami pang iba.      

          Sa paparating na eleksyon ngayong taon 2022, marami ang nagtatalo dahil dito. Bilang isang minor de edad ay hindi pa ako maaaring bumoto. Ngunit hindi ito dahilan upang ipagwalang bahala ko ang papalapit na eleksyon. Sa napapansin ko ay karamihan ng tao ay nabubulag sa mga sabi sabi ng kandidato na malayo naman sa realidad. Ang marami naman ay ipinagbebenta ang kanilang boto sapagkat kailangan nila ng pera, ngunit hindi ito sapat na dahilan upang ipagwalangbahala ang sariling mo na boto dahil ang isang boto mo ay mahalaga para sa ating bayan.

[mickofilblog]

ang angas!

[dareengayatao]

COVID19: Edukasyon at ekonomiya sa panahon ng pandemya

Edukasyon, isa sa mga pangangailangan ng mga tao upang matuto at magkaroon ng kaalaman sa iba’t ibang bagay sa mundo. Sa panahon ng pandemya, hindi makakaila na maraming pagbabago sa sistema ang naranasan ng mga estudyante. Isa na rito ang pagpapalit plataporma ng mga eskwelahan mula sa face-to-face class sa ngayo’y distance learning. Ang pagbabagong ito ay labis na nakaapekto sa atin, lalo na sa mga pamilyang may problema sa pinansyal na pangangailangan.

Kasabay sa problemang pang-edukasyon na hinaharap natin ang patuloy na pagbagsak ng ekonomiya ng ating bansa. Dahil sa mga bagong patakarang inilunsad ng ating pamahalaan, marami sa ating mga produkto at serbisyo ang hindi tinatangkilik at nasasayang. Sa mga unang buwan ng pandemya, hinigpitan ng gobyerno ang paglabas ng mga Pilipino sa kani-kaniyang mga tahanan, at dahil dito ay humina ang pag-ikot ng kalakal sa ating bayan.

Bilang estudyante ngayong panahon ng pandemya, masasabi ko na hindi madaling sumabay sa mga pagbabagong ginagawa sa aming pag-aaral. Mayroong mga oras kinukulang ako sa kagamitan para sa iba’t ibang aktibidad na aming ginagawa. Naranasan din naming pamilya ang problema sa pinansyal na pangangailangan dahil may mga kailangan kaming bayaran na pangmatrikula.

[ninyoito]

Napaka galing! Malinaw na napaliwanag ang pananaw ng manunulat tungkol sa ginawang blog.

[mickofilblog]

ang ganda!

[ninyoito]

PANDEMYA

Balik tanaw, noong noong ika-31 ng Disyembre taong 2019 ikinumpirma ang unang kaso ng coronavirus sa Wuhan, China, ito’y nag bigay takot and alerto sa buong mundo. Nag simula itong lumaganap at madaming naapektuhan lalo sa nasabing bansa, at ng ika-11 ng Marso nag simula idineklara  ang lumalaganap na virus tinatawag ngayong COVID-19. Sa panahon natin ngayon, tayo ay nasa ilalim ng isa sa pinakamalaking pandemya na naganap sa kasaysayan ng buong daigdig at ito ay ang impeksiyon ng Coronavirus 2019.

Ang coronavirus ay isang tipo ng mga viruses na nagdudulot ng malubhang lagnat at posibleng malalang pagatake sa ating baga o sa respiratoryo. Bago maisagawa ang mga bakuna, ang pagsuot ng “face mask” at distansya ay nagsisilbing “new normal” para sa paglalaganap ng kooperasyon laban sa pandemya na naging karanasan natin sa kasalukuyan. Ang bawat bakuna ay naglalaman ng tinatawag na Antigen, ito'y isang maliit na sangkap na nagbibigay ng tugon sa ating imunidad. Ito'y maari maging isang buong mahinang mikroorganismo o tinatawag ding “disease-causing organism” upang matutunan ng ating pangangatawan ang daan sa paglaban ng virus na ito. Maari din ito maging isang maliit na porsiyento ng isang mikroorganismo upang sa gayon ang pokus ng buong mikroorganismo ay nakalaan para sa ibang sangkap ng nilalaman nito. Sa tulong ng mga eksperto at magagaling na siyentista ng iba’t-ibang bansa, kasama na rin dito ang ating bansa sa pagsusuri ng sanhi ng virus na ito, ang mga bakuna kontra sa coronavirus ay nailantad at naikalat sa iba’t ibang parte ng bansa at kontinente sa buong mundo.

