#pagbabasa

[italasatala]

Mula bobong naging mala-Bob Ong

Dati rati ay hindi ako mahilig sa pagbabasa.

NEVER.

KAILANMAN.

Lalo na kung ito ay fiction. (Ngunit ako ay guilty rin sa pagbabasa at pagsusulat ng mga kwentong mababasa mo sa Wattpad. Sa kasamaang palad, ito ay aking nabura at dinilete ang existence nito sa platform na iyon.)

Pwera na lang kung ito ay