macklin celebrini has autism
No title available
TVSTRANGERTHINGS
occasionally subtle
PUT YOUR BEARD IN MY MOUTH
blake kathryn
Origami Around
Keni
No title available
Monterey Bay Aquarium
❣ Chile in a Photography ❣
Discoholic 🪩
NASA
roma★
titsay
@theartofmadeline
almost home
hello vonnie
if i look back, i am lost
Kaledo Art
seen from United States
seen from United States
seen from United States
seen from Finland
seen from Austria
seen from Malaysia
seen from Finland
seen from United States
seen from United Kingdom
seen from Russia
seen from Kazakhstan
seen from Türkiye
seen from Malaysia
seen from United Kingdom
seen from United States
seen from Tunisia
seen from France
seen from India
seen from United States
seen from United States
@strugglelk-blog
රාවණාගේ ලංකාපුරය සීගිරියද?
හින්දූන්ගේ මූලග්රන්ථයක් ලෙස සැලකෙන මහාභාරතයපෙරදිග ඉතිහාස වෘත්තාන්තය පිළිබඳ තතු කියන වැදගත් මූලාශ්රයක් ලෙස අදටත් විශ්වාස කෙරේ. මහාභාරතය තුලින් රාම නැමති වීර චරිතය සහ රාවණ නම්වූ එදිරිවාදී චරිතය ගොඩනගා ඇති අතර විවිධ විද්වතුන් මේ රාම සහ රාවණ පුවත විවිධාකාරයෙන් විග්රහ කරති. ඇතමෙක් සඳහන් කරන ආකාරයට රාම සහ රාවණ යනු සජීවී සත්ය වෘත්තාන්තයක චරිත නොව එය උපදේශ ග්රන්ථයක එන නිමිති දෙකක් පමණක් බවට…
View On WordPress
අතුරලිෙය් රතන හිමි ස්වාධීනෙවේ පසුගිය කාලය පුරාම රජයේ වැඩපිළිවෙල සම්බන්ධයෙන් මෙන්ම ජාතික හෙළ උරුමයේ එ.ජා.ප හිතවාදී භූමිකාව සම්බන්ධයෙන් කලකිරී සිටි පාර්ලිමේන්තු මන්ත්රී අතුරලියේ රතන හිමි මින් ඉදිරියට රජයෙන් සහ පක්ෂයෙන් වෙන්වී ස්වාධීනව කටයුතු කරන බවට ප්රකාශ කර ඇත. පසුගිය සමයේ ජාතික හෙළ උරුමයේ තමන් දැරූ තනතුරෙන්ද ඉවත් වූ රතන හිමියන් රජයේ කටයුතු වලින් ඈත්ව කටයුතු කරන ලදි. ඉදිරියේදී ජාතික බලවේගයක් ගොඩනගන බලාපොරොත්තුවෙන් පාර්ලිමේන්තුවේ ස්වාධීනවන බව උන්වහන්සේ සඳහන් කර ඇත. ඉදිරි පළාත් පාලන මැතිවරණයේදී හෙළ උරුමය ස්වාධීනව මැතිවරණයට ඉදිරිපත් වෙනවාද නැතිනම් එ.ජා.ප ය සමග එක්ව තරඟකරනවාද යන තීරණ දෙකේ දෝලනය වෙමින් පවතින හෙළ උරුමයෙන් රතන හිමි ඉවතට පැනීම තුලින් සන්නිවේදනය වන්නේ ඉදිරි දේශපාලනය යනු පුරෝකථනය කල නොහැකි සටකපට ගේම් එකක් බවයි. ජනතා විමුක්ති පෙරමුණට සම්බන්ධව විශ්වවිද්යාල ජීවිතය ගතකරන සමයේ දේශපාලනයේ නිරතවූ රතන හිමියන් "ජනතා මිතුරෝ" සංවිධානය තුලින් ලාංකේය දේශපාලනයට සංක්රමණය විය. පසුව සිහළ උරුමය, ජාතික හෙළ උරුමය යන පක්ෂවල ප්රබල චරිතයක් වූ රතන හිමියන් පසුගිය යුද සමයේ ඉහළ දායකත්වයක් එවකට රජයට ලබාදෙන ලදි. නමුත් පසුව මහින්ද රාජපක්ෂ සමග උරණව රජයෙන් ඉවත්වී යහපාලන ආන්ඩුව ගෙන ඒමට වෙහෙසවී කටයුතු කල රතන හිමියන් වත්මන් රජය සමග දැඩි මතභේද නිර්මාණය කරගැනීම රජයෙන් ඉවත්වීමටද හේතුව විය.
මේ රටේ මිනිස්සු – තනිකර කෙලින්නෙ පිස්සු.. දීපාල් සිල්වා නොහොත් ලංකාවේ එළිමහන් ප්රසංග කලාව ගැන දන්නා බොහෝ දෙනෙක්ට අනුව “පොඩි ළමය“ අද රාගම ශික්ෂණ රෝහලේදී ජීවිතයෙන් සමුඅරගෙන. මියයන විට දීපාල්ගේ වයස අවුරුදු 50ක් විතරයි. හැබැයි දීපාල් ඒ 50 ඇතුලේ ගහපු ගේම අවුරුදු 80-90 ජීවත්වෙලා රාජ්ය ගෞරව සහිතව අවසන් ගමන් ගියපු සමහර දේශපාලඥයන්ටවත් කරන්න බැරිවුණා. දීපාල් දක්ෂ රංගන ශිල්පියෙක්. ඔහු පාසල් වේදිකාවෙන් ජාතික වේදිකාවට එන්නේ බොහොම වේගවත් ගමනක්. ඔහු වේදිකාවේ කරපු මතක හිටින චරිතයක් තමයි “නෙයිනගේ සූදූව“ නාට්යයේ නැවත නිර්මාණය කරලා රඟ දක්වද්දි එහි “තට්ට සාජන්ගේ“ චරිතය. ග්රෑන්ඩ්පාස් පොලීසියේ නිලධාරියෙක් විදිහට ඔහු කරපු චරිතය නිහාල් සිල්වාගේ නැවත ඉපදීමක් හා සමාන වුණා. නමුත් දීපාල් සිල්වා නම රටට යන්නේ ඔහු ප්රසංග වේදිකාවට ඇවිත් ගී කියන්න පටන් ගත්තට පස්සෙයි. “පොඩි ළමයා“ කියන අනුවර්ත නාමයෙන් ඔහු ගායනා කරපු ගීත අතර “මේ රටේ මිනිස්සු තනිකර කෙලින්නෙ පිස්සු“ ගීතය බොහොම ප්රසිද්ධ වුණා. මේ ගීතය නොගැයුණ වේදිකාවක් නැති තරමටම ප්රචලිත වුණා. අන්තිමට චන්ද්රිකා බණ්ඩාරණායක ආන්ඩුවේ දැඩි විරෝධතා පවා එල්ලවුණා මේ සින්දුවට. රටේ අභිමානයට කැළලක් වෙනවා කියලා. ඒත් ඇත්තටම රටේ අභිමානයට කැළලක් වුණේ දීපාල්ගේ සින්දුවද නැත්නම් ඒක විවේචනය කරපු සුචරිතවාදීන්ද කියන එක ප්රශ්නයක්. දීපාල්ගේ සින්දු ඇතුලේ බොහොමයක් තිබුණේ සමාජය,දේශපාලනය,ආර්ථිකය,අන්ධ භක්තිය වගේ කරුණු දැඩි උපහාසාත්මක විදිහට හෙලා දැකීමයි. ඒකත් එක්ක දීපාල්ගේ සින්දු සමහර අයට තිත්ත බෙහෙත් වගේ වුණා, දිරවන්නෙම නැතිව ගියා. ඒ නිසාම දීපාල්ට සමහර ලොකු ලොකු තැන්වල වේදිකාව තහනම් වුණා. හැබැයි පොඩි මිනිහාගේ පොඩි තැන්වල වේදිකාව කවදාවත් දීපාල්ට තහනම් වුණේ නෑ. දීපාල් ගායනා කරපු “මල් ඔතනෝ මුන් මල් ඔතනෝ“ ගීතයේ කෙලවරක තියන “නීතිය නෑ ආතල් දන්නේ“ කියන කතාව කොච්චර ඇත්තද, අමුද කියන එක අපි හොඳින් දන්නවා. එක පැත්තකින් දීපාල් කලේ බොබ් මාලේ කරපු දේම තමයි. බොබ් මාලේ කලෙත් එක් පැත්තකින් සමාජ විවේචනය. දීපාල් මැරුණම හොඳ කියලා වැඩක් නෑ, ඒත් අපි ඔහු ජීවත්වෙන කාලෙත් අගය කලා. ඔබත් ඒ ඇගයුම ඔහුට කරන්න ඇති. ඒ නිසා ඔහු කොහේ හරි හොඳ තැනක ඉපදේවි කියන එක අපේ ප්රාර්ථනයක්. හැබැයි දීපාල් ආයෙ කවදාවත් “මේ වගේ තනිකර පිස්සු කෙලින“ මිනිස්සු ඉන්න රටක ආයෙත් ඉපදෙන්න කල්පනා කරනවානම්. දෙපාරක් හිතන්න.
ගොවි රජා ගොවියාට දුන් බඩේ පහර - පොහොර සහනාධාරය
ගොවි රජා ගොවියාට දුන් බඩේ පහර – පොහොර සහනාධාරය
වසර 2004 මුල් කාර්තුවේදී රනිල් වික්රමසිංහ ආණ්ඩුවට එරෙහිව ගොවි ජනතාව සමස්ත ලංකා ගොවි ජන සම්මේලනයේ නායකත්වයෙන් අඛණ්ඩ උපවාස රාශියක් රට පුරා සිදු විය. ඒ ගොවි ජනතාව සඳහා පොහොර සහනාධාරයක් ඉල්ලමින්ය. රට පුරාම මේ උපවාස මාලාව සති දෙකක කාලයක් තිස්සේ ක්රියත්මක විය. එහෙත් සෑහීමකට පත්විය නොහැකි පිළිතුරක් නොලැබුණු ගොවීන් කොටුව දුම්රිය පොළ ඉදිරිපිට මාරාන්තික උපවාසයක් ආරම්භ කළේය. ඊට දින තුනකට පසුව එම ස්ථානයට…
View On WordPress
ඇදුරාගේ සුදියෙන් ජීවිතේ නැතිකරගත් දුම්මලසූරියේ හිතවතිය හලාවත බංගදෙණියේ ඉෂාරා උමයංගනී ප්රනාන්දු (38) පසුගිය කාලයේම සිටියේ හදි හූනියමක් ගැන බියෙන්ය. ඇයට තිබුණු ප්රධානම බිය වූයේ අසල්වැයි නිවසක ජීවත්වන තමන් සමග අමනාපයෙන් පසුවන පවුලක් තමන්ට කොඩිවින කරනවා යන හැඟීමය. දකුණේ සුප්රක්රට යන්ත්ර මන්ත්ර පැවතඑන ප්රදේශයක සිට හලාවතට පැමිණෙන අදාල පවුලේ සාමාජිකයන් තමන්ට කොඩිවිනයක් කර ඇතිබව ඇය විශ්වාස කරන්නේ නිතර ඇයට වැලඳෙන රෝගාබාධ සහ හිතේ සැනසිල්ල අහිමිවීම නිසාය. ඒ වනවිටත් සැමියා ඇයගෙන් වෙන්ව ජීවත්වූ අතර ඇය සිතන ආකාරයට එය සිදුවන්නට ඇත්තේද කොඩිවිනය හේතුවෙන්ය. මේ අතර ඥාතියෙක්ගෙන් ලැබුණ තොරතුරක් මත වැලිපන්ගහමුල්ල ප්රදේශයේ ජීවත්වන සුප්රසිද්ධ කට්ටඩියෙකුගේ නිවසට එම ඥාතියාද සමග පසුගිය බදදා (11) ඇය යන්නේ මේ කට්ටඩියා ලවා තමන්ගේ කොඩිවිනය කප්පවා ගැනීමට සිතාගෙනය. සියලු විස්තර අසා දැනගත් කට්ටඩියා යාතුකර්මයක් කලයුතු බව කියා තමන්ගේ යාබද දේවාලයේ පූජාව පටන්ගෙන ඇති අතර ඒ පූජාව අතරතුර යම්කිසි කසායක් වැනි සුදියක් ඉෂාරා උමයංගනීට පානය කිරීමට දී ඇත. එය පානයකල විගස සිහි නැතිව ඇද වැටෙන ඇය ඉතා අපහසුවෙන් හුස්ම ගනිද්දී බියවූ කට්ටඩියා ඇතුළු පිරිස ඇයව දුම්මලසූරිය රෝහට රැගෙන ගොස් ඇති අතර ඒ යනවිටද ඇය ජීවිතයෙන් සමුගෙන ඇත. භූත විද්යාව යනු සිතට වෙදකම් කරන උපක්රමික ශාස්ත්රයක් වූවත් අද වනවිට බොහෝ දෙනෙක් සාවද්ය ලෙස විශාල පරිමාණයෙන් මුදල් උපයන මාර්ගයක් බවට එය පරිවර්තනය කරගෙන ඇත. එවැනි බොරු කට්ටඩින්ගේ යන්ත්ර මන්ත්ර නිසා බිලිවූ ජීවිත අතර ඉෂාර එක් ජීවිතයක් පමණි. තවමත් මේ සමාජය ඇත්ත සහ බොරුව තෝරාබේරා ගන්නා මිනුම් දණ්ඩක් ගැන අවබෝධය නැති නිසා අහිමිකරගන්නා ජීවිත ප්රමාණයේද කෙළවරක් නැත. නිසි අධ්යාපනයක් නැති සාක්ෂරතාවයෙන් පමණක් ලොකු ලොකු අංක පෙන්වන සමාජයක් තුල තවමත් මෙවැනි බොරු කරන්නන් ජීවත්වන්නේ භූත විද්යාව පිළිබඳව ජනතාවට හරි අවබෝධයක් නැති නිසා මෙන්ම සමාජ අවබෝධයද බිංදුව නිසාය.