Simula sa unang araw ng lockdown ‘di ko na alam ang gagawin, maraming bagay sa gusto kong gawin na akin lang magagawa kung ako’y lumalabas o pumapasok sa aking eskwelahan. Napapaisip din ako sa mga posibleng mangyare sa mga susunod na araw at mga lungkot na dadalhin nito sa atin. Hindi nag tagal at bumalik na ang klase, nagkaroon ng bagong oportunidad upang matuto ang mag aral, ngunit ito’y kulang. Sa pag dating ng bagong Sistema at ibang klasing pag tuturo.

[mickofilblog]

ang galing!

[mickofilblog]

Sa kasalukuyang panahon ngayon, dagsa ang bawat problema dala ng pandemya sa mga tao. Sa mga nakalipas na mga buwan, pataas ng pataas ang mga kaso ng nagiging positibo sa virus, pati na rin ang mga namamatay dahil dito. Kinakailangan ding harapin ng bawat isa ang mga pagbabagong dulot ng pandemyang ito, ang "new normal" na inilunsod ng bansa. Kasama na rito ang mga kabataang hindi maiiwasang manibago, dahil sa isang iglap, tila ba’y nawalan sila ng kalayaan at nakulong sa kanilang mga tahanan. 

Sa komunidad, dito tayo naglilibang kasama ang ating mga kapamilya at kaibigan. Dito din naten nakikilala ang ating kapwa. Ngunit, dahil sa mga striktong patakaran ng gobyerno, tayo'y pinagbabawalang lumabas ng ating mga bahay. Ang iba naman ay natatakot pang lumabas sa kanilang tahanan dahil sa banta ng impeksyon. Sa kasalukuyan ngayon, ginagamit ang social media bilang isang midyum ng komunikasyon at libangan para sa lahat, lalo na sa kabataan. Ngunit, dapat ay mag-iingat pa rin dahil maraming nagkakalat ng mga balitang hindi makatotoo at dumadami rin ang mga kaso ng cyber threat o ang cyberbullying. 

 Sa ating tahanan, dito tayo nakakaramdam ng seguridad sa ating pamilya ngunit ngayong pandemya, samu't-saring emosyon, mapa-negatibo man o positibo ay naghahalo at ito'y posibleng maapektuhan ang kalusugan ng pag-iisip ng bawat isa. Maaring takot na ang kanilang nararamdaman, sapagkat sila’y nangangamba na baka hindi na ito matapos, at hindi na sila makabalik sa dati nilang buhay. 

Sa ating paaralan, dito tayo natututo at lumalaki para sa ating kinabukasan, tinutulungan din tayo maging makatao. Mayroon din namang mga mag-aaral na nabubuhay sa takot at pangamba, dahil sa hirap ng mga klase ngayong pandemya. At siyempre, karamihan ng mga estudyante sa ating bansa ay hindi nakakapag-aral dahil sa kakulangan sa pera at pangangailangan, lalo na’t ang mga klase ngayon ay nagaganap online. Halos lahat ng kabataan ngayon ay paniguradong napapagod nang tumingin sa harap ng kanilang mga computer at lalong lumala ang kanilang problema sa mata. 

Patuloy padin ang paglalaban natin sa pandemya. Ito'y isa sa malaking problema na ating pinagdaanan dahil hindi lang ang komunidad natin, ang tahanan na ating tinitirhan at ang paaralan kung saan tayo'y nag-aaral kundi, ang ekonomiya na kasabwat ang trabaho ng bawat isa. Bagaman, unti-unti tayong bumabangon sa tulong ng bakuna para sa lahat, hindi padin dapat tayo makampante dahil sa rason na, tayo'y nasa loob padin ng pandemya at ang bayrus nasa paligid lamang natin. 

Para sa mga kabataan o kapamilya natin na nananatili lamang sa tahanan, huwag kayo magpapatalo sa mga namumuong emosyon na makakasira sa ating kaligayahan at kinabukasan dahil hindi kayo nag-iisa, lahat ng tao ay sama-sama upang labanan ng sabay ang ating pambansang suliranin.