Highway බස් එකේ ගිහින් සර්විස් දුන් රෑ සමනලියට සිදුවුණ දේ අපි මේ කතාකරන්නේ සමාජ සාධාරණත්වය ගැනය. ඒත් අපේ රටේ ගණිකා වෘත්තියේ යෙදී සිටින විශාල ප්රමාණයක් ඇත.ඒත් නීතියෙන් අපේ රටේ ගණිකා වෘත්තිය හෙවත් ලිංගික ශ්රමික සේවය තහනම්ය. මේ කියන විස්තරය අපි මැවූ කතාවක් නොව සත්යය සිදුවීමකි. ඒත් මේ කතාව මෙසේ ලියා තබන්නේ අපේ රටේ මෙවැනි පිරිසක් සිටින බවත්, ඔවුන් එසේ වී ඇත්තේ ඇයිද යන්න කතා කරන්නටය. ඇගේ ගම්පළාත් රත්නපුර කලවාන ය. කොළඹට එන්නේ 2014 අවුරුද්දේය. ඒ එනකොට වයස යන්තම් අවුරුදු 20 කි. ඇය එන්නේ රැකියා සම්මුඛ පරීක්ෂණයකටය. අලෙවිකරණ ප්රවර්ධන ආයතනයක ප්රවර්ධන නිලධාරිනියක් වන්නට එන ඇයට රූ සපුව හොඳින් තිබුණ නිසා රැකියාව ලබාදෙන්නට ආයතන ප්රධානියා කැමති වේ. “රස්සාව දෙන්නම්..හැබැයි ඉතින් targets achieve කලොත් තමයි හොඳ පඩියක් ලැබෙන්නේ..ඒකට ඉතින් හොඳ හොඳ කම්පැනි වලින් ඇඩ්ස් ගන්න වෙනවා..එකවුන්ට්ස් සෙට් කරගන්න වෙනවා“ එදා ඉඳන් ඇය උත්සහ කලේ කලින් කියූ “හොඳ හොඳ එකවුන්ට්“ හොයාගන්නටය. බොහෝ ආයතනවලට අලෙවි ප්රවර්ධන යෝජනා අරගෙන යන විට ඒවායේ සිටින ටයි පොලු දැමූ ලොක්කන් සෙවල හිනාවක් දාගෙන කියන්නේ එකම කතාවකි. “මාත් එක්ක පොඩි ට්රිප් එකක් ගිහින් අපි මේ ගැන කතාකරමු...ෂුවර් එකටම මම එකවුන්ට් එක සෙට් කරනවා..ඒ වගේම මම ඔයාලගේ කම්පැනි එකට ඔයාගේ සර්විස් හොඳටම හොඳයි කියලා රෙකමන්ඩ් කරනවා..ඔයා මොකද කියන්නේ..“ මේ කාලකණ්ණි කතාව අහලාම ඇයට එපා වෙන්නට ඇත. ඒත් මාසේ අන්තිමට ගෙදරට යවන්නට කීයක්වත් නැතිව ලතැවෙන ඇගේ හිත එක් දිනක් මේ කාලකණ්ණි යෝජනාවට එකඟවන්නට තීරණය කලාය. ඒ නිකන් නොව හිත පුළුවන්තරම් දැඩි කරගෙනය. දවසක් පුරාවට මැදි වයසේ බඩතඩි බේබදු බිස්නස් කාරයෙක්ගේ ඇඟට යටවෙලා ඇගේ බඹසර ඇයව අතෑරලා ගියා. පස්සෙ දවසෙම කලින් කියපු විදිහටම ඇය ඉදිරිපත් කරපු අලෙවි ප්රවර්ධන යෝජනාව කියපු ගාණටම අනුමත වුණා. ඇයට ඒකෙන් සෑහෙන ප්රමාණයක කොමිස් එකකුත් ලැබුණා. ඊට අමතරව අර බිස්නස්කාරයාගෙන් අතටත් සල්ලි ලැබුණා. ඒත් එදා දවසම ඇය බෝඩිමට වෙලා ගතකලේ ඇඬු කඳුලෙන්, ඇයට තමන්ගේ පවුලේ එවුන්ගේ මූණු සැරින් සැරේ පෙනුනා. හරි අහිංසක විදිහට තමන් දිහා බලලා හිනාවෙන ඒ මිනිස්සුන්ගේ මූණු දකින් දකින වාරෙට ඇය කෑගහලා ඇඬුවා. ඇය තීරණය කලා රස්සාවෙන් අස්වෙන්න. අස්වෙලා තමන්ට කරදරයක් නැතිව කරගෙන යන්න පුළුවන් රස්සාව දවස පුරා හෙව්වා. පත්තර ගණනාවක් දවසට බැලුවා, ඒජන්සි ගණනාවකට කකුල් දෙක රිදෙනකල්ම දවස පුරා ඇවිද්දා. ඒත් මේ කාශ්ඨක කොළඹ ඇය කලින් කලාට වඩා නිදහස් රස්සාවක් හොයාගන්න පුළුවන් වුනේ නෑ. දවසින් දවස ඇගේ අතේ තිබුණ සල්ලි ඉවරවෙලා යද්දි හදිසියේම අර කලින් ඇයව ලිංගිකව පාවිච්චියට ගත්ත බඩතඩි බිස්නස්කාරයාගෙන් කෝල් එකක් ආවා. ආයේත් ඒ මිනිහට ඇගේ පහස ඕනවෙලා තිබුණා. ගාල්ලේ ප්රසිද්ධ හෝටලයකට එදාම එන්න කියලා ඇයට කිව්වා. ඇය දෙවතාවක් නොහිතා ඒ ගමන යන්න තීරණය කලා. ඒ ඇගේ ඉරණම ඇයම තීරණය කරපු ගමනක්. හයිවේ බස් එකේ ගාල්ලට ගිහින් අර කියපු ප්රසිද්ධ හෝටලයේ දවසම ගතකරපු ඇගේ අතට මොණර කොල ගණනාවක් ලැබුණා. පැය ගණනට ඇයට අමුතුවෙන් නැතිවෙන්න දෙයක් තිබුණේ නෑ. ඒත් බඩතඩි බිස්නස්කාරයාට ඇගේ ඒ තරුණ රූ සපුවෙන්, නාඹර නිතඹ, පුන් පියවුරු, ගැමි පෙනුම හිතාගන්න බැරිතරම් ලොකු ඉල්ලම් වෙලා තිබුණා. ඊටත් පස්සේ දවසක අර බිස්නස්කාරයා එක්ක එකට අඩිපුඩි ගහන තවත් බිස්නස්කාර යාළුවෙක් ඇයට කෝල් කලා. බීලා විකාර කියවන වෙලාවක අර කලින් බිස්නස්කාරයාගෙන් දැනගත්ත තොරතුරකට ඇයව ගාල්ලේ තවත් තැනකට ගෙන්න ගෙන අර මිතුරු ව්යාපාරිකයා ඇය එක්ක රති සැප වින්ඳා. කලින් ගාණටත් වඩා හොඳ ගණනක් ඇයට එතනදි ලැබුණා. ඇය පූර්ණකාලීනවා ලිංගික ශ්රමික වෘත්තියට එහෙමත් නැත්නම් අපේ රටේ අමුවෙන් කියන ගණිකාවක් වෙන්න ඇයට සිද්ධවුණා. ඒත් කුඩයක් අතේ තියාගෙන ගහක් යටට වෙලා ඉන්න ගණිකාවක් වෙනවා වෙනුවට ඇය පොෂ් ගණිකාවක් වුනේ ඉහළම පැලැන්තියේ බිස්නස්කාරයන්ට. ඕනම කස්ටමර් කෙනෙක්ට ඇය ලබාගන්න ඕනනනම් පැය කීපයකට ලොකු ලොකු ගණන් ගෙවන්න වුණා. ඒ වගේම ගාල්ල ආසන්නයේ ලොකු හෝටලයකට එන්න සිද්ධවුණා. ඇය පුරුදු විදිහටම ගාල්ලට හයිවේ බස් එකේ ඇවිත් දවසේ පැය ගාණ හරියට බෙදාගෙන කස්ටමර්ස්ලා පස් හය දෙනෙක් එක්ක ඉඳලා ලක්ෂ ගණනක් බෑග් එකේ දාගෙන ගියා. ඇය ඒ වෙනකොට ඇන්ඳේ පැලැන්දෙත් නිලියක් වගේ. පාවිච්චි කරපු රූපලාවන්යා උපකරණ, ද්රව්ය මිල් ඉහළම ඒවා. ගියපු සැලූන් කොළඹ නගරයේ ඉහළම ඒවා. ඇයට ඇපොයින්මන්ට් එකක් දාන්න බිස්නස්කාරයෝ පොරකෑවා. ඒත් ඇය සතියට දිනයක් දෙකක් විතරයි මේ කෙරුවාව කලේ. ප්රසිද්ධ දේශපාලනඥයෝ පවා ඇයගේ පහසට ලොල්වුණා. ඇය හිතුවා තමන්ට කිසිවක් නැතිවෙන්නේ නැතිව ලක්ෂ ගණන් ලැබෙන එක තමන්ගේ ඉරණම නරකයි කියලා හිතුවට එහෙම අවුලක් නෑ කියලා. ඒත් ඒ ලක්ෂ ගණන් අතරේ දවසක් ඇයට හදිසියේම අසනීප වුණා. මුත්රා කරන්න බැරිව ගියා, මුත්රා පිටවෙද්දි පුදුම වේදනාවක් දැනුනා. ඇය හිතුවේ තඩි පිරිමි එක්ක පොර බැදපු ඇයට හර්නියා රෝගයවත් හැදීගෙන එනවද කියලා. පස්සේ දවස ගානේ බඩ රිදෙන්න ගත්තා, පස්සේ පැයෙන් පැය බඩරිදෙන්න ගත්තා. ඊටත් පස්සේ නිතරම ඒ කැක්කුමෙන් ඇය පීඩා වින්දා. ගාල්ලේ යන එක නතරකරපු ඇය කස්ටමර්ස්ලාගෙන් එන දුරකතන ඇමතුම්වලට ප්රතිචාර දැක්වූයේ නෑ. මෙහෙම ඉන්නම බැරිතැන ඇය කාන්තා වෛද්යවරියක් හමුවෙන්න ගියා. රෝග ලක්ෂණ බලලා ස්කෑන් එකක් එහෙම කරපු ඩොක්ටර් ඇගෙන් ඇහුවේ “දැන් මට කියපු දේවල්වලට අමතරව මට නොකියපු ඇත්ත කියන්න කියලා“ ඇයට තේරුණා තමන් ලොකු අමාරුවක වැටිලා කියලා. ඇය අන්තිමට හැම විස්තරයක්ම වෛද්යවරියට කිව්වා. “ඔයාට ටිකක් දරුණු සමාජ රෝගයක් වැලඳිලා..මේක ඒඩ්ස් නෙවෙයි..මේක ගොනෝරියා ලක්ෂණ තියන ඊට වඩා බරපතල ලෙඩක්...වැඩිදුර ප්රතිකාර ගන්න රජයේ ලිංගාශ්රිත රෝග මර්ධන ඒකකයේ ඩොක්ටර් කෙනෙක්ට දාන්න වෙනවා“ ඒත් ඇය එතනට යන්න බයවුණා. කොළඹ ප්රසිද්ධ පුද්ගලික රෝහලක ස්ත්රී රෝග විශේෂඥ වෛද්යවරයෙක් හරහා නැවතිලා ප්රතිකාර ගත්තා. රෝගයේ බරපතලකම නිසා ඇයට බොහොමයක් විදයම් කරලා බෙහෙත් ගන්න වුණා. අද වෙනකොට ඇයගේ තත්ත්වය යහපත්, ඒත් අද ඉන්නේ අවුරුදු 23 ක් වයස ඒත් පෙනුමෙන් අවුරුදු 60ක් විතර පෙනෙන දිරාගියපු පංචස්කන්දයක් විතරයි. එදා ඇය වෙනුවෙන් මොණර කොළ මිටි පිටින් ඇගේ දෙපා මුල තියපු, ඇගේ තන පටය දාරය අස්සෙන් පන්දාහේ කොළ ඇතුල් කරපු, ඇගේ යට ඇඳුමේ වාටියේ ඩොලර් කොළ එල්ලපු කවුරුත් අද ඇයව බලන්න නෑ. එදා ඇගේ රූ සපුවෙන් මත්වෙලා හිටපු අය අද ඇය දිහා කුණු මාළු කෑල්ලක් දිහා බලන තරම්වත් බලන්නේ නෑ. මෙන්න මේක තමයි ලෝක ස්වභාවය. අද ලංකාවේ ජීවත්වෙන ලිංගික ශ්රමිකයන්ගෙන් එහෙමත් නැත්නම් අපි අමුවෙන් කතාකරන ගණිකාවන් තුන් දෙනෙකුගෙන් එක්කෙනෙක්ට ජීවිතේ කවදාකම හරි කුමක් හෝ සමාජ රෝගයක් හැදිලා තියනවා. ඒක අපේ සමාජය නොදන්න කතාවක්. ඒ වගේම ඒක හරි බරපතල තත්ත්වයක්. සමාජ රෝග කියන්නේ නිකන් උණ හෙම්බිරිසාව වගේ නෙවෙයි. මේ කතාව ලියන එකේ අදහස වුනේ අන්න ඒක තේරුම් කරලා දෙන්නයි. ලේසි පහසු දේවල්වල කෙළවර තියෙන්නේ දරාගන්න බැරිතරම් වේදනාව සහ විඳවීමයි කියන අපිට තේරුම්ගන්න තව ගොඩක් කල් යාවි.
වජිරගේ සුපිරි ඇමති කතාවට ආන්ඩුව ඇතුලෙන්ම වැදුණු හෙණ ගෙඩි (Video) රාජ්ය පරිපාලන හා ස්වදේශ කටයුතු අමාත්ය වජිර අබේවර්ධන මහත්මයා ප්රසිද්ධ වේදිකාවකදි වත්මන් යහපාලන ආන්ඩුවේ අගමැතිතුමා ඇතුළු කිහිපදෙනෙක් යෝජනා කරපු සුපිරි ඇමති තනතුර වෙනුවෙන් අදහස් දැක්වූවට පස්සේ ආන්ඩුව ඇතුලෙන්ම ආවේ දැඩි විරෝධයක්. මේ කතාව ගැන පහුගිය දවසක හිරු ටී.වී සලකුණ වැඩසටහන අතරේ වජිර අබේවර්ධන මහත්මයාට වීඩියෝ ක්ලිප් එකක් දාලම පෙන්නලා තමන්ගේ කතාවට ලැබුණු ප්රතිචාර පෙන්වද්දි වජිර අබේවර්ධන මහත්තයාගේ සුදුපාට මූණ රතුපාට වෙලා ඒ.සී මැෂින් අස්සෙත් දාඩිය දාන්න පටන්ගත්තා. දෙයක් කියන්න කලින් ලංකාවේ දේශපලනඥයෝ වැඩිය හිතන්නේ බලන්නේ නැතිබව අපි හොඳාකාරව දන්නවා. හැබැයි ඒක එතුමන්ලාගේ ඇස්දෙකෙන්ම දැකගන්න ලැබෙන්නේ මෙහෙම අවස්ථාවක විතරයි . එම වීඩියෝව පහතින්
නාමල් රාජපක්ෂ Daily News බොරු නිවුස් හෙළිකරයි!
නාමල් රාජපක්ෂ Daily News බොරු නිවුස් හෙළිකරයි!
තමන් සම්බන්ධ අසත්ය පුවතක් පලකර ඇතිබවට පාර්ලිමේන්තු මන්ත්රී නාමල් රාජපක්ෂ මහතා Daily News පුවත්පතේ වෙබ් අඩවියට චෝදනා කර ඇත. Twitter පණිවිඩයක් මගින් මෙම හෙළිදරව්ව කර ඇති නාමල් රාජපක්ෂ කියා සිටින්නේ මෙය “බොරු නිවුස්“ සඳහා හොඳ උදාහරණයක් බවය.
ලංකාවේ ජාතික පුවත්පතක් ලෙස නොසැලකිලිමත්ව සහ වැරදි පුවත් පලකිරීම සම්බන්ධයෙන් තම අප්රසාදය අදාල පුවත්පත වෙත යොමුකරන බවද ඔහු කියා සිටියි.
Twitter වෙබ් අඩවිය හරහා…
View On WordPress
අද සිකුරා ලඟටම එයි ! 2017 වර්ෂයේ ජනවාරි 12 වන දින සිකුරු ග්රහලෝකයත් ජනවාරි 19 වන දින බුධ ග්රහලෝකයත් වෙනත් දිනයන්හිදීට වඩා දීප්තිමත්ව දැකගත හැකි බව ශ්රී ලංකා ග්රහලෝකාගාරය පවසයි. සිකුරු සහ බුධ යන ග්රහලෝක දෙකම පෘථිවි කක්ෂයට ඇතුළතින් සූර්යයාට ආසන්න ඉලිප්සාකාර ගමන් මාර්ග වල සූර්යයා වටා පරිභ්රමණය වේ. තවද මෙම ග්රහලෝක දෙකෙහි පරිභ්රමණ වේග අනෙක් ග්රහලෝක වලට වඩා වැඩි බැවින් පෘථිවිවාසීන්ට නිරීක්ෂණය කල හැකි කාලය එක් වරකදී සති කීපයකට පමණක් සීමාවේ 2017 ජනවාරි 12 වන දින සූර්යයා සහ සිකුරු ග්රහලෝකය අතර කෝණය අංශක 47.1 ක උපරිම අවස්ථාවකට පත්වන අතර මෙය (Venus at Greatest Elongation ) ලෙස හඳුන්වයි. එදිනට සිකුරු ග්රහලෝකය වෙනදාට වඩා දීප්තිමත්ව දැකගත හැකි කදිම අවස්ථාවක් ඔබට උදාවේග එදින සවස 6.30 සිට රාත්රී 9.00 පමණ වනතෙක් බටහිර අහසෙහි ක්ෂිතිජයට ඉහලින් සිකුරු ග්රහලෝකය ඔබට නිරීක්ෂණය කළ හැක. එමෙන්ම මෙම අවස්ථාවෙි සිකුරු ග්රහලෝකය දුරේක්ෂයකින් නිරීක්ෂණය කලහොත් සිකුරුගේ කලා වෙනසද ඔබට පෙනෙනු ඇත. 2017 ජනවාරි 19 දින බුධ ග්රහලෝකයද මෙවැනිම පිහිටීමකට (Mercury at Greatest Western Elongation)පැමිණෙයි. එවිට බුධ ග්රහලෝකය හා සූර්යයා අතර කෝණික පරතරය අංශක 24.1 ක උපරිම අවස්ථාවකට පත්වේ. එදින පාන්දර 5.00 සිට හිරු උදාව තෙක් නැඟෙනහිර අහසේදී අපේ සෞරග්රහ මණ්ඩලයේ කුඩාම ග්රහලෝකය වන බුධ ග්රහලෝකය වෙනත් දිනවලට වඩා දීප්තිමත්ව දැකගත හැකි වනු ඇත. පූර්ණ හඳ මාසය පුරාම අපට නොපෙනෙන බව අපි දනිමු. මෙලෙස හඳ කොටස් වශයෙන් පෙනීම හඳේ කලා වෙනස ලෙස හඳුන්වයි.හඳෙහි හෝ ඕනෑම ආකාශ වස්තුවක කලා වෙනස ඇතිවන්නේ , සූර්යයා සහ පෘථිවිය අතරින් එය ගමන් කරන විටයි. ඒ අයුරින්ම සිකුරු සහ බුධ ග්රහලෝක සූර්යයා සහ පෘථිවිය අතරින් ගමන් කරන විට සිකුරු සහ බුධ ග්රහලෝක වලත් කලාවන් ඇතිවේ. ගැලීලියෝ ගැලීලි සිකුරු ග්රහලෝකය පෘථිවි කක්ෂයට ඇතුළතින් පිහිටි කක්ෂයක සූර්යයා වටා පරිභ්රමණය වන බව තහවුරු කර ඇත්තේ සිකුරු කලාව නිරීක්ෂණය කිරීමෙනි. සිකුරු , ඉර සහ හඳ හැරුණුවිට අහසේ දැකිය හැකි තෙවැනි දීප්තිමත්ම ආකාශ වස්තුව වේ. මෙය පාන්දර අහසේ දකින විට උදා තරුව ලෙසද සැන්දෑ අහසේ දකින විට ඉරබටු තරුව ලෙසද හැඳින්වේ. සිකුරු අපගේ සෞරග්රහ මණ්ඩලයට අයිති පෘථිවියට ළඟින්ම පිහිටා ඇති ග්රහලෝකයයි
මෙගා මළවිකාරවලින් පීචං වූ අපේ ටෙලිවිෂන් මගේ මිත්රයින් ඇතුළු බොහෝදෙනෙක් කියනා ආකාරයට ලංකාවේ ටෙලි නාට්ය සම්බන්ධයෙන් මට ඇත්තේ අතීතකාමයකි. කොතරම් තර්ක විතර්ක කරත් ඒ අතීතකාමයේ කතාවෙන් අත්මිදෙන්නට මිතුරන් කැමති නැත. ඔවුන්ට අනුව මා හට මෑතකාලීනව කරන ලද කිසිම ටෙලි නිර්මාණයක් අගය නොකරන සහ පරණ ටෙලි නාට්යවල ගුණ වරුණ කියමින් සිටිනා එකෙක් ගණනට දමා ඇති බව පැහැදිලිය. ඒ කතාවේ ඇත්තක් නැත්තේම නැතිබව දැනෙන්නේ ලංකාවේ මේ කාලයේ නිර්මාණයවෙන ටෙලි සම්බන්ධයෙන් මට ඇති බරපතල විවේචන ගැන සලකා බලද්දීය. ඒත් මගේ තර්කය වුනේ යම්කිසිවෙක් කුමන හෝ දෙයක් අරඹයා අතීතකාමයක් ඇතිකරගන්නට හේතුවන්නේ වර්තමානයේ ඇති දේ අතීතයේ දේ සමග සංසන්දනය කරද්දී කුමක් හෝ අඩුවක් පවතින නිසා බවයි. ඒත් ඒ අඩුව සාපෙක්ෂබව කියා සිටියද මගේ මිත්රයන්ගේ මතවාදය වෙනස්වුනේ නැත. පසුගිය දිනක වන්දනාගමනක් ගොස් අතරමග රාත්රිය ගතකරන්නට නතරවූ තැනකදී සිදුවුණු සිදුවීමක් ගැන කිවයුතුමය. අධික වෙහෙස නිසා නවාතැන් ගතකරන තැනදී වේලාසනින්ම නින්දට ගියත් ? 2 පසුවෙද්දී අවදිවෙන්නේ ලඟපාත නිදාගෙන සිටි හිත මිත්රයන් දෙදෙනෙක් ජංගම දුරකතනයෙන් අන්තර්ජාලගතවී එදින විකාශනය වූ සිංහල හඬකැවූ හින්දි මෙගාවක් නරඹන ශබ්දය ඇසීමෙන්ය. රාත්රී නින්දද කැප කරගෙන හින්දි මෙගා බලන්නට තරම් ඇති පිස්සුව කුමක්දැයි නිදිමරගාතේ ඇසුවත් එයට හිනාවක් මිස වෙනත් පිළිතුරක් නොලැබුණ තැන ඔළුවේ සිට රෙද්ද පොරවාගෙන නිදාගන්නවා මිස කලහැකි වෙනත් යමක් නොවුණි. කලින් කී සිද්ධියෙන් පෙනෙන්නේ දශක ගණනාවක් තිස්සේ ඉන්දියානු මෙගාවලට ලංකාවේ ඇති ඉල්ලුම වැඩිවී මිසක් අඩුවී නොමැති බවය. ලංකාවේ මෑතකදී නිර්මාණයවූ මෙගාවලටද මේ හා සමාන හෝ ඊට අඩු ප්රතිචාරයක් ලැබුණ බව සිහිපත් කිරීමේදී මෙගා රැල්ල නිසා සේදීගිය ලංකාවේ සැබෑ ටෙලි නාට්ය කලාව ගැන සිහිකිරීමේදී සුසුමක් මිස සිනහා රැුල්ලක් පිටවීමට කිසිඳු ඉඩක් නැත. ’දිමුතු මුතු’ වලින් පටන්ගන්නා ලංකාවේ ටෙලි නාට්ය කලාවේ ස්වර්ණමය අවධිය අනූව දශකය බව පුද්ගලික විශ්වාසයයි. ජයන්ත චන්ද්රසිරිගේ ’දඬුබස්නාමානය’ යනු එකී සමයේ බිහිවූ විශිෂ්ටතම නිර්මාණයකට හොඳ උදාහරණයකි. ඒ හා සමාන නිර්මාණයක් දශක දෙකහමාරකට ආසන්න කාලයක් තුල බිහිවුණාද යන්න අපි අපෙන් ප්රශ්න කල යුතුය. දූර්ගාන්තය,වෙදහාමිනේ,ගිරය,පිටගම්කාරයෝ,සුසීමා වැනි නිර්මාණ සතියකට වරක් පැය භාගයක් විකාශය වෙද්දී ඒ හා බැඳුනු පේ්රක්ෂකයින් ප්රමාණය හා උද්යෝගය වත්මන් මෙගා සංස්කෘතිය හා සමාන යැයි කෙනෙක්ට තර්කකල හැකිය. ගැටළුව ඇත්තේ ටෙලිවිෂන් ඉස්සරහ නෙත් අයාගෙන සිටින ඔළු ගණන තුල නොවේය ඒ ඔළුවලට ඇතුල්වන දේ පිළිබඳය. ඒ නිසාවෙන් ඉහත කී සම්භාව්ය ගනයේ නිර්මාණයන් පමණක් නොව ’බෝඩිම’, ’සුර අසුර’ හෝ ’කීටයා’ තරම්වත් නිර්මාණාත්මක ටෙලි නාට්ය අද ටෙලිවිෂන් තිරයේ දුවනවාද කියා අපි අපෙන්ම විමසා බැලිය යුතුය. එයට පිළිතුර ’නැත’ යන්නනම් මින් පෙර සඳහන් කල මෙගා ටෙලිවලට ඇති ඔළුගෙඩි ගණනේ පේ්රක්ෂකයන්ගේ රසිකත්වය ගැන ප්රශ්නාර්ථයක් මතුවේ. සත්ය ලෙසම සලකා බැලූවහොත් විවේචනයට සාධාරණ හේතු ඇති තරමට ලංකාවේ මෑත කාලීනව නිර්මාණයවූ ටෙලි නිර්මාණවල අන්තර්ගතය වගකිව යුතු බැවින් අධ්යක්ෂකලා සහ නිෂ්පාදකලා පතුරු ගසනවා වෙනුවට වරද ඇත්තේ කොතනද යන්න සොයාබලා එය නිවැරදි කිරීම කාලෝචිතය. මෑතකදී බිහිවූ ’ස්වයංජාත’, ’ඇහිපිල්ලමක් යට’ සහ ’මේ වසන්ත කාලයයි’ වැනි ටෙලි නාට්ය තුල අනූව දශකයේ ටෙලි නිර්මාණයවූ ටෙලිවල ලක්ෂණ සහ ජන සංවේදී ස්ථරයන් ස්පර්ශ කිරීම තිබුණත් ඒවා කොතෙක් දුරට පේ්රකශකයන් අතරට ගියේද යන කාරණය සලකා බලද්දී ඇතිවන්නේ හිස් හැඟීමකි.ඉන්දියානු මෙගා ආක්රමණයට පෙරාතුව ලංකාවට පැමිණි ’ඔෂින්’ වැනි විදෙස් මෙගා තුලින් ලංකාවේ පේ්රක්ෂකයාට ගන්නට යමක් තිබුණු අතර ඒවා උකහාගන්නා පිරිසද බොහෝවිය. මගේ මතකය පරිදි ජාතික රූපවාහිනියේ ’ඔෂින්’ විකාශයවූ අනූව දශකයේ ඒ දිනවලම ඒ නාලිකාවේම විකාශනය වූ ’ජපන් බස’ වැඩසටහනට කොතරම් ලංකාවේ වයස් භේදයකින් තොර පේ්රක්ෂක පිරිසක් සිටියාද යන්න සලකා බැලිය යුතුය. ඒ බොහෝ දෙනෙක්ගේ උත්සහය වූයේ ජපන් බස ඉගනගැනීමය. එහෙත් ඊට දශක දෙකකට පසු ලංකාවට එන ’සුජාත දියණිය’ ලෙස හඬකැවූ කොරියානු මෙගා කතාවට එක්වූ පේ්රක්ෂක ප්රජාව එහි ප්රධාන චරිතය වූ චංගුමීගේ විලාසිතා මිස කතා සාරය ගත්තාද යන්න සැකයක් ඇත. අද වනවිට නැවත වතාවක් ඉන්දියානු මෙගා ආක්රමණයෙන් සහ ස්වදේශීයව ඉන්දියානු මොඩලයට නිර්මාණය වන මෙගා වළාවෙන් සැබෑ ශ්රී ලාංකේය හරවත් ටෙලි නාට්ය කලාව වැසී ගොසින්ය. ජයන්ත චන්ද්රසිරිගේ ’අකාල සන්ධ්යා’ හෝ අශෝක හඳගමගේ ’සින්තටික් සිහිනය’ වැනි ටෙලි නාට්ය දැන් හැදෙන්නේ නැත. ඒවාට ඉල්ලූම් තීරක සාධකයන් ලංකාවේ පේ්රක්ෂකයා තුල නැත. මිනිසුන්ගේ දුක් ගින්දර සහ කැඞීබිඳීයන සබඳතා අලෙවිකරණය කරනවා මිසක හරයක් හෝ සමාජ වගකීමක් ඉටුකරන ටෙලිනාට්ය කලාවක් බිහිවෙන ආකාරයක් පෙනේනනට නැත. අඳුරට ශාපකරමින් සිටිනවාට වඩා කවුරුන් හෝ එක පහනක් දැල්වීම වඩාත් වටින බව පමණක් සඳහන් කල යුතුය. එසේ නොවන්නට ලංකාවේ ටෙලි නාට්ය යන්න කෞතුකාගාරයට හෝ තැටි ගබඩාවකට පමණක් උරුමකම් කියන සංස්කෘතියක් බවට පත්වීම වැලැක්විය නොහැකිය.
ජනතාවාදී විශිෂ්ටයෝ හත්දෙනෙක් – The Magnificent Seven (2016) 1850 න් පසුව ඇමරිකාවේ ඇතැම් ප්රදේශවල දාමරිකත්වයට ලැබෙන්නේ සමාජ වටිනාකමකි. තුවක්කු අතේ තබාගත් දාමරිකයන්ට, අපරාධකරුවන්ට බයපක්ෂපාතී සමාජයක් තුල බොහෝ දෙනෙක් තමන්ගේ ආරක්ෂාව තමන් සම්පාදනය කරගත යුතුයි යන තැනට යොමුවුණි. ලංකාවේද වරක් එක් රාජ්ය නායකයෙක් ජනතාවට කියා සිටියේ “තමන්ගේ ආරක්ෂාව තමන් බලාගත යුතුය “ යනුවෙන්ම නිසා ඇමරිකාව ගැන එතරම් පුදුමවිය යුතු නැත. රෝස් ක්රීක් නම් වූ සුන්දර ග්රාමය ඇමරිකාවේ උතුරුදිග පතල් හා කැණීම් සම්බන්ධයෙන් දැඩි ප්රසිද්ධියක් ඉසිලූ ප්රදේශයෙකි. අමදෝර්,වොල්කැනෝ ස්ප්රින්ග්ස් වැනි ආසන්න ප්රදේශ මෙන්ම රෝස් ක්රීක් ප්රසිද්ධවූයේ රන්,රිදී වැනි ලෝහ බහුලව හමුවෙන්නාවූ ප්රදේශයක් ලෙසින්ය. කාර්මික විප්ලවයෙන් පසු පතල් කර්මාන්තයට ලැබෙන්නාවූ ආර්ථිකමය වටිනාකම ඉහළයාම සහ ඇමරිකාව ලොව කැනීම් ක්ෂේත්රයේ ප්රබලතමයා බවට පත්වීම සමග දකුණුදිග ඇමරිකානු වෙළෙන්දන් පතල් ව්යාපාරිකයන් ලෙස උතුරුදිගට සේන්දුවීම ආරම්භවිය. එපමණක් නොව එම පළාත්වල ජනතාව බියවද්දමින්,බලෙන් ඉඩම් අත්පත්කරගනිමින් පතල් කර්මාන්තයේ යෙදීම නිසා එම ප්රදේශවල ස්වදේශිකයන් ඇතුළු පිරිසට සිදුවූයේ දැඩි භිෂණයකට මුහුණදීමටය. බර්තොලමියුම් බොග් නැමති සාහසික පතල් ව්යාපාරිකයා හා ඔහුගේ දාමරික කණ්ඩායමේ ආධිපත්යයට නතුවූ රෝස් ක්රීක් ග්රාමයේ වැසියන් ඔහුට එරෙහිව නැගී සිටීම නිසා සමූල ඝාතනයට ලක්වේ. ඒ අතර එම්මා නම් තරුණියගේ ස්වාමි පුරුෂායාද වේ. ආගම ධර්මය පවා තඹයකට නොතකන බොග් ගමේ පල්ලියටද ගිනි තබන්නට අණ දෙන්නේ තමන්ගේ කෲරත්වයට ගමම යටකරමින්ය. ගමේ නිල ෂෙරිප්වරයා පවා බොග් ගේ සල්ලිවලට සහ ආධිපත්යට නතුව තිබෙන්නේ එකල සමාජය තුල දාමරිකත්වයට හිමිවූ තැන අදට වඩා ලොකු වෙනසක් නොමැති බව පෙන්වමින්ය. රෝස් ක්රීක් අසල අමදෝර් ගම්මානයට පැමිණෙන චෙසම් නම් නිලලත් වරෙන්තු නිලධාරියාගේ දක්ෂතා දැක ඔහුගෙන් උපකාර ලබාගැනීමට රෝස් ක්රික් ගම්මානයේ එම්මා සහ ටෙඩී තමන් සතුව ඇති එකතුකල මුදල් ප්රමාණය ඔහුට දීමේ පොරොන්දුව මත බොග් සහ දාමරිකයන්ට එරෙහිව සටන් කිරීමට චොසම් කැමතිකරවා ගනී. එහෙත් චෙසම් මුදලට එහා ගිය කැමැත්තකින් එයට සම්මාදන් වෙන්නේ චෙසම්ට බොග් සමග ඇති පැරණි වෛරයක්ද ඇති නිසාවෙන්ය. තනිවම බොග් හා සටන් වැදීම සියතින් ගෙල සිඳගැනීම වැනි ක්රියාවක් බව දැනගෙන සිටි චෙසම් තමන්ගේ මතක ගබඩාවේ ඇති තමන් හා සමග අවියෙන් සටන්කල හැකි විශිෂ්ටයන් සෙවීමට එම්මා සහ ටෙඩීගේ උපකාර ලබාගනී. පැරඩේ නම් සූදු අන්තුවා, ගුඩ් නයිට් නම් මැදිවියේ දක්ෂ වෙඩික්කරුවා, බිලී නම්වූ ශුර ආසියාතික පිහි සටහන් කරුවා, වැසෙස් නම් මෙක්සිකානු දාමරිකයා, හොර්න් නම්වූ බර අවි හැසිරවීමේ ශූරයා, රෙඩ් නැමති ස්වදේශීක දුනුවායා සමග එක්වන චෙසම් රෝස් ක්රීක් ග්රාමයට කඩා වැදී බොග් ගේ ආධාරකරුවන් ඝාතනය කල ගම සියතට ගනී. ඉන් අනතුරුව ගම්වැසියන් සමග එක්ව සැලසුම්සහගතව සටන් වදින්නට උත්සහකරන්නේ බොග් ගේ පාලනයෙන් ගම සම්පූර්ණයෙන්ම නිදහස් කරගැනීමටය. මේ කතාවේ කෙළවර ඔබ අපේක්ෂකරන පරිද්දෙන් අවසාන නොවනු ඇත. එහෙත් මිනිත්තු 133 ක් පුරා දිවෙන The Magnificent Seven චිත්රපටය යනු 2016 වර්ෂයේ නිර්මාණයවූ ක්රියාදාම චිත්රපට අතරින් ඉහළින්ම තැබිය හැකි සිනමා නිර්මාණයක් බව අවිවාදයෙන් පිළිගත යුතුය. ඇන්ටනී පූක්වෝ ගේ අධ්යක්ෂණයෙන් නිර්මාණය වන මෙම චිත්රපටය Seven Samurai ජපන් චිත්රපටයේ ආකෘතියට 1960 වර්ෂයේ නිර්මාණය වූ The Magnificent Seven චිත්රපටයේ ප්රති නිර්මාණයක් ලෙස සැලකිය හැකිය. එහෙත් විශිෂ්ට රංගනය, දෘශ්ය ප්රයෝග සහ ඉතා ආකර්ශණීය රූප රාමු පමණක් නොව මනබඳින සටන්කාමී සංගීතයද සමග The Magnificent Seven සිනමා පටයට ලැබෙන්නේ ඉහළ වටිනාකමකි. මෙම චිත්රපටයේ සංගීත නිර්මාණය ඉතා ඉහළ මට්ටමේ එකක්වන අතර එහි සංගීත අධ්යක්ෂකවරයා වූ ජේම්ස් හෝනර් චිත්රපටයේ සංගීත නිර්මාණය සිදුකරමින් සිටින අතරතුරේදීම හදිසියේ ජීවිතයෙන් සමුගනී, නමුත් එම අහිමිවීම චිත්රපටයේ ගුණත්වයට හානියක් නොවන්නට කටයුතු සිදුකල ඔහුගේ මිතුරු සයිමන් ෆ්රැන්ගලන් චිත්රපටයේ ඉතිරි කොටසට සංගීත අධ්යක්ෂණය ලබාදීමට කටයුතු කලේ ජෙම්ස්ට නොදෙවනි ආකාරයෙන්ය. The Hurricane වැනි චිත්රපටවල දක්ෂ රංගනයක නිරතවූ ඩෙන්සිල් වොෂින්ටන් The Magnificent Seven චිත්රපටයේ රංගනයේ නිරත වෙද්දී වයස අවුරුදු 60 කි. එහෙත් චිත්රපටය පුරාවට තරුණයෙක් පරිද්දෙන් රංගනයේ නිරත වෙන ඔහුගේ වයසට කිසිවිටක ඔබට නිගමනය කල නොහැකිවනු ඇත. 2016 වසරේ ම The Passenger චිත්රපටයේත් රංගනයෙන් දායක වෙන අග්රගන්ය හොලිවුඩ් නළු ක්රිස් ප්රැට් මෙන්ම ඊතන් හෝව්ක් නැමති විශිෂ්ට රංගන ශිල්පියාගේ දායකත්වය මෙම චිත්රපටයේ සාර්ථකත්වයට සුවිශේෂී හේතුවක් විය. Red චිත්රපට මාලාවේ සුප්රසිද්ධ කුලී ඝාතකයාගේ චරිතය දැරූ ලී බන් යුන් මෙම චිත්රපටයේ තමන්ගේ චරිතයට ඉහළ සාධාරණයක් ඉටුකරනු ලබයි. චිත්රපටය පුරාවටම පෙන්වන්නේ නවසීය ශතවර්ශයේ අගභාගයේ ඇමරිකාවේ ජනතාව ආයුද සම්බන්ධයෙන් දැඩි විශ්වාසය තබා කටයුතු කල ආකාරයයි. එසේම මේ The Magnificent Seven චිත්රපටයේ වීරයන් හත්දෙනා මුදල නොව තමන්ගෙන් ඉටුවිය යුතු ජනතාවාදී වගකීම ඉටුකිරීමට දිවිහිමියෙන් කටයුතු කල බවට ඉතා හොඳ සාක්ෂි එක්කර ඇත. සමස්තයක් ලෙස ගත්කල The Magnificent Seven යනු අප නොදුටු අතීතයක සංවේදී කතා පුවතක් අපේ නෙත් ඉදිරිපිට මවන මැජික් දර්ශනයක් හා සමානය. එහි විශේෂත්වය වන්නේ කිසිඳු විටක අප චිත්රපටයක් බලනවා යන හැඟීම හෝ කම්මැලිකමක් නොදැනීමය. 2016 සැප්තැම්බර් 8 ටොරන්ටෝ ජාත්යන්තර සිනමා උළෙල අවස්ථාවේ ප්රදර්ශනය ආරම්භකල මෙම චිත්රපටය 2016 වසර අවසන්වන විට ලොව පුරා ප්රදර්ශනයෙන් ඩොලර් මිලියන 160.4 ක ආදායමක් උපයා තිබුණේ බොක්ස් ඔෆීස් වාර්තා බිද දමමින්ය. චිත්රපට උළෙල ගණනාකවම සම්මාන සඳහා දැනටම නිර්දේශවී ඇති මෙම චිත්රපටය 2016 ඇකඩමි සම්මාන සහ ඔස්කාර් සම්මාන උළෙලවල ප්රධානතම තරඟකරුවෙක් වනු නියතය.
බඩගින්නේ දිවිගෙවන අතුරුදහන්වූවන්ගේ පවුල්වල ගින්දර
බඩගින්නේ දිවිගෙවන අතුරුදහන්වූවන්ගේ පවුල්වල ගින්දර
රාජපක්ෂ පාලනය බිඳදැමීම සඳහා යහපාලන ආන්ඩුව භාවිතාකල සටන් පාඨ අතර ඒ සමයේ අතුරුදහන් වූ පුද්ගලයන් වෙනුවෙන් සාධාරණය ඉටුකිරීමේ පොරොන්දුව ඉදිරියෙන්ම පැවති බව වසරක් සහ මාස 8 ක් ආපස්සට මතකය ගෙනගිය කල සිහිවනු ඇත. අතුරුදහන්වූ පුද්ගලයන් ලෙස සඳහන්කලේ පසුගිය යුද සමයේ සහ ඉන් අනතුරුව පැවති අවිචාර සමයේ විවිධ හේතුමත අතුරුදහන් කරන ලද පුද්ගලයන්ය. අදටත් ඒ බොහොමයක් පුද්ගලයන් ජීවත්වනවාද, නැද්ද යන්න මෙන්ම ජීවතුන් අතර…
View On WordPress
අතීසාරයට අමුඩ ගැසූ නොරොච්චෝලේ බලාගාරයේ කතන්දරය නොරොච්චෝලේ ගල් අඟුරු විදුලිබලාගාරය නැවත වතාවක් අකර්මණ්යවී ඇත. එක පැත්තකින් සිහිබුද්ධියෙන් මේ රටේ ජීවත්වූ මිනිසුන්ට එය අලුත් පුවතක් නොවේය. නිතර ඇසෙන පුවතක් නිසා දැන් දැන් ලංකාවේ මිනිස්සු නොරොච්චෝලේ පැත්තෙන් එන පුවත් ගැන එතරම් අවධානයක් යොමු කරන්නේද නැත. කෙසේ වූවත් ගල්අඟුරු බලාගාරය අක්රීයවීම නිසා අනුරාධපුරයේ සිට චුන්නාකම් දක්වා උතුරු මාර්ගය ඔස්සේ විදුලිය සැපයුම සිදුකරන ප්රධාන පද්ධතිය අකර්මණ්යව ඇති අතර ඒ හේතුවෙන් එම ප්රදේශවලට විදුලිය සැපයෙන්නේ නැත. රටක ප්රධාන විදුලි බලාගාරයක් මෙලෙස නිරන්තරයෙන් බිඳවැටීම යනු ලෙහෙසියෙන් පහසුවෙන් ඉවත දැමිය හැකි සිදුවීමක් නොවේ. ශ්රී ලංකාවට පමණක් නොව බොහොමයක් ආසියාතික රටවල්වලට බලපාන දරුණු බලශක්ති අර්බුදයක් සම්බන්ධයෙන් විදේශීය පරීක්ෂකයන් විසින් මුලින්ම අනතුරු හඟවනු ලැබුවේ 1980 දශකයේ අගභාගයේදී පමණය. එම වාර්තාවල නිර්දේශයන් බොහොමයක් ඉදිරිපත් කර තිබූ අතර සුනිත්ය බලශක්ති පිළිබඳ වැඩි අවධානයක් යොමුකරන ලෙස අවධාරණය කර තිබුණි. නමුත් ශ්රී ලංකාව ඒ වනවිට විදුලිය උත්පාදනය සඳහා වැඩි වශයෙන් භාවිතා කලේ ජලවිදුලිය විය. වනාන්තර විනාශය වේගවත්වීම සහ ජල පෝෂක හීනවීම සමග ජලවිදුලියේ පැවැත්ම අවදානම් අඩියකට ඇදීයන බව මෙරට විදුලි නිෂ්පාදන ක්ෂේත්රයේ ප්රවීණයන් හඳුනාගන්නා ලදි. ඒ නිසාවෙන් සුනිත්ය බලශක්ති විකල්පයන්ට යන අතරම පවතින තත්ත්වය හඳුනාගෙන අඩුවෙමින් යන ජලවිදුලිය උත්පාදන ශක්යතාව සහ වැඩිවෙමින් පවතින විදුලි ඉල්ලුම සැලකිල්ලට ගෙන විකල්ප සොයන්නට සිදුවී ඇතැයි මහින්ද රාජපක්ෂ ආණ්ඩුව පෙන්වා දුන්නේය. නොරොච්චෝලේ ආරම්භය 2005 දී බලයට පත්වූ මහින්ද රාජපක්ෂ ජනාධිපතිවරයාගේ රජය විසින් යෝජනා කරන ලදුව 2006 මැයි මස 11 දින වැඩ ආරම්භකල නොරච්චෝලේ ලක් විජය ගල් අඟුරු බලාගාරය අදියර තුනකින් සමන්විත විය. පුත්තලම දිස්ත්රික්කයට අයත් මේ ප්රදේශයේ ගල්අඟුරු බලාගාරයක් ඉදිකිරීමට සැලසුම් කරන අවස්ථාවේම අවට ජනතාව එයට දැඩිසේ විරෝධතාවක් දැක්වූ අතර පරිසර සංවිධානද එම විරෝධතා ඉදිරියට ගෙනයාමට මැදිහත්වුණි. ඔවුන්ගේ තර්කය වූයේ නොරොච්චෝලේ ප්රදේශය වනාහි දියුණු වෙරළාශ්රිත පරිසර පද්ධතියක් පවතින ප්රදේශයක් බැවින් ගල් අඟුරු බලාගාරයක් ඉදිකිරීමෙන් එයට දැඩි හානි සිදුවිය හැකි බවත්, පාරිසරික හානි හේතුවෙන ජන ජීවිතයද දැඩි අවදානමකට ලක්වනු ඇති බවයි. එසේම බලාගාරය නිසා ඉඩම් සහ වාසස්ථාන අහිමිවන ජනතාවද එයට දැඩි විරෝධයක් එක්කරන ලදි. එහෙත් එවකට රජය එම විරෝධතාකරුවන්ට පොරොන්දුවූයේ නොරොච්චෝලේ බලාගාරය පාරිසරික වශයෙන් හිතකර ආකාරයට ගොඩනංවන බවටයි. බලාගාරයේ ප්රථම අදියර 2011 මාර්තු මස 22 එවකට ජනපති මහින්ද රාජපක්ෂ මහතාගේ අතින් විවෘත කෙරුණු අතර එකල්හි විදුලිබල අමාත්යවරයා වූයේ මහින්ද රාජපක්ෂ ජනාධිපතිවරයාගේ තාක්ෂණික සෙවණැල්ල පරිද්දෙන් ක්රියාකල පාඨලී චම්පික රණවක මහතාය. පළමු අදියර අවසන් කරන්නටත් පෙර 2010 දී දෙවන සහ තෙවන අදියර ආරම්භ කිරීමට එවකට විදුලි බලධාරීන් ඉදිකිරීම් සිදුකල ඉංජිනේරුවන්ට නියෝග ලබාදෙන්නේ විදුලි බලාගාරයක් ඉදිකිරීම පිළිබඳ තඹ සතයක අවබෝධයක් ඇතිව නොවන බව පෙනෙන්නට ඇත. කෙසේ වෙතත් පළමු අදියරේ වැඩ අවසන් කර විදුලි සැපයුම ජාතික පද්ධතියට එක් කරන්නටත් පෙර 2010 ඔක්තෝම්බර් 24 බලාගාරයේ ඇතිවුණු ගින්නක් හේතුවෙන් එහි ක්රියාකාරිත්වය බිඳ වැටිණි. අදාල ගින්න සම්බන්ධයෙන් මාධ්යට ප්රකාශයක් කල එවකට විදුලිබල අමාත්යවරයා කියා සිටියේ ගින්න නිසා බලාගාරයට හෝ රජයට කිසිඳු පාඩුවක් නොමැති බවත් පාඩුව සිදුව ඇත්තේ ඉදිකිරීම් කරන චීන් සමාගමට බවය. ඒ නිසා අදාල පාඩුව ඔවුන් විසින් දරාගත යුතු බවට හතරබීරී ප්රකාශයක් කරන ලදි. දිගටම ඩවුන්පරිසරයටත් බරපතල හානි නැවත වතාවක් 2012 වර්ෂයේ අගෝස්තු 8 වැනිදා නොරොච්චෝලේ ලක්විජය බලාගාරයේ සිට ජාතික විදුලිබල පද්ධතියට විදුලි සැපයුම සිදුකරන සම්ප්රේෂණ රැහැන් මාර්ගයේ සිදුවූ බිඳවැටීමක් නිසා එහි විදුලි සැපයුම අඩපණ විය. එය යථා තත්ත්වයට පත්කරන්නට චීන සහ ලංකා ඒකාබද්ධ ඉංජිනේරු ප්රයත්නය සාර්ථක වන්නේ දවස් ගණනාවකට පසුය. ඒ වනවිට ජාතික විදුලිබල පද්ධතියට එක්කර තිබූ මෙගා වොට් 300 ධාරිතාව දින ගණනාවක්ම රටට අහිමිවිය. පළමු අදියර ඉදිකර වසරක් ගතවූ සැනින් දිගින් දිගටම සිදුවන බිඳවැටීම් නිසා එකල නොරොච්චෝලය රටේ ප්රසිද්ධ මාතෘකාවක් බවට පත්විය. බොහෝ දෙනෙක්ට තිබූ ප්රශ්නය වූයේ “අලුත්නම් මෙහෙම ලෙඩ දෙන්නේ කොහොමද“ යන්නය. මෙම බලාගාරය ඉදිකිරීම සඳහා රජය සමග ගිවිසුම් අත්සන් කරනු ලැබුවේ චීනයේ China National Machinery Import & Export Corp නැමැති සමාගමය. කෙසේ වෙතත් එවකට අදාල සමාගමට ලොව ඉදිකිරීම් සහ කර්මාන්ත ක්ෂේත්රයේ පැවතියේ හොඳ නමක් නොවේය. ඇමරිකානු ඩොලර් බිලියන 1.35ක මුළු වියදමක් සහිත නොරොච්චෝලේ දිගින් දිගටම බිඳ වැටෙන්නට බොහෝ හේතු තිබුණි. එසේ නොරොච්චෝලේ බිඳවැටෙන හැම අවස්ථාවකම විදුලි බල ඇමතිවරයා ඇතුළු රජයට කියන්නට හේතු සාධක විශාල ගණනක් තිබිණි. එසේම ඒ හැම අවස්ථාවකම කිසිඳු විලි ලැජ්ජාවකින් තොරව මුළු දිවයිනටම සැපයෙන විදුලිය දවසකට පැය ගණනක් විසන්ධිකර තබා රෙදි කඩකින් විලි වසාගන්නට රජයට සිදුවිය. ඒ බොහොමයක් කාරණාවලින් පෙනෙන්නට තිබුණේ ලක්විජය බලාගාරය නිසි ප්රමිතියට ඉදිකිර නැති බවය. එසේ නිසි ප්රමිතියට රජයේ ව්යාපෘතියක් ඉදිකිරන්න නොහැකිවන්නේ එක්කෝ කොමිස් කුට්ටි නිසා බලාගාරයේ ඉදිකිරීම් ගුණත්වය පහල වැටීම නිසා හෝ, අසමත් ඉදිකිරීම් සමාගමකට අත්පිට වාසි මත ඉදිකිරීම් ලබාදීම හේතුවෙන්ය. සැබෑ ලෙසම නොරොච්චෝලේ බලාගාරයේ සිදුවීම පිටුපස ඒ සාධක දෙක මෙන්ම අභ්යන්තර නිලධාරීන්ගේ ගැටළුද බලපාන බවට පෙනෙන්නට තිබුණි. නැවත වතාවක් 2013 වර්ෂයේ අවස්ථා දෙකකදී එය බිඳ වැටුණු අතර 2014 වර්ෂයේදීද කිහිප වතාවක්ම නොරොච්චෝලේ අක්රියවීම සිදුවිය. වරක් එහි අභ්යන්තර ඉංජිනේරුවන්ගේ කුමන්ත්රණයක ප්රතිඵලයක් ලෙස මෙලෙස සිදුවෙනවාද යන සැකයද මතුවිය. කෙසේ වෙතත් 2015 අවස්ථා කිහිපයකදී අක්රියවුණු ලක්විජය බලාගාරය 2016 වසරේද දෙවනි වතාවට අක්රියවී ඇත. වැඩ ඉවරයි, ලෙඩ ඉවර නැත 2014 වර්ෂයේ සැප්තැම්බර් 16 මස ලක්විජය බලාගාරයේ දෙවන සහ තෙවන අදියරේ වැඩ කඩිනමින් ඉදිකර එය විවෘත කරන්නට එවකට ජනපති මහින්ද රාජපක්ෂ මහතා තීරණය කරන්නේ 2014 වර්ෂයේ අවසානයේ ජනාධිපතිවරණය ප්රකාශයට පත්කර එහිදී වාසි ලබාගැනීමේ අරමුණින්ය. කඩිනම් මහවැලි ව්යාපෘතියට සිදුවූ වින්නැහියට නොඅඩු වින්නැහියක් නොරොච්චෝලේ බලාගාරයට සිදුවන්නේද පටු දේශපාලන අරමුණු සහා සාක්කුවට වැටුණු ඩොලර් වලට පින්සිදු වන්නටය. එහෙත් ක්රියාත්මකවන දින ගණනට වඩා අඩපණව තිබෙන දින ගණන වැඩිවූ ලක්විජය බලාගාරය සුදු අලියෙක් බවට එකල විපක්ෂයේ දේශපාලන පක්ෂ මෙන්ම සිවිල් සංවිධාන ගණනාවක්ම මත පලකර තිබුණි. මෙලෙස විටින් විට කැඩි කැඩී තිබුණු ලක්විජය බලාගාරය පසුගිය පෙරබරවාරි මාසයේ එක් විදුලි ජනන යන්ත්රයක් සම්පූර්ණයෙන්ම අකර්මන්ය වීම නිසා එහි විදුලි සැපයුම සම්පූර්ණයෙන්ම නතර කර දැමීමට සිදුවිය. යහපාලන රජයට ද ඒ අනුව රටපුරා කාලසටහනක් අනුව විදුලිය අත්හිටවන්නට සිදුවූ අතර එය රජය පාර්ශවයට දැඩි චෝදනා ගෙනදුන් සිදුවීමක් විය. එහෙත් සැබෑ ලෙසම නොරොච්චෝලේ කරච්චලයට වගකිව යුත්තේ මේ රජය නොවන බව පමණක් අවබෝධකරගැනීම වැදගත්ය. සුළු දෝෂයක්? පසුගියදා නැවත වතාවක් සිදුවූ බිඳවැටීම හේතුවෙන් නැවත විදුලි කප්පාදුවකට යාමට රජයට සිදුවිය. විදුලිබල අමාත්යවරයාට අනුව මෙවර සිදුව ඇත්තේද විදුලි ජනන යන්ත්රවල සුළු කාර්මික දෝෂයක් වන අතර අදාල “සුළු කාර්මික දෝෂය නඩත්තු කර නැවත යථා තත්ත්වයට පත්කරන්නට මාසයක් පමණ ගතවනු ඇති බවයි. එහෙත් අදාල මතයට විරුද්ධව අදහස් දක්වන ලංකා විදුලි ඉංජිනේරුවන්ගේ සංගමයේ සභාපති අතුල වන්නිආරච්චි මහතා සඳහන් කර ඇත්තේ මෙම අකර්මණ්යවීමට හේතුව විදුලි ජනන යන්ත්රයේ ප්රශ්නයක් නොවන බවය. ඔහු සඳහන් කරන පරිදි නොරොච්චෝලේ විදුලි බලාගාරයෙන් නිකුත් කරන විදුලි සැපයුම අධි සම්ප්රේෂණ රැහැන් මාර්ග දෙකක් ඔස්සේ ගමන් කරයි. එකක් හලාවත හරහා වේයන්ගොඩ උප පොලෙන් සහ අනික් මාර්ගය අනුරාධපුරය හරහා කොත්මලේ උපපොලින්ද ජාතික විදුලිබල පද්ධතියට එක්වේ. මේ සම්ප්රේෂණ මාර්ග දෙකම ගමන් කරන්නේ බොහෝවිට කුඹුරු සහ හේන් වලට ඉහළින්ය. මේ දිනවල අධික වර්ෂා රහිත කාලගුණික තත්ත්වය නිසා කුඹුරු සහ හේන් ගිනි තබා ඇති අතර ඒවායේ අළු විදුලි සම්ප්රේෂණ රැහැන්වල දැවටී වර්ෂා අවස්ථාවලදී විදුලි කාන්දුවීම්වලට මග පාදා දෙයි. ඒ නිසා විදුලි පද්ධතියේ විලායකයන් (ෆියුස්) වලට හානි සිදුවී සම්ප්රේෂණ මාර්ගයේ සමතුලිතතාව බිඳවැටීම සිදුවේ. මේ නිසා අධිබලැති විදුලි ධාරිතාවේ ගමන්මග වැලකීම නිසා විදුලි ජනන යන්ත්ර ස්වයංක්රීයව සැපයුම නතරකරන බවත්, එය නැවත පණගැන්වීමට දින කිහිපයක් ගතවන බවත් ඒ මහතා වැඩිදුරටත් මාධ්ය වෙත අදහස් දක්වා ඇත. සත්යම කතාව එයද යන්න පැහැදිලි නැත. නමුත් ඒ තර්කයේද පිළිගත යුතු සත්යයක් ඇත. බාල ගල් අඟුරු කතාව පසුගිය රජයේ විදුලිබල ඇමතිනිය වූ පවිත්රා වන්නිආරච්චි 2014දී පාර්ලිමේන්තුවේ කතාවක් අතර කියා සිටින්නේ බාල ගල්අඟුරු ගෙන්වීම නිසා විදුලිබල මණ්ඩලයට රුපියල් මිලියන 1057 ක පාඩුවක් සිදුව ඇති බවය. ලක්විජ ගල් අඟුරු බලාගාරයට ගල් අඟුරු සපයන්නේ ලංකා කෝල් සමාගම (LCC)විසිනි. ඔවුන් ගල් අඟුරු ප්රසම්පාදනය සඳහා නොබෙල් (Nobel Resources Ltd.) සමාගම සමගද, ගල් අඟුරු ප්රවාහනය සඳහා රාජ්ය නැව් සංස්ථාව සමගද ගිවිසුම්ගත වී සිටිති. (2010 සිට) ලංකා කෝල් සමාගමේ අයිතිය ලංකා විදුලි බල මණ්ඩලය, මුදල් අමාත්යාංශය, නැව් සංස්ථාව හා වරාය අධිකාරිය විසින් උසුලනු ලැබීය. 2009 වසරේ සිටම අදලා ගල් අඟුරු ගෙන්වීම සම්බන්ධයෙන් ටෙන්ඩර් කැඳවීම සහ සැපයුම් සිදුකිරීමේ ක්රියාපටිපාටිය සම්බන්ධ බරපතල ගැටළු පවතින අතර ඒ සම්බන්ධයෙන් විශේෂ පරීක්ෂණයක්ද ක්රියාත්මක වෙමින් පවතී. මේ බාල ගල් අඟුරු මගඩිය නිසා ලක්විජය බලාගාරයට හානි සිදුවී ඇති බව ඇතැම් විශේෂඥයන්ගේමතය වී ඇත. බලාගාරය සතු උපරිම ධාරිතාව මෙගා වොට් 285 වේ. එය එම උපරිම ධාරිතාවෙන් දුවන්නේ දිනකට පැය 03-04 ක් පමණි. (රාත්රී 6.30-10.30) ඉතිරිය අඩු ජවයකින් දුවන අතර, මේ නිසා වසරකට මිලියන 1700-2500 අතර පාඩුවක් සිදුවන බව මොරටුව විශ්ව විද්යාලය මගින් කළ අධ්යයනකින් පෙන්වා දී ඇත. මූල්යමය පාඩුව මෙන්ම බලාගාරයේ යන්ත්ර සූත්රවලටද ගල් අඟුරු මගඩියෙන් හානි සිදුව ඇති බව දැන් පැහැදිලිය. සාමාන්යයෙන් ලොව ඕනෑම නව ගල් අඟුරු බලාගාරයක ගල් අඟුරු සපයාගන්නා ආකාරය සහ ඒවා දහනස සඳහා යොදාගන්නා ආකාරය මෙන්ම යන්ත්රසූත්ර නඩත්තු කරන ආකාරය පිළිබඳවද පිළිගත් සම්මතයන් ඇති නමුත් ලක්විජය බලාගාරයේ පරිපාලනය ඒ බොහෝ සම්මතයන් තුට්ටුවකට මායිම් නොකර කටයුතු කර ඇත. ඒ නිසාවෙන් බලාගාරයේ දිගින් දිගටම සිදුවන ඇණහිටිම්වලට ඔවුන් සෘජුවම වගකිව යුතුය. එසේම බාල ගල්අඟුරු වංචාවට උඩගෙඩි දුන් දේශපාලඥයන් සහ නිලධාරීන් මේ ජාතික අපරාධයට මූලික වශයෙන් වගකිව යුතුය. 2011 වර්ෂයේ පමණක් බලාගාරය අඩපණවීම නිසා සිදුව ඇති පාඩුව රුපියල් මිලියන 15000 ක් බව දැනගන්නට ලැබේ. රිසරයටත් බරපතල හානි මිනිසුන්ගේ හුස්ම ගැනීමේ අයිතිය පවා උල්ලංඝනය කරමින් ඉදිකළ නොරොච්චෝලේ ගල්අඟුරු බලාගාරය නිර්මාණය වන්නේ හරිහමින් පරිසර තක්සේරු වාර්තාවක්වත් සකස් කරමින් නොවේය. සුනිත්ය බලශක්ති ප්රභවයක් ලෙස සූර්ය ශක්තියෙන් උපරිම ප්රයෝජන ගැනීමට ඉතා හොඳින් ඉර පායන සමකාසන්න රටවන ලංකාව කටයුතු නොකිරීම කොතරම් අඥාන ක්රියාවක්ද යන්න දිගින් දිගටම අබලන් වෙන ලක්විජය බලාගාරය ඉතා වැදගත් පාඩමක් කියාදී ඇත. ලෝකයේ බොහෝ රටවල් සුනිත්ය බලශක්ති ප්රභවයන්ගෙන් උපරිම ඵල නෙලාගනිද්දී පරිසරයටද හෙණයක්වූ ගල්අඟුරු බලාගාරයක එල්ලී සිටින්නට සිදුව ඇත්තේ බලධාරීන්ගේ සහ රාජ්ය පාලකයන්ගේ නිර්මාණශීලී දැක්මක් හෝ ප්රමාණවත් දැනුමක් නොමැතිවීම නිසාබව සත්යයය. අර්බුදය හුන් තැනම, බෝලය පාස්වීම දිගටම 2013 වර්ෂයේදී නොරොච්චෝලේ අර්බුදය සම්බන්ධයෙන් පාඨලී චම්පික රණවක එක් අදහස් දැරූ අතර බාල ගල්අඟුරු ගෙන්වීමේ චෝදනාව සෘජුවම ඔහුට එල්ලවිය. නමුත් එහි බෝලය රාජපක්ෂ සමාගම වෙත පවරාදුන් රණවක ඇමතිවරයා තමන් ඒ සම්බන්ධයෙන් හාන්කවිසියක්වත් නොදන්නා බව කියා තිබුණි. විදුලිබල මණ්ඩලය පාර්ශවයෙන් කියා සිටියේ චීන සමාගම බලාගාරය ඉදිකර ඇත්තේ බාල චීන බඩුවලින් බවය. එසේනම් අදාල බාල චීන බඩු ලංකාවට ගෙන ආවේ කෙසේද? ඒවා එසේ ගෙනැවිත් සවිකරණ තෙක් ලංකාවේ නිලධාරීන් සිටියේ කොයි ලෝකයේද යන ප්රශ්න ඇසිය යුතුය. වසර ගණනාවක් තිස්සේම මෙම ලක්විජය බලාගාරය චීනයට විකුණා දමා විදුලි සැපයුම වෙනුවෙන් චීනයට කුලී ගෙවීමේ හරි අපූරු යෝජනාවක්ද ඉදිරිපත්ව තිබුණි. එමෙන්ම නිසි ප්රමිතියක් නොමැති යල්පැන ගිය ද්රව්ය උපයෝගී කරගත් නොරොච්චෝලේ විදුලි බලාගාරය ඉඳිකර ඇත්තේ අන්තර්ජාතික ප්රමිතින්ට වඩා අඩු මට්ටමකින් යැයි විදුලිබල හා පුනර්ජනනීය බල ශක්ති නියෝජ්ය ඇමැති අජිත් පී. පෙරේරා මහතා පසුගියදා පවසා තිබුණි. එබඳු අමුද්රව්ය යොදා බලාගාරය ඉදිකිරීමට පැවැති රජය එකඟත්වය පළකර ඇති නිසා කිසිදු වන්දියක් ඉල්ලිමට හෝ බලධාරීන්ට හැකියාවක් නැතැයිද ඔහු පවසා තිබුණි. ඒ හැම කාරණයකින්ම පෙනීයන්නේ මහින්ද රාජපක්ෂ පාලන සමයේ කොතරම් කූඨ ආකාරයෙන් මෙවන් වූ ව්යාපෘති හරහා මහජන මුදල් ගසා කෑම සිදුව ඇතිද යන්නය. දැන් ගැටළුව තිබෙන්න් යහපාලන ආන්ඩුව මේ බලාගාරයට කුමක් කරාවිද යන්නය. තවමත් විදුලිබල ඇමතිවරයා වන්නේ පහුගිය ආන්ඩුවේත් සිටි ඇමතිවරයෙක් නිසා සිස්ටම් එකේ වෙනසක් බලාපොරොත්තුවිය නොහැකිය. වත්මන් රජයේ අරමුණ වී ඇත්තේද බිඳ වැටීම් මධ්යයේ හෝ බලාගාරය පවත්වාගැනීමට බව පැහැදිලිය. ඒත් කොතරම් කලක් එය එසේ සිදුකල හැකිද යන්න ගැටළුවකි.
හමුදා නිළධාරියෙක්ගේ කකුල් අල්ලලා වැඳලා කිව්වා මහත්තයාව මරන්න එපා කියලා – ආනන්දි සසිදරන් ආනන්දි සසිදරන්, ආන්දෝලනාත්මක කාන්තා දේශපාලනඥවරියකි. දෙමළ ජාතික සන්ධානයේ උතුරු පළාත් සභා මන්ත්රීවරියක ලෙසට වඩා, තමා විසින්ම ආරක්ෂක අංශයට බාර දුන් සැමියාව ඝාතනයට වීම ලොවට හෙළි කරමින් යුක්තිය සාධාරණය වෙනුවෙන් වෙනුවෙන් මහා හඬක් නැගූ දිරිය කාන්තාවක, දරුවන් දෙදෙනකුගේ මවක් ලෙස ඇයව හඳුනා ගැනිම සාධාරණය. මේ ඇය සමඟ කළ කතා බහකි ඔබේ සම්පූර්ණ නම? ආනන්දි සසිදරන් ඔබේ ගම? කණ්කසන්තුරෙයි ඉගෙන ගත්තේ ? කණ්කසන්තුෙරෙයි නඬේෂ්වරන් විද්යාලය, උසස් අධ්යපනය සුලිපුරම් වික්ටෝරියා විද්යාලය කොකුවිල් ටෙක්නිකල් කොලේජ් එකේ ගණකාධිකරණය පිළිබඳ උසස් ඩිප්ලෝමාව රැකියාවක් කළාද ? කළමනාකරණ සහායිකාවක් ලෙස රැකියාවක් කළා ඔබට එලිලන්ව මුණ ගැසුණේ කොහොමද? කොකුවිල් ටෙක් යන කාලේ. 1993 දී මට එලිලන්ව හමුවන්නේ කිළිනොච්චි වලදි. එතකොට එයා එල්ටීටී සංවිධානයේ. එයාගෙ දේශනයකට සහභාගිවෙන්න මට අවස්ථාව ලැබුණා. ඒ දේශනය පැවැත්වුනේ අදටත් මෙහේ ලොකු ප්රශ්නයක් වෙලා තියෙන දෑවැද්ද සම්බන්ධයෙන්. එල්ටීටීඊ එක දරපු මතයක් තමයි මේ දෑවැදි ඉල්ලන එකට විරුද්ධ වෙන එක. එයා ඒ දේශනය හරි අපූරුවට කළා. දැඩි පෞර්ෂයකින් යුත අයෙක්. සෘජුව අදහස් දැක්වූවා. ඒ කතාවට ඔන කෙනෙක් ඇදිලා යනවා. එයා නිතරම පිරිමියාගෙන් ස්ත්රියට වෙන අසාධාරණයට එරෙහිව කතා කළා. ඒ වෙලාවේදි තමයි මට එයා ගැන හැඟීමක් ඇති වුනේ. ඒක ආදරයක්ද ? ඔව් ඒත් ඒක, ඒක පාර්ෂවීය ආදරයක්. මම දැනගෙන හිටියේ නැහැ එයාගේ නමවත්. පස්සේ මම මගේ යාළුවෙක් හරහා එයාගේ නම හොයා ගත්තා. මං අවුරුදු කිහිපයකම එයාට ආදර කළා ඒත් ඒක එයාවත් දනගෙන හිටියේ නෑ. මම පළවෙනි දවසෙම තිරණය කලා කවදාහරි දවසක බඳිනවනම් බඳින්නේ එලිලන්ව විතරයි කියලා. මට යෝජනා ගොඩාක් ගෙදරින් ආවා ඒ එකකක්ටවත් කැමැති උණේ නෑ. මම දැඩි තිරණයේම හිටියා. මම ගෙදරට යාළුවෙක් හරහා එලිලන් ගැන කිව්වා. ඇත්තටම මේ ප්රශ්න එද්දීත් අපි දෙන්නාගේ සම්බන්ධයක් පටන් අරන් නැහැ. මම විතරයි එයාට ආදරය කලේ. නමුත් මම බඳින්න බලාගෙන හිටියේ එලිලන්ව විතරයි. එලිලන්ගේ ආදරය දිනා ගත්තෙ කොහොමද ? මම එයාව හොයාගෙන ගියා දවතාවක් විතර ගියා. දවසක් එයාල හිටපු කඳවුරකට ගියා. එල්ටීටීයෙන් මාව අත් අඩංගුවටත් ගත්තා. මගෙ අදහස මං එළිලන්ට කිව්වා. ඒත් කැමැත්ත ලැබුණේ නෑ. තව කිහිප වතාවක් මුණ ගැසුනාම එයා කිව්වා එයා එල්ටීටීඊ කොයි වෙලාවේ හරි හමුදාවෙන් වෙඩි තියලා දායි. කියලා. මටත් ප්රශ්නවලට මුහුණ දෙන වෙයි කියල කිව්වා. ඒත් පස්සේ 1996 ජුනි වලදී එයාගේ කැමැත්ත ලැබුණා.ඒ කාලේ එයාටත් ගෙදරින් යෝජනා ඇවිත් තිබුණා. ඒත් ඒයා එවට කැමැති වෙල තිබුණේ නෑ මට කැමැත්ත නොදුන්නට එයා මට ආදරය කරලා. එයා යාළුවෙකුට කියලා තිබුණා එයා බඳිනව නම් බඳින්නේ සසීව විතරයි කියලා. යාළුවා හරහා තමයි මට පණිවිඬේ එව්වේ. කැරළිකරුවකු කසාද බඳිනවට ගෙදරින් කැමැති උනාද ? එලිලන් එල්ටීටීඊ නිසා මේකට අපේ ගෙදරින් පොඞ්ඩක්වත් කැමැති උණේ. අපේ පවුලේ රජයේ සේවකයන් හිටියා. යම් වත් පොහොසත් කමක් තිබුණා. ඊළඟ කුල ප්රශ්නයත් ආවා. එයාල මේක අතහැරලා දාන්නම කිව්වා. මම ගෙදරින් කැමැත්ත ගත්තේ එලිලන්ව බඳින්න දුන්නේ නැත්නම් වහ බොනවා කියලා. එයා එල්ටීටීඊ නිසා මේ විවාහයට සංවිධානයේ අවසරය ගන්න සිදු වුණා.තමිල් චෙල්වම්ගේ අනුමැතිය 1997 ලැබුණා අපේ විවාහය 1988 දී සිදු වුණා. අපේ වෙඩින් එකේ දිනය තීරණය කළෙත් තමිල් සෙල්වම්. සාක්කියට එක පැතත්කට එයා අත්සන් කලා. ඔබට දරුවන් කී දෙනෙක් ඉන්නවද? දුවලම දෙන්නෙක් . මගේ දරුවෝ දැන් ලොකුයි. එයාලා අහනවා කෝ තාත්තා, තාත්තට මොකද වුනේ කියලා. මම මොකක්ද එයාලට දෙන උත්තරේ. ඇයි එළිලන්ව හමුදාට බාර දුන්නේ ? මට ඉන්නේ ගැහුණු ළමුන් දෙදෙනෙක්. යුද්ධය නිසා මම ගොඩාක් පීඩා වින්දා. හමුදාවෙන් යටත් වෙන්න කිව්වාට පස්සේ මම මගේ මහත්තයාව හමුදාවට බාර දුන්නා. ඒ ඔහුගේ ජීවිතය බේර ගන්න ඔනේ නිසා. ඒත් ඔහුව මරා දැම්මා. කව්මුණි ( ඉන්දියාවේ හිටපු මහ ඇමැති කරුණා නිදිගේ දුව) තමයි කිව්වෙ බාර වෙන්න කියලා. ඒයා ඒ කතාව දැන් ප්රතික්ෂේප කළත් ඒක තමයි ඇත්ත. කව්මුණී කියපු හින්දයි එලිලන්ව බාර දුන්නේ කියන එක මම කිව්වෙ අද ඊයේ නෙවේ. දැන් ඒක ප්රතික්ෂේප කරන්නේ තමිල්නාඩුවේ දෙශපාලන තත්වය නිසයි. ඔහුව හමුදා අත් අඞ්ංගුවේදී මරල දැම්ම කියල ඔබට විශ්වාසද ? ඔව් එයාව බාරදුන්නේ මැයි 18 වෙනිදා. හමුදාව එයාව අරගෙන ගිය හැටි දැක්කාම මට හිතුනා එයාව මරලා දායි කියලා. එලිලන් අන්තිම මොහොතෙත් කිව්වා දරුවෝ දෙන්නත් එක්ක යන්න එයාට ප්රශ්නයක් වෙන එකක නෑ කියලා. ඒත් මට සැක හිතුනා මං කවදාවත් කාගෙවත් ළඟ දනින් වැටිලා අඬලා නෑ. ඒත් ඒදා හමුදාවේ නිලධාරියෙකුගේ කකුල් දෙක අල්ලලා වැඳලා කිව්වා ඒයාව මරන්න එපා කියලා. දුවල දෙන්නව යාලූවෙක් ගාව තියලා මන් එලිලන් ගැන සෙවිල්ලෙන් හිටියා එයා දිහා බලාන් හිටියා. ඒත් පොඩි දූට අසනීපයක් වෙලා ඔපරෙෂන් එකක කරන්න ඉන්දියාවට යන්න සිදු වුණා ඒ ගිහින් එද්දි එලිලන්ව මරලා. ඒකට සාක්ෂි මංගාව තියෙනවා. ඔබ කොහොමද මෙක දරා ගත්තේ ? මිනිහෙක් නැති ගැහැණියක් විදිහට මේ දරුවෝ දෙන්නත් එක්ක මට ජීවත් වෙන්න පුළුවන් ඒ ශක්තිය මට තියෙනවා. එළිලන් ව මීනීමරුවෙක් විදිහට මරල දැම්මනම් ඒකත් දරා ගන්න පුළුවන් . ඒ මැරුවෙ මිනී මරුවෙක් නේ කියලා. ඒත් එළිලන් කියන්නේ මින්නී මරුවෙක් නෙවෙයි. එයා දැක්මක් තිබිච්ච මනුස්සයෙක්. එල්ටීටීඊය අහිංසක මිනිස්සු මරනවට ඒයා ගොඩක් විරුදව හිටියා. ඒකයි දරා ගන්න බැරි. දැන් ඔබ පළාත් සභා මන්ත්රීවරියක් විශාල මනාප සංඛ්යාවකින් ඔබ ජයග්රහණය කළා. මහජන නියෝජිතයෙන් විදිහට ඔබගේ කාර්ය භාරය ගැන කතා කළොත්..? පළාත් සභාව තුලනම් මම පිරිමි ගොඩක් මැද ඉන්න කාන්තාවක්. හරියට ගෘහස්ත හිංසනයට ලක්වෙච්ච කාන්තාවක් වගේ. එතන් ලොකු පීඩනයක් තියෙනවා මට වැඩ කරන්න. ගැහැණියක වීමේ ප්රශ්නය තියෙනවා. දේශපාලන වශයෙන් මං මතුවෙන එක සමහරුන්ට ලොකු ප්රශනයක්. වැඩ කරන සිදුවෙලා තියෙන්නේ ඒ පීඩනයත් එක්ක. පසුගිය කාලයේ ගෝඨාභය රාජපක්ෂගේ ආරක්ෂක හමුදාවෙන් මට සැහෙන වද හිංසා කළා. මේ ප්රශන්වලදී අපේ පක්ෂයේ ප්රධානින් පවා මාව මඟ හැරියා. උතුරු පළාත් සභාවේ දැනට ක්රියාකාරීත්වය ගැන ඔබ තෘප්තිමත් ද ? ඒ ගැනනම් කතා කරන්නත් දුකයි. උතුරු පළාත් සභාවේ දෙවැනියට වැඩිම මනාප හිමිකරගන්න ලැබුණේ මට. මට තියෙන්නේ කාන්තා ළමා ප්රශ්න ගැන කතා කරන්න. මම ඔවුන්ගේ සුභසාධන කටයුතු වෙනුවෙන් හුඟාක් යෝජනා ඉදිරිපත් කරලා තියෙනවා. නමුත් තවමත් කිසි දෙයක් කරන්න ලැබිලා ඉඩ ප්රස්ථාව ලැබිලා නැහැ. මම යෝජනාවක් ඉදිරිපත් කලා පසුගිය යුධ සමයේදී අතුරුදහන් වූ පිරිස්වලට මොකද වුනේ කියලා යොයලා බලන්න කියලා . හිටපු ජනාධිපති මහින්ද රාජපක්ෂට මම ලිව්වා. මේ සම්බන්ධයෙන් පරීක්ෂනයක් සිදුකොට වාර්තාවක් සකස් කළ යුතු යැයි කියා. දැන් ඔහු බලයෙත් නැහැ. ඒ සම්බන්ධයෙන් කිසිවක් සිදු කෙරුණෙත් නැහැ. ඒතියා මට තවමත් මන්ත්රී කෙනෙක් විදිහට වහනයක් නැහැ. මගේ මෝටර් සයිකලයෙන් තමයි යන්නේ එන්නේ. හමුදාවෙන් අත්පත්කරගත් ඉඩම් නැවත පවරාදීමේ දැනට ප්රගතිය කොයි වගේද ? මේ සම්බන්ධවත් මම උතුරු පළාත් සභාවේ රැස්වීම් වලදි සාකච්ඡුා කරලා තියෙනවා. නැවත පදිංචි කිරීම් නිසියාකාරව සිදුවිය යුතුයි මිනිසුන්ගේ ඉඩම් ඒ අයට ලබා දිය යුතුයි කියලත් මම කතා කරලා තියෙනවා. ඒවා සාකච්ඡාවලට පමණක් සීමා වෙලා. අවුරුදු 19කින් 20කින් තමන්ගේ ඉඩම් වල පදිංචි වෙන්න බැරිවුණ පිරිස් ඉන්නවා. ගොඩාක් තරුණ ගැහැණු උදවියට විවාහ වෙන්න බැරිව ඉන්නවා මේ ප්රශ්න නිසා. අනෙක් ප්රශ්නේ තමයි ධීවර කර්මාන්තය හොඳින්ම කරන්න පුලූවන් මුහුදු සීමා ආරක්ෂක අංශ විසින් අත්පත් කරගෙන තියෙනවා. මේ මිනිස්සු දවසේ කුලියට වැඩ කරනවා. මේ මිනිස්සුන්ට ජීවිකාව ගොනියන්න ඉතාමත් අපහසු තත්වයක් තියෙන්නේ. ඉතින් ප්රශ්නය තමයි තවමත් සාකච්ඡුාවලට පමණක් සීමා වෙලා. තවමත් එළිමහන් කඳවුරුවල මිනිස්සු ජීවත් වෙනවා. 150 ක මිනිස්සුන්ට වැසිකිලි දෙකක් පමණයි තියෙන්නේ. වහින කාලෙට කූඩාරම් යට වෙලා මිනිස්සුන්ගේ දණහිසටත් වැඩියෙන් වතුර පිරෙනවා. ඇයි බැරි මේ මිනිස්සුන්ගේ ඉඩම් ඒ අයට ලබා දීලා නැවත පදිංචි කිරීමේ කටයුතු කරන්න. මං මේ හැමදෙයක්ම යෝජනා ඉදිරිපත් කරලා තියෙනවා නමුත් ප්රශ්නය තමයි තවමත් සාකච්ඡාවලට පමණක් සීමා වෙලා. යුද්ධය අවසානයේ අවතැන් වූවන් හැටියට පැමිණෙන පිරිස අතරෙ ළමා ගැබිනියන් සහ ළමා මව්වරුන් විශාල වශයෙන් හිටියා, ඇයි එහෙම උනේ ? ඔවුන්ගෙ සුබසාධනය වෙනුවෙන් දැනට මොනවද කෙරෙමින් තියෙන්නෙ ? එහෙම පිරිස් හිටියා. ඒ අයව පරිවාස ළමා නිවාස සඳහා යොමු කළා. සෞඛ්ය අමාත්යවරාගෙන් සහ එම අමාත්යංශයෙන් ඒ පිළිබඳ වැඩිදුර තොරතුරු ලබා ගන්න පුළුවන්. මට ඒ සම්බන්ධයෙන් ලොකු දැනුමක් නැහැ. යුද්ධයෙන් වසර 6ක් ගතවෙනකොටත් මානව හිමිකම් කඩකිරීම් වලට එරෙහිව මෙතෙක් ගෙන ඇති ක්රියාමාර්ග ගැන ඔබේ තක්සේරුව කොහොමද ? මානව හිමිකම් සම්බන්ධයෙන් ආණ්ඩුව පැත්තේ කිසිඳු ප්රතිලබයක් මේ වනවිට ගෙන නැහැ. ආණ්ඩුව වෙනස් වුණාට පසුව සිංහල සමාජයට මොනවගේ ප්රතිලාභ ලැබුණද කියන්න මම දන්නේ නැහැ. නමුත් දමිළ සමාජයටනම් කිසිම වෙනසක් මේ වනතෙක් සිදුවෙලා නැහැ. යුද්ධය නිම වෙලා අවුරුදු 6ක් ගතවෙලාත් තවමත් මානවහිමිකම් කඩවීම් සම්බන්ධයෙන් කිසිදු විසඳුමක් නැති නිසා මේ ප්රශ්නය අපිට ඹභ දක්වා ගෙනියන්න වෙලා තියෙනවා. මහින්ද රාජපක්ෂ බලයෙ ඉන්න කාලේ දමිළ සමාජය මොනවා හරි දෙයක් කතා කලොත් ලේබල් ගැහැවා ආ එයා එල්.ටී.ටී.ඊ කියලා. සිංහල අය දමිළ අය වෙනුවෙන් කතා කලොත් ඒ අයට කියනවා එල්.ටී.ටී.ඊ හිතවාදීන් කියලා. දැන් මම මේ ප්රශ්න වෙනුවෙන් පෙනී හිටියා. මටත් කිව්වා ආනන්දි එල්.ටී.ටී.ඊ කියලා. තවමත්”මහින්ද පිස්සුව” යුද්ධය ඉවරවෙලාත් කොටි එනවා කියලා කියවනවා. ඇත්තටම නැවත එල්ටීටීඊ යක් ගොඩ නැගෙන්නේ නැහැ. හැබැයි මේ කොටි එනවා කියලා කියන්නේ බලය අහිමි වෙයි කියන බය නිසා. මහින්ද රාජපක්ෂ පසුගිය ඡන්ද සමයෙදි නැවතත් එල්ටීටීය එනවා කියලා දකුණේ සිංහල ඡන්ද ලබා ගැනීමේ ක්රියාවක නිරත වුණා. ඒ සඳහා ඔබේ ඇතැම් ප්රකාශ ඒ සඳහා යොදා ගත්තා. යුධ සමයෙදි සියදහස් ගණනින් මිනිස්සු මැරුවා. ඒ මරපු අයට හෘද සාක්ෂිය වද දෙනවා මම මිනිස්සු මැරුවා කියලා. ඒ වගේ තමයි මහින්දත්. එයා බය වෙලා කෑ ගහනවා ඔන්න කොටි එනවා කොටි එනවා කියලා. සාමාන්ය අහිංසක මිනිස්සුත් මරපු නිසා එයා මානසිකව වද විඳිනවා ඇති. ඒයාට හීනෙනුත් පේනවා ඇති එල්ටීටීය එනවා කියලා. මේක මහින්දට විතරක් තියෙන අසනීපයක් විතරක් නෙමෙයි. සිරිමාවෝ ජේවීපි එක මර්ධනය කළා. ජේ ආර් පේ්රමදාස මිනිස්සු මැරුවා චන්්රද්රිකාත් මැරුවා. මහින්ද ඇවිල්ලා ඔක්කොම විනාශ කලා. 83 කාලයේදී දෙමළ මිනිස්සු එක පොදියට මරලා පුච්චනවා මම දැක්කා. ඉන්දියන් හමුදාව ඇවිල්ලා ගැහැණු ළමයින් දූෂනය කරලා මරපු හැටි මම දැක්කා. නමුත් ඔබ මහින්ද රාජපක්ෂට සහයෝගය දැක්වුවා කියලා චෝදනාවක් තියෙනවා? මට ඉන්නේ ගැහුණු ළමුන් දෙදෙනෙක්. යුද්ධය නිසා මම ගොඩාක් පීඩා වින්දා. හමුදාවෙන් යටත් වෙන්න කිව්වාට පස්සේ මම මගේ මහත්තයාව හමුදාවට බාර දුන්නා. ඒ ඔහුගේ ජීවිතය බේර ගන්න ඔනේ නිසා. ඒත් ඔහුව මරා දැම්මා. ඔයාලා හිතනවද මට එහෙම කරපු කෙනෙකුට මම උදව් කරයි කියලා. ඔබ මෛත්රීපාල සිරිසේන මහතාට සහයෝගය දක්වනවද? හැමෝම එන්නේ දෙමළ ජනතාවට උදව් කරනවා කියාගෙන තමයි. නමුත් පස්සේ වෙනස වෙනවා. මෛත්රීපාල සිරිසේන මහත්තයා දැනටනම් හොඳයි. නමුත් ඊලඟ මහ මැතිවරණයෙන් පස්සේ තමයි මේ අය දෙමළ ජනතාවට උදව් කරනවාද නැද්ද කියන එක හරියටම දැනගන්න වෙන්නේ. මම මගෙ ස්වාමිපුරුෂයාව භාර දුන්නේ මෛත්රීපාල වැඩ බලන ආරක්ෂක ඇමැති ලෙස සිටියදී. ඉතින් කොහොමද මම මෛත්රීපාල විශ්වාස කරන්නේ. මැතකදී ඉතාම කණගාටුදායක සිද්ධින් කිහිපයක් එක ළඟම වාර්තා වුණා පාසල් දැරියන් දෙදෙනෙක් අපහරණය කිරීම් සම්බන්ධව. විත්යා දැරිය සමූහව අපහරණයකට ලක් කරලා ඝාතනය කරලා තිබුණා. මීට ආසන්න හේතු ඔබ දකින්නේ මොනවාද ? යුද්ධයක් අවසානයේදි ගංජා අනෙක්ත් මත් ද්රව්ය සියල්ලම වැඩිවෙනවා. කාලයක් මම කිලිනොච්චි හිටියා. ඒ කාලයේ යුධ හමුදාව ලොකු ක්රීඩා උළෙලක් කළා. ඒ අවස්ථාවෙදි ජයග්රහනය කරන පිරිසට බියර් ටින් එක ගානේ ලබා දෙනවා. අනෙකුත් කාරණය තමයි පාසල් පන්සල් ආගමික ස්ථාන අසලම බාර් පවත්වාගෙන යන්න අවසර ලබා දී තියෙනවා. අනෙක් කාරණය තමයි විද්ය සම්බන්ධයෙන් කතා කරද්දි කිව යුතුම දෙයක් තමයි යුධ සමයෙදි ගැහැණු උදවිය අපහරණයට පත්වුණා. දැන් යුධමය වාතාවරණයක් නැතුවත් අපහරණයට පත් වෙනවා. මේ වගේ ක්රියාවලට නිසි දඩුවම් ලබා දීමක්, නැතිනම් නිසි පරීක්ෂනයක් සිදුවන්නේ නැහැ. ඉතින් මේ පුද්ගලයින් සිතනවා පවතින නීතිමය තත්වයේ දුර්වල කම් නිසා මොන වැරැද්ද කළත් නිදොස් වෙලා එළියට එන්න පුළුවන් කියලා. එල් ටී ටී ඊ සංවිධානය සිටියදී උතුරේ තරුණියන් ආරක්ෂා සහිතව හිටියා ය කියලා විජයකලා මහේෂ්වරන් මන්ත්රීවරිය ප්රකාශයක් කරලා තිබුණා, ඒක විස්තරාත්මකව දක්වන්න හැකිද ? එල්.ටී.ටී.ඊ පාලනය සහිත කලෙයේදි මම වන්නි දිස්ත්රික්කයේ සේවය කලා. ඒ කාලයෙත් මේ විදිහ ප්රශ්න ආවා. ගැහැණුන් අපහරණයට පත්වුණා. නමුත් පැය විසිහතරක කාලයක් ඇතුලත ඒ සිද්ධියට ආදාල සම්බන්ධ අයවළුන්ට නිසි දඬුවම් ලබා දුන්නා. ඒ නිසා ඒවා පාලනය වුණා. උදාහරණයක් විදිහට මම මගේ ජීවිත අද්දැකීමක් ගත්තොත් මගේ පලවෙනි දුවට කුඩා අවදියේදි හතිය රෝගය තිබුණා . ? 12 විතර ඇය ලෙඩ වුණා. ඒකාලෙත් කිළිනොච්චියේ පාවිච්චි කලේ කලේ මෝටර් බයිසිකල්. මම දුවවත් අරගෙන රෝහලට ගියා. නමුත් කිසි ප්රශ්නයක් වුනේ නැහැ. දැන් මගේ වයස අවුරුදු 45ක්. නමුත් අද වෙනකොට බයිසිකලයක යන්න බැහැ. විවිධ විදිහේ ඇනුම් පද කියනවා. අවුරුදු 45 වුණු අපටත් පාරේ බැහැලා යන්න බැරිනම් කුඩා දැරියන් තරුණ දැරියන් ගැන මොන කතාද? ඒ කාලේ හොඳ නීති පද්දතියක් තිබුණා. මත්ද්රව්ය හා අනෙකුත් සියලූම ප්රශ්න සම්බන්ධයෙන් ස්ථාවර දඩුවම් තිබුණා. ඒ කාලයේ එල්ටීටීඊ එකේ කවුරු හෝ එවැනි අපරාධයක් කළාවනම් ඔවුන්ට එම දඬුවම් එලෙසම ලබා දුන්නා. ඒ කියන්නේ මේ වගේ අපරාද වලට දඬුවම් ඉතා ඉක්මනින් පරීක්ෂන කරලා දඬුවම් ලබා දෙනවනම් මෙවැනි ප්රශ්න සිදුවන්නේ නැහැ? ඇත්තටම ඔව්. යුද්ධයෙන් මියගිය උදවිය සඳහා මරණ සහතික නිකුත් කෙරිලා තියෙනවාද ? ඒක ලොකු ප්රශ්නයක් බොහෝ තැන් වල ෂෙල් වෙඩි එල්ල වුණා. ඒ වගේ අවස්ථාවලදි ඒ ඒ තැන් වල කොපමණ පිරිසක් සිටියද කියන්න සාක්ෂි නැහැ. සමහරක් පවුල්වල එක්කෙනෙක් දෙන්නෙක් ඉතුරු වුණා. ඇතැම් පවුල් පිටින්ම වෙඩි ප්රහාරවලට ලක් වෙලා මිය ගියා. ඒ වගේ අවස්ථාවලදි ඒ අයව ඒ ඒ තැන් වලට සමූහ වශයෙන් වල දැමුවා. මෙහේ මරණ සහතිකු ඉදිරිපිට මම නිකුත් කිරීම සිදුවන්නේ මරණ පරීක්ෂකයෙකු ඉදිරිපිට අහවල් පුද්ගලයා මගේ ඇස් ඉදිරිපිට මිය ගියා කියලා කියනවා. පසුව අධිකරණයේ විනිසුරු ඉදිරියේත් එලෙසින්ම ප්රකාශ කරලා මරණ සහතිකය ලියා ගන්නවා සමහරක් වෙලාවට දවස් දෙක තුන මුදල් වියදම් කරගෙන ඇවිත් රස්තියාදු වෙන්න සිදු වෙනවා. ඒ නිසාම දැන් කිසිකෙනෙක් මරණ සහතිය ලබා ගන්න වෙහෙසෙන්නේ නැහැ. ඒ නිසා තවමත් නිසි ගණනයක් සිදුකරන්න නොහැකි වෙලා තියෙනවා. මේක ප්ර යෝගික ප්රශ්නයක්. උතුරේ රැකියා අවස්ථා සම්බන්ධ ප්රශ්නයක් තියෙනවා ? ඔව්, යුද්දයකින් පස්සේ සමාජමය සිදුවීම් ගොඩාක් තියෙනවා. උදාහරණයක් විදිහට ගත්තම සුදුසුකම් තියෙන රස්සා නැති අය ගොඩාක් ඉන්නවා. මේ අය රස්සා හොයලා හොයලා නැති වුණාම කරනනේ ගිහින් බොන එක. දකුණට මේ ප්රශ්නේ අඩුයි. සාමාන්ය පෙළ ඉවරවුණ ගමන් මොනවා හරි සමාගම් තියෙනවා. එයාට එතැනින් එහාට ඉගෙන ගන්න අකමැත්තක් තියෙනවානම් තාක්ෂණික අංශයෙන් වෘත්තියක් කරන්න විවිධ පාඨමාලා තියෙනවා. උතුරට මේ තත්වය වෙනස්. වෘත්තීට පුහුණු හෝ කාර්මික අධ්යාපනය ලබා ගන්න අවස්ථා නැහැ. උතුරට තියෙනවා කාර්මික විද්යාලයක්. නමුත් එකේ ප්රින්සිපල් දේශපාලඥයෙක්. කලින් මහින්ද රජපක්ෂ මහතාට වැඩ කළා. එතකොට ඒයා දරණ දේශපාලඥයෙක් මතය දරණ අයට තෘතීක අද්යපනයට අවස්ථා ලැබෙනවා. මෙහේ ඉන්න ගොඩාක් අය පිටරට ඉන්න ඥාතීගෙන් මුදල් අරන් තමයි හුඟාක් අය ජීවත් වෙන්නේ. මෙහෙ සමෘද්ධිය ක්රියාත්මක වෙන්නෙත් පොලිටිකල් ඇපොයින්ට්මන් විදිහට. මධ්යම ආණ්ඩුවෙයි පළාත් ආණ්ඩුවෙයි ඇමැතිලා කතා පහ කරලා වැඩ කරනවානෙම් මේ පශ්නේ විසදෙනවා. මං ඒකට හොඳම උදාහරණයක් කියන්නම්. මීට අවුරුද්දකට විතර නඩරාජා පාසලේ දරුවනගේ දෙමාපියන් එකතු වෙලා කිව්වා ගැහැණු ළමයින්ට ඈත යන්න බැරි නිසා උසස් පෙළ පන්නි මේ පාසලේ ලබා දේන කියලා. මේ සම්බන්ධයෙන් මම ගිහින් පළාත් සභාවේ අධ්යපාපන ඇමැති සමග සාකච්ඡාකළා. නමුත් ඒ වෙලාවේ ආපු පිළිතුර තමයි ගැහුණු ළමයින්ට එම අවස්ථාව ලබා දිය නොහැකි බව. නමුත් මේ කාලයේදීම විජයකලා මන්ත්රීවරිය පොරොන්දු වුණා ගැහුණු ළමන්ට එමම අවස්ථාව සලසා දෙන බවට.
මිහින් ලංකා ඉවරෙටම ඉවරයිද? කාලයක් තිස්සේ දැඩිසේ විවාදයට තුඩුදුන් මාතෘකාවක් ලෙස නම්කල හැකි මිහින් ලංකා කතාන්තරයේ අවසන් ඡේදය ලියා තබන්නට යහපාලන ආන්ඩුව කටයුතු කර ඇත. එනම් ශ්රී ලංකාවේ දෙවන ගුවන් සේවා සමගම වූ මිහින් ලංකා ගුවන් සමාගම ඔක්තෝම්බර් 30 වැනි දින සිට වසා දැමීමට රජය තීරණය කර ඇත. ඇත්තෙන්ම එය අලුත් මාතෘකාවක් හෝ පුදුමයට පත්විය යුතු පුවතක් නොවේ. ඒ මන්දයත් දිගින් දිගටම පාඩු ලබන තත්ත්වයේ පැවති මිහින් ලංකා වසා දැමීමට තම රජය කටයුතු කරන බව පූර්ව මැතිවරණ වේදිකාවල මෙන්ම මේ රජය පත්වූ විගසත් විටින් විට කතිකාවිය. මෙම තීරණය අන්ත දෙකක් ඔස්සේ අවධානය යොමුකල යුතු තීරණයකි. එකක් නම් රටක් ලෙස සහ රජයක් ලෙස ආර්ථිකමය ගැලවිජ්ජාව වෙනුවෙන් සිදුකරනු ලැබූ පසුගාමී පියවරක් බවය, අනෙකනම් අලාභ ලැබීමට තිත තැබීමට ගත් පියවරක් බවය. මේ වනවිට ලංකාවේ ගුවන් සේවා සමාගම් 10 ක් පමණ ක්රියාත්මක වේ. ශ්රී ලන්කන් සහ මිහින් ලංකා යනු මගී ප්රවාහන ජාත්යන්තර ගමන් වාර සහිත සමාගම දෙක වන අතර, භාණ්ඩ ප්රවාහනය සඳහා වන ගුවන් සමාගම් දෙකක් සහ රට අභ්යන්තරයේ ගුවන් ගමන් සේවා සම්පාදනය කරන ගුවන් සමාගම් 6 ක් ශ්රී ලංකාව තුල ස්ථාපනය කර ඇත. ඇතැම් සමාගම් ශ්රී ලන්කන් ගුවන් සමාගමේම අනු සමාගම්ය. 2016 වර්ෂයේ ලෝකයේ ගුවන් සමාගම් ශ්රේණිගත කිරීම් අනුව ශ්රී ලන්කන් ගුවන් සමාගමට හිමිව ඇත්තේ 67 වැනි ස්ථානයයි. 2015දී එය පැවතියේ 73 වැනි ස්ථානයේය. ඉන්දියාවේ ඉන්ඩිගෝ ගුවන් සමාගම එම ලයිස්තුවේ 51 වැනි ස්ථානයේ පසුවන අතර එහි ප්රථම ස්ථානය හිමිව ඇත්තේ එක්සත් අරාබි එමීර් රාජ්යයේ ජාත්යන්තර ගුවන් සමාගම වන එමීරේට්ස් ගුවන් සමාගමටය. එම ලයිස්තුවේ මුල් අංක සියය අතරට මිහින් ලංකා නම කිසිම දිනක එක් නොවුණි. අහස අපිටද? 2007 අප්රේල් මස 24 වැනිදා මිහින් ලංකා ගුවන් සේවයේ මෙහෙයුම් ක්රියාත්මක කිරීම ආරම්භ කිරීමට එවකට පැවති මහින්ද රාජපක්ෂ රජය කටයුතු කරන ලදි. “අහස අපට“ යන තේමාව යටතේ ඇරඹි මිහින් ලංකා ගුවන් සමාගමේ “මිහින්“ යන්නෙන් “මහින්ද“ යන නාමය අදහස් කරන ලදි. කැබිනට් අනුමැතියකින් තොරව මෙම ගුවන් සමාගම පිහිටුවීමට රජය කටයුතු කල බවට එවකට විපක්ෂය විසින් දැඩි චෝදනාවක්ද එල්ල කරන ලදි. එසේම ගුවන් යානා තුනක් මූලික වටයේදී ලීසිං ක්රමයට ලබාගැනීමට ගුවන් සේවා අධිකාරිය කටයුතු කර ඇත්තේද විධිමත් ටෙන්ඩර් පටිපාටියකට යටත්ව නොවන බව එවකට චෝදනා එල්ලවුණි. ඒ සියල්ලටම හේතුවූයේ හිටපු ජනාධිපති මහින්ද රාජපක්ෂ මහතාට තමන්ගේ පාලන කාලයේ ගුවන් සමාගමක් නිර්මාණය කරගන්නට තිබූ දැඩි අවශ්යතාවයයි. ජේ.ආර්.ජයවර්ධන පාලන සමයේ 1979 දී එයාර් ලංකා සමාගම ආරම්භ කල අතර චන්ද්රිකා කුමාරතුංග පාලන සමයේ එය ශ්රී ලංකන් ගුවන් සේවය බවට පත්කරන ලදි. එහෙත් චන්ද්රිකා ආන්ඩුවේ අන්තිම කාලයේ ත්රස්තවාදී ප්රහාරයද සමග කඩාවැටුණු ශ්රී ලන්කන් ගුවන් සමාගම යන්තම් හෝ බේරාගත්තේ 1998දී ඩුබායි එමීරේට්ස් ගුවන් සමාගම සමග ඇතිකරගත් සහයෝගීතා පදනම මත එය අර්ධ වශයෙන් පුද්ගලීකරණය කිරීමෙන්ය. 2006 වර්ෂයේදී මහින්ද රාජපක්ෂ රජය සහ එමීරේට්ස් ගුවන් සමාගමේ ලංකාවේ පරිපාලනය අතර ඇතිවූ ගැටුම්කාරී තත්ත්වයක ප්රතිඵලයක් ලෙස ඇතැම් අවස්ථාවල ජනාධිපතිවරයාගේ විශේෂ ගුවන් වාර සඳහා අදාල සමාගම ශ්රී ලන්කන් ගුවන් සමාගමේ ගුවන් යානා වෙන් නොකිරීමටද කටයුතු කරන ලදි. එයට පලිගැනීමක් වශයෙන් 2007 වර්ෂයේ රාජපක්ෂ රජයට පාලනය කල හැකි රජයේ ගුවන් සමාගමක් ලෙස කිසිඳු දීර්ඝකාලීන අභිමතාර්ථයකින් හෝ ශක්යතා අධ්යයනයකින් තොරව මිහින් ලංකා ගුවන් සේවය ආරම්භකරන්නේ හුදෙක්ම රාජපක්ෂ පාලනයේ ලොකු ලොක්කන්ට හිතෙන හිතෙන විට රට සවාරි යාමට සහ එමිරේට්ස් ගුවන් සමාගමේ ලංකා පරිපාලනයට දන්වන්නටය. එහෙත් සැබවින්ම දන්වන්න ගොසින් ඇණගත්තේ කව්ද යන්න සිතාබැලිය යුතුය. ඉන් නොනැවතුන මහින්ද රාජපක්ෂ මහතා 2008 දී ශ්රී ලන්කන් ගුවන් සේවයේ පරිපාලයේ සිටි එමිරේට්ස් ගුවන් සමාගමේ ප්රධාන විධායක නිලධාරී පීටර් හිල් එම තනතුරින් ඉවත්කර ඔහුගේ වීසා පවා නවතා දැමීමට කටයුතු කරන්නේ ලන්ඩන් නුවර සිට ලංකාවට පැමිණෙන්නට සුපිරි පන්තියේ ආසන රාජපක්ෂ පවුලේ සාමාජිකයන් කිහිප දෙනෙක් වෙත වෙන් නොකිරීමට පිළිතුරු වශයෙන්ය. ඉන් අනතුරුව ශ්රී ලන්කන් ගුවන් සේවයේ ප්රධාන තනතුරට පත්කරන්නේ රාජපක්ෂ මහතාගේ මස්සිනාවූ නිශාන්ත වික්රමසිංහය. එහි ප්රතිඵලය වූයේ එමිරේට්ස් සමාගම සම්පූර්ණ වශයෙන් කොන්ත්රාත් ගිවිසුමෙන් ඉවත්වීමය. ඒ සඳහා අදාල සමාගමට වන්දි ගෙවීමටද ශ්රී ලන්කන් ගුවන් සමාගමට සිදුවූ බව දැනගන්නට ලැබුණි. ඒ කෙසේවෙතත් පහුගිය ආන්ඩුව ලංකාවේ ගුවන් සේවාවවලට ලාභ එක්කර දුන්නේ අන්න ඒ ආකාරයෙන්ය. අමුතු අමුතු වැඩ ආරම්භයේදී මිහින් ලංකා සමාගම වෙනුවෙන් එයාර් බස් ඒ320 සහ ඒ321 යන ගුවන් යානා ලීසින් පදනමට මෙහෙයුම් සඳහා එක්කරගන්නා ලදි. එහෙත් එම වර්ෂයේම අග අදාල වාරික මුදල් නොගෙවීම හේතුවෙන් බල්ගේරියානු ගුවන් සමාගමක් වන බී.එච්.එයාර් සමාගම එම එක් යානාවක් මෙහෙයුම් සිදුනොකරන ලෙසට නියෝග කරන ලදි. 2008 වසරේදී ඒ321 දරණ යානය තුර්කි ගුවන් සමාගමක් විසින් නැවත රැගෙන යන ලද්දේ අදාල හිඟ වාරික මුදල් නොගෙවීම නිසාවෙන්ය. සුප්රසිද්ධ ආර්ථික සඟරාවක් වන “ෆෝර්බ්ස්“ සඟරාව වරක් ලංකාවේ මගීන් නොමැති ගුවන් තොටුපල සහ ගුවන් යානා නොමැති ගුවන් සමාගම ලෙස අතිශය උපහාසාත්මක ලිපියක් ලියා පලකරන ලද්දේද මත්තල ගුවන් තොටුපල සහ මිහින් ලංකා ගුවන් සේවය සම්බන්ධයෙන්මය. එවකට එය දිගින් දිගටම පාඩු ලබන තත්ත්වයකට පත්ව තිබූ අතර අදාල සඟරාවේ විදේශීය මාධ්යවේදියා දුටු දුර්වලතා මෙරට බලධාරීන් නොදැකීම හෝ දැක නොදැක්කාසේ සිටීම අතිශය ඛේදනීය තත්ත්වයක් විය. එසේ පාඩු ලබද්දී පවා 2009 සහ 2010 වර්ෂ වලදී නැවතත් ලීසින් පදනම යටතේ මිහින් ලංකා සමාගම ගුවන් යානා ගෙන්වා ගත් අතර ගුවන් ගමන් ජාලය ඩුබායි දක්වා දීර්ඝ කරගැනීමටද සමත්විය. ඒ වනවිට ඉන්දියාව,සිංගප්පූර්ව,මාලදිවයින වැනි රටවල්වලට ගුවන් ගමන් සම්පාදනය කිරීමට මිහින් ලංකා සමත්විය. ශ්රී ලන්කන් ගුවන් සමාගමේ ගාස්තුවලට වඩා අඩු ගාස්තු යටතේ ක්රියාත්මකවීම නිසා දියුණුකල හැකිනම් ප්රයෝජනවත් ලෙස යොදාගත හැකි මට්ටමට මිහින් ලංකා ක්රියාත්මක වෙමින් පැවතිනි. එහෙත් ඒ සඳහා කඩිමුඩියේ යටකල මහා ධනස්කන්ධය නිසා සිදුවන මූල්යමය පාඩුව පියවා ගැනීමට එය කිසිඳු විටක සමත් නොවීය. එවැනි තත්ත්වයකදී පවා බංගලාදේශය විසින් හොඳම සහනදායී ගුවන් සේවය ලෙසට 2010 දී මිහින් ලංකා වෙත සම්මානයක්ද ලබා දුන්හ. පාඩු පිට පාඩු මිහින් ලංකා ගුවන් සේවය පිහිටුවීම සඳහා ශ්රී ලංකා රජය අයවැයෙන් රුපියල් මිලියන 250ක් වෙන්කල අතර ලංකා පුත්ර සංවර්ධන බැංකුවෙන්ද රු.මි 300ක ණය මුදලක් ලබාගන්නා ලදි. එය පළමු වසරේදීම රු.මි 195ක පාඩුවක් ලැබූ අතර 2008දීත් රාජපක්ෂ රජය මිහින් ලංකා නඩත්තු කිරීමට තවත් රු.මි. 500ක් වෙන්කලහ. එසේ වූවත් එය එම වසරේ රු.මි 3161 ක පාඩුවක් ලැබීය. 2009 වසරේදී පාඩුව රු.මි.1300ක් වූ අතර 2010දී රජය විසින් රු.මි.2574ක් මිහින් ලංකා වෙත ලබාදෙන ලද්දේ ලාභ ලැබීම පිළිබඳ අල්පමාත්ර හෝ බලාපොරොත්තුවක් නොමැති අවස්ථාවකය. මිහින් ලංකා මෙසේ දිගින් දිගටම පාඩු ලබද්දී රජයේ ආර්ථික උපදේශකයන් මෙන්ම ගෝලීය ආර්ථික සංවිධානද ලංකාවේ රජයට බරපතල ලෙස අනතුරු අඟවා සිටියේ මෙම ගුවන් සමාගම දිගින් දිගටම ලබන්නාවූ පාඩුව මෙන්ම රජය විසින් නැවත නැවත සිදුකරන මුදල් පොම්ප කිරීම ලංකාවේ ආර්ථිකය බරපතල අර්බුදයක් වෙත ගෙනයන බවය. නමුත් රාජපක්ෂ රජයේ හීනෝන්මාදයෙන් පෙලී වෙලී සිටි ආර්ථික විද්යා පකීර්ලාට හෝ බලයෙන් උමතුව සිටි නායකයන්ට මිහින් ලංකා අර්බුදයේ දිග පළල පිළිබඳ කිසිඳු අවබෝධයක් නොතිබුණි. එසේ තිබුණානනම් මිහින් ලංකා පිළිබඳ තීන්දුවක් ගන්නේ 2008 වසරේදීමය. බොහෝ ගුවන් ගමන් වාර සංඛ්යාවක් මිහින් ලංකා සමාගමට අහිමි වන්නට හේතුවූයේ කළමණාකාරිත්වයේ දුර්වලතාවය නිසා මෙන්ම එන්න එන්නම මගීන් සංඛ්යාව වේගයෙන් පහත වැටීම නිසාවෙන්ය. ගුවන් යානයක් මගීන් රහිතව හෝ ඉතා අඩු ප්රමාණයකින් සමන්විතය ගමනාන්තයක් කරා ලඟාවීම යනු අදාල සමාගමට බරපතල පාඩු සිදුකරන සිදුවීමක්ය. නමුත් මිහින් ලංකා වෙත එය සාමාන්ය සිදුවීමක් පමණක්ම විය. 2012 වර්ෂය අවසන් වන විට එහි මුළු පාඩුව රුපියල් බිලියන 8.5ක් බව විගණකාධිපති දෙපාර්තමේන්තුව විසින් පෙන්වා දුන් නමුත් වසර පහක් තිස්සේ පාඩු ලබමින් ආර්ථිකයට විශාල බරක් වෙමින් පැවති මිහින් ලංකා ගොඩගන්නට කිසිදු පුද්ගලයෙක් කටයුතු නොකරන ලදි. රටටම බරක් 2013 වර්ෂයේදී මිහින් ලංකා තමිල්නාඩුව වෙත ගුවන් ගමන් නවතා දැමීමට සිදුවිය. එම ගමන් වාර වලදී වැඩි පිරිසක් ගමන් කිරීම නිසාවෙන් යම්කිසි හෝ මුදලක් මිහින් ලංකා වෙත ලැබී තිබුණද එයද එතැනින් අවසන් විය. චෙන්නායි හීදී සහ ට්රිචී හීදී ලාංකික සංචාරකයන්ට දමිළ අන්තවාදී කල්ලි විසින් පහරදීම නිසා ඇතිවූ තත්ත්වය මත ලාංකිකයන් තමිල්නාඩුව වෙත ගමන්කිරීම නතර කරන ලදි. එය මරු පහරක් වූයේ මිහින් ලංකා ගුවන් සේවයටය. එසේම චීන සමාගමකින් එම්.ඒ 60 වර්ගයේ ගුවන් යානා 6 ක් සහන පදනම යටතේ මිලදී ගැනීමට අදාල කටයුතු විශාල ගැටළුවක් වී අධිකරණය දක්වා යන තත්ත්වයක් නිර්මාණය කලේ මිහින් ලංකා තුලින් පාඩු පමණක් නොව හොර ගුහාවක්ද නිර්මාණය කර ඇති බවට සාධක සපයමින්ය. ඒ නිසාවෙන් 2015 යහපාලන රජය පාලනයට පත්වූ වහාම ප්රකාශකර සිටියේ පාඩු ලබන මිහින් ලංකා ගුවන් සේවය වසා දැමීමට කටයුතු කරන බවය. මිහින් ලංකා සම්බන්ධ ගනුදෙනු ගණනාවක්ම කෝප් කමිටුවේදීද විමර්ශණයට ලක්වූ අතර රාජපක්ෂ පාලනය යටතේ ඒවාට එරෙහිව පියවරක් ගැනීමට අවස්ථාව නොලැබුණි. යහපාලන රජය විසින් මිහින් ලංකා වසා දැමීමේ මූලික පියවරක් ලෙස එය සඳහා වෙන්කරන මුදල් අඩු කිරීම සහ කපාදැමීම සිදුකරන ලදි. එසේම එය 2015 අග සිට ශ්රී ලන්කන් ගුවන් සේවය සමග ඒකාබද්ධ කරන ලද්දේද සේවා හුවමාරුව යටතේ පාඩු අවම කරගැනීම සඳහා විය හැකිය. විශාල සේවක පිරිසක්ද පවතින බැවින් එහි පිරිවැය ඉතා ඉහළ අගයක්ද ගන්නා ලදි. ඒ හේතුවෙන් මිහින් ලංකා වසා දැමීම ලෙහෙසියෙන් පහසුවෙන් කල හැකි කටයුත්තක් බවට පත්වුනේ නැත. ඒ වනවිටත් දූෂණ,අක්රමිකතා,වංචා, පාඩු නිසාවෙන් මිහින් ලංකා ආර්ථික ඒකකයක් වශයෙන් ලංකා ආර්ථිකයට සිදුකර තිබුණේ නරක මිස හොඳ දේ නොවේය. ගමනක කෙළවර මිහින් ලංකා ගුවන් සේවයේ මෙහෙයුම් නතර කිරීමේ පූර්ව පියවරක් ලෙස එහි පහසුකම් සැපයීමේ අංශ ශ්රී ලන්කන් ගුවන් සේවය වෙත පවරා දීමට වත්මන් රජය කටයුතු කරන ලදි. ඒ අනුව අලෙවි අංශය, ආසන වෙන්කිරීමේ සහ ප්රවේශපත් අංශය පවරා දුන්හ. එම අංශ සඳහා මිහින් ලංකා සමාගමේ සේවකයන් යොදා නොගන්නා බවත් ඒ සඳහා ශ්රී ලන්කන් ගුවන් සේවයේ සේවකයන් යොදාගන්නට තීරණය කිරීමත් සමග මිහින් ලංකා සමාගමේ සේවක මණ්ඩලයේ සාමාජිකයන් 297 දෙනාගේ රැකියා අවදානම් තත්ත්වයකට ඇද වැටී ඇත. මිහින් ලංකා ගුවන් සේවය හරහා ආරම්භකල විශේෂ දඹදිව ගමන් චාරිකා පැකේජයද ඒ සමගම අවසන් වූ අතර එයට එරෙහිව බෞද්ධ ජනතාවගේ දැඩි විරෝධය එල්ලවිය. එසේ තිබියදී පසුගිය අඟහරුවාදා (04) රජය තීරණය කලේ ඔක්තෝම්බර් 30 වැනි දිනෙන් පසු මිහින් ලංකා ආයතනය වසා දමා එය සම්පූර්ණයෙන්ම ශ්රී ලන්කන් ගුවන් සේවය යටතට පත් කිරීමයි. ඒ අනුව මිහින් ලංකා නාමය ඉන් අනතුරුව අවසන්වනු ඇත. රටකට ගුවන් සේවා දෙකක් තිබුණාට කිසිඳු ගැටළුවක් නැත. එසේම සහනදායී ගුවන් සේවයක් පැවතීම ඉතාම හොඳය. නමුත් රාජපක්ෂ රජය සිදුකල වරද වූයේ නිසි ශක්යතා අධ්යයනයකින් තොරව, විධිමත් අලෙවි සැලැස්මක් හෝ උපක්රමික සැලස්මක් නොමැතිව මිහින් ලංකා සමාගම පිහිටුවා නිරපරාදේ රටට ණයවීම පමණකි. ඒ වැයකල සල්ලි ලංකාවේ ජනතාවගේ දුක් මහන්සියේ මුදල්ය. එසේම පාඩු ලබන ආයතනයක් හුදෙක් තවත් ආයතනයකට යටකරනවා වෙනුවට එය වෙනම ඒකකයක් ලෙස ලාභ ලබන තත්ත්වයකට පත්කරගැනීමට අසමත්වීමම, යහපාලන ආන්ඩුවේ ආර්ථික පකීර්ලා සහ පහුගිය ආන්ඩුවේ ආර්ථික පකීර්ලා අතර ලොකු වෙනසක් නැතැයි පෙන්වා දී ඇත. දෙතැනම ඇත්තේ අසමත්කම මිස අන්යමක් නොවේය.
අභය බිමක් සොයා මිනිසුන් සමග පොරබදින වන අලි කුමාරතුංඟ මුනිදාස ශූරීන්ගේ ’හීන්සැරය’ කෘතිය කියවූ මනස්තුල පුංචි කටුස්සෙකුගේ ප්රඥානවන්ත උපක්රමශීලීත්වය හමුවේ පසුබැසගිය ශරීරයෙන් දැවැන්ත අලියා පිළිබඳ කතාව උගත හැකිය. එහෙත් අලියා යනු ඥානවන්ත සතෙක් නොවන බවට කිසිවෙක්ට තර්ක කල නොහැකිය. එහෙත් දෙපා සතාගේ කල්ක්රියාව නිසා උමතුවෙන් මෙන් ඉතිරිව ඇති බිම්කඩ පුරා සාගින්නේ මරබියෙන් දිවයන අලිපරපුර ගැන මේ දිනවල නැවත කතාබහ මතුව ඇත. දළදාව කරමත තබාගෙන තේජස් ගමනක යන්නට පාගමනින්ම යන නැදුන්ගමුවේ රාජා හස්ථියාට වන්දනාමාන කරමින් ගරුබුහුමන් කරන ලංකාවාසී මිනිසුන්ම එම පරපුරේම ඥාතීවන අලිඇතුන් ගම්වදින විට මොනවාහරි කරලා අලිටික පන්නන් යැයි වනජීවී නිලධාරීන්ගෙන් ඉල්ලා සිටිති. ඇත්තටම අසරණ අලින් ද නැතිනම් වනය ආසන්න ගම්වාසී මිනිසුන් ද කියා අපටද ගැටළුවක් මතුවීම ස්වාභාවිකය. අනුරාධපුර, පොළොන්නරුව, මාතලේ, මඩකලපුව, මොණරාගල,බදුල්ල, හම්බන්තොට යන දිස්ත්රික්ක නිරතුරුවම වන අලින්ගේ ප්රහාරයන්ට ලක්වන දිස්ත්රික්කයන්ය. මීට කලකට පෙරාතුව කැකිරාව නගරයට කඩාවැදුණු අලියෙක් විශාල හානියක් කරන අයුරු රූපවාහිනියෙන් දුටුවෙමු. පසුගිය දිනවල හම්බන්තොට නගරය තදාසන්න ප්රදේශවලට නිරතුරුව කඩාවදින වන අලි රංචු කිහිපයක් නිසාවෙන් ඒ ප්රදේශවල ජනතාව ජීවත්වන්නේද මරබියෙන්ය. අලි-මිනිස් ගැටුම් ගැන සමීක්ෂණ, පරීක්ෂණ කරන අපේ රටේ දේශපාලඥයින්, පරිසර නිලධාරීන්, පරිසරවේදීන්ට තවමත් හැකිව ඇත්තේ අලි වැටක් ගසා විදුලියෙන් සීමාව වෙන්කිරීම පමණි. එහෙත් අලිවැටට වෙට්ටු දමා ගම්වදින අලින් නිසා අද වනවිට ගම්වැසියන්ගේ ජීවිත මෙන්ම අලින්ගේ ජීවිතද ඇත්තේ ඉතා අන්තරායක අඩියකය. හම්බන්තොට අලි කලබල හම්බන්තොට යන පසුගිය රාජපක්ෂ පාලනයේ ෆැන්ටසි නගරය ලෙස හැඳින්වූවාට වරදක් නැත. ශුෂ්ක දේශගුණික පරිසර පද්ධතියක් පැවති හම්බන්තොට එක් පසකින් යාල, බූන්දල වැනි ඉතා වටිනා පරිසර පද්ධතීන්ගේ පෝෂණය ලබති. ඒ පරිසර පද්ධතීන් දෙකම අතීතයේ පටන් අලින්ගේ ක්ෂේම භූමියක් බවට පත්ව තිබූ ප්රදේශයන්ය. ලෙනාඞ් වුල්ෆ් ගේ ’බැද්දේගම’, බ්රෝහියර් ගේ ’ බ්රෝහියර් දුටු ලංකාව’ කෘතියේත්, දොස්තර ස්පිට්ල් ගේ බොහොමයක් කෘතිවලත් රුහුණු මාගම්පත්තුවේ අලි ගහනය පිළිබඳ ඉතා වැදගත් සාක්ෂි සපයයි. මහානාග රාජධානි සමයේ සිටම මිනිස්වාසීන්ටත් වඩා ප්රමාණයක් අලි මේ ප්රදේශ නිජභූමිය බවට පත්කරගෙන සිටිබවට සාධක තවමත් ඉතිරිව ඇත. මිනිසුන් විසින් දිනෙන් දින වන ජීවීන්ගේ වාසභූමි අත්පත් කරගනිමින් තමන්ගේ අවශ්ය තා ඉටුකර ගනිමින් සිටින අතර වන අල උන්ගේ සාම්ප්රදායික නිජබිම්වලට බලෙන් ඇතුළුවූ මිනිසුන් සමග ඔවුන් ගැටුම් ඇතිකරගැනීම එක් පැත්තකින් බලාපොරොත්තු වියයුතු අභාග්යසම්පන්න ඉරණමකි. බඳගිරිය, සිරිබෝපුර, මයුරාපුර, මිරිජ්ජවිල, මීගහජඳුර, අම්බලන්තොට, බැරගම මෙන්ම වරාය පිවිසුම, වරාය සීමාව, පරිපාලන සංකීර්ණය, නව රෝහල, සම්මන්ත්රණ ශාලාව, සුචී ගම්මානය, ලූණු ලේවාය, කජු සංස්ථාව වැනි ඉසව් බොහෝවිට වන අලින් නිතර ගැවසෙන ස්ථාන බවට පත්ව ඇත. ඊට අමතර මත්තල, සූරියවැව වැනි ප්රදේශද නිරතුරුව වන අලින්ගේ ප්රහාරයන්ට ලක්වන ප්රදේශ බවට අද පත්ව ඇත. මේ ප්රදේශවල වන ආශ්රිතව ජීවත්වන ජනතාව බොහොමයක් සිටින්නේ යන්තම් කටුමැටි ගෑ පැල්පත්වලය. ඒවාට පහරදෙන අලින්ගේ කරදර නිසා ජනතාව කල්ගත කරන්නේ මරබියෙන්ය. පසුගිය කාලයේ සංවර්ධන ව්යාපෘති යටතේ හම්බන්තොට එළිපෙහෙලි වනවිට වන අලින් ගම්වැදීම සාමාන්යකරණය වී ඇති අතරම ජීවිත සහ දේපල අහිමිව දුක් විඳින්නේ හම්බන්තොට රජගෙවල්, මන්දිරවල දිවිගෙවන සිටුවරුන්, ධන කුවේරයන් නොව අලින් මෙන්ම අසරණ මිනිසුන් පිරිසක්වීම එක් පැත්තකින් ඉතාම කණාගාටුදායක සිදුවීමකි. වෙනදා වී බිස්සෙන් වී සොරකම් කරන්නට, ඉඳහිට ලූණු මල්ල ඇදගෙන යන්නට ගම්වදින වන අලින් වෙනුවට අද වනවිට මාගම්පත්තුවේ සැරිසරන්නේ අභය බිම් අහිමිව සරණාගතයන් බවට පත්ව හසරක් නොමැතිව ඇවිදින අසරණ අලින්ය. මෙම ප්රදේශයේ අලි මරණ සහ අලි ප්රහාර හේතුවෙන් සිදුවන පුද්ගල මරණ සම්බන්ධයෙන් වගකිව යුත්තේ මෙම අක්රමවත් සංවර්ධන කටයුතුය. සංවර්ධනයෙන් අලි අනාථයි ලංකාවේ දෙවැනි ජාත්යයන්තර ගුවන්තොටුපොළ ඉදි කිරීම සඳහා පමණක් මත්තල ප්ර දේශයේ අලි - ඇතුන්ගේ ප්රනධාන වාසස්ථානයක් වූ දැවැන්ත වනාන්තර පද්ධතියේ අක්කර 5000 ක් සම්පූර්ණයෙන් යොදා ගැනීම සිදු කෙරිණි . ඉන් පසුව ඒ ආශ්රිත මාර්ග පද්ධති හා යටිතල පහසුකම් නැංවීමට ල හම්බන්තොට වරාය ඉදි කිරීමට ල හම්බන්තොට ජාත්යන්තර සම්මන්ත්රණ ශාලාව ල මිරිජ්ජවිල ආයෝජන කලාපය ල හම්බන්තොට පරිපාලන සංකීර්ණය හා ක්රිකට් ක්රීඩාපිටිය ඉදිකිරීම සඳහාද දැවැන්ත වනාන්තර ප්රකමාණයක් ඉවත් කෙරිණ ග මේ හේතුවෙන් පහළ අන්දරගස්වැව ල දිමුතුගම ල එලල්ල ල පහළ මත්තල ල උඩ මත්තල ගල බඳගිරිය සහ ලූණුගම්වෙහෙර ව්යාපාරය යටතේ සංවර්ධනය කළ කුඩා ගම්මාන 5 හා 6 ප්රදේශවලට වාසස්ථාන අහිමි වූ අලි - ඇතුන් පිවිසීමෙන් දැවැන්ත අලි - මිනිස් ගැටුමක් අලූතින් නිර්මාණය වී ඇත. මේ නිසා වගා බිම්වලට හා දේපළවලට සිදු වී ඇති හානිය සුළු පටු නොවේ ග සමහර ගොවි ජනතාව වගා කටයුතුවලින් ඉවත් වීමට පවා මේ තත්ත්වය බලපා තිබේ ග අලි - මිනිස් ගැටුම නිසා 1990 සිට වසර 2000 දක්වා කාලයේදී අලි 1300 ක් මිනිස් ජීවිත 350 ක් අපට අහිමි වී ඇත ග 2012 - 2013 - 2014 වසරවලදී හා මේ මාසයේ මුල් මාස 8 ඇතුළත අපට අහිමි වූ අලි ගණන 779 කි ග මිනිස් ජීවිත ගණන 215 කි ග මේ අනුව වසරකට අපට අහිමි වන අලි ගණන 220 කි ග මෙම වසරේදි පමණක් මාතලේ හා පොළොන්නරුව දිස්ත්රික්ක දෙක තුළ අලි මිනිස් ගැටුම නිසා මිනිස් ජීවිත 23 ක් ද අලි මරණ 45 ක් සිදුවී ඇත. විසඳුම කොතැනද? වන අලි ගැටළුවට ස්ථිරසාර විසඳුමක් තවමත් ලබාදීමට කිසිඳු රජයකට හෝ සංවිධානයකට හැකියාව ලැබී නොමැත. අභය භූමි තුල පවා අභය නොමැති ඇත් පරපුර ගම්වැදී සිදුකරන හානිවලින් සිදුවන ජීවිත හානිවලට,දේපල හානිවලට ද නිමක් නැත. විදුලි වැට යනු යල් පැනගිය සංකල්පයක් බව හම්බන්තොට ප්රදේශය පුරා සංචාරය කරන ඕනෑම අයෙක්ට දැකගත හැකිවන්නේ ස්ථාන ගණනාවකින්ම විදුලි වැට වන අලින් විසින් බිඳදමා ඇති ආකාරය අනුවය. අලි ඇතුන් වනාන්තර ප්රදේශවලින් පන්නා දැමීම කිසිසේත්ම කල නොහැකිය. එම සතුන් පරිසර පද්ධතියේ කොටසක් බැවින් වේගයෙන් වඳවීමේ තර්ජනයට මුහුණදී ඇති අලි සම්පත රැුකගන්නට නම් නිසැක වශයෙන්ම සාර්ථක විසඳුමක් අවශ්යවේ. ප්රධානතම කරුණවන්නේ වනාන්තර එළිකර ජනාවාස ඉදිකිරීම පාලනය කිරීමය. සංවර්ධන යෝජනා ක්රම වලටත් වඩා වේගයෙන් ග්රාමීය ප්රදේශවල වනාන්තර හෙළිකර ජනාවාස ඉදිකිරීම නිසා ඉබේම අලින්ගේ වාසභූමිවලට ජනතාව පැමිණ ඇත. අනිත් පැත්තෙන් ඒ බලහත්කාරයෙන් කරන ලද වන විනාශය නිසා ආහාර අහිමිව අලින් ගම්වැදීම සහ උමතුවෙන් මෙන් කටයුතු කිරීම සාධාරණය. මෙරට අලි ඇතුන් කිසිසේත්ම පින්නවලට,යාලට,උඩවලවට කොටුකර තැබිය නොහැකිය. අලියා නම්වන සත්වයා හොඳින් වැඩුණ පසු අවම වශයෙන් දිනකට සැතපුම් 30 කට වැඩි ප්රමාණයක් ගමන් කරන බව සත්ත්ව විද්යාඥයන්ගේ මතයයි. ඒ නිසා එම සත්ත්වයා සීමිත බිම්කඩකට කොටුවීම නිසා සිදුවන්නේ මානසික ව්යාකූලත්වය නිසා ප්රචණ්ඩකාරීව හැසිරීමයි. විශේෂයෙන්ම හම්බන්තොට වැනි වසරේ එක් කාලයකට පමණක් වැසි ඇදහැලෙන ප්රදේශවල දිය සොයමින් අලින් බොහෝ දුරක් ගමන් කිරීමද සාමාන්ය තත්ත්වයකි. එවැනි අලිමංකඩ සියල්ලම පාහේ හරස් කර ජනාවාස ඉදිකර ඇත. කලක් වන සංරක්ෂණ බලධාරීන්ගේ යෝජනාව වූයේ වනාන්තර ගණනාවක් ඒකාබද්ධකර අලින්ගේ සාම්ප්රදායික මාර්ගය සකසා දීමට වූවත් එය හුදෙක් යෝජනාවක් පමණක්ම බවට පත්විය. අලි මිනිස් ගැටුම ගැටුමක් බවට පත්ව ඇත්තේ කාගේ වරදින්ද කියා තාර්කිකව සිතා බැලිය යුතුය. වර්ග කිලෝමීටර හැටපන්දහසක භූමි භාගයේ වනාන්තර ඉතිරිව ඇත්තේ ඉතා අල්ප ප්රමාණයකි. ඒවාද ජනාවාසවීමට ඉඩහැරීම තුල මේ ගැටුම් වර්ධනය වීම මෙන්ම ඉතිරි අලි සම්පතද ක්ෂ්යවී ශූන්යවී ගිය දිනක අපේ මිනිස්සුන්ටද ඩයිනෝසිරස් සේ නොදුටු සත්ත්වයෙක් ලෙස අලියා නම්කරන්නට සිදුවනු ඇත. නමුත් ඒ වනවිට ජීවිත මෙන්ම විශාල වටිනා දේපලද අහිමිව තිබෙනු ඇත. දැන් හෝ විධිමත් සැලැස්මක් සහිතව රජය,මහජනතාව,පරිසර සංවිධාන සහ පරිසරවේදීන්, ජාත්යන්තරය එක්ව ක්රමවේදයක් සකස්කල හොත් ඒ මහා විනාශය මෙතෙකින් නතරකර ගනු හැකිවනු ඇත.
රිෂාඩ් බදුර්දීන්ගේ ඇස් ඉදිරිපිට Google Maps වලින් පෙන්වූ විල්පත්තු විනාශය (Video) දෙරණ 360 වැඩසටහනට සහභාගීවූ අමාත්ය රිෂාඩ් බදුර්දීන් විල්පත්තු වනාන්තර පද්ධතිය තුල ජනාවාස පිහිටුවීම සම්බන්ධයෙන් අදහස් දක්වමින් කියා සිටියේ එවැනි ජනාවාස කිසිවක් එහි ස්ථාපිත කර නොමැති බවය. විවිධ සාධක ඉදිරිපත්කරමින් එය ප්රතික්ෂේපකල ඇමතිවරයාගෙන් නිවේදකයා ඉල්ලා සිටියේ එම ප්රදේශයේ සාම්ප්රදායික ග්රාමයක් පැවතියේ නම් එහි ඡන්දහිමි නාම ලේඛන හෝ නිල ඔප්පුය. නමුත් එම ලේඛන සොයාගැනීමටද ඇමතිවරයාට නොහැකිවිය. ඉන් අනතුරුව Google Maps හරහා නිෂ්පාදන කණ්ඩායම විසින් වසර ගණනාවක් තිස්සේ විල්පත්තුවේ සිදුවන වන විනාශය සහ අනවසර ජනාවාසකරණය පෙන්වා දුන් අතර එය බොරු බව කියන්නට ඇමතිවරයා විවිධ කරුණුද ගෙනහැරපාන ලදි. එම වීඩියෝව පහතින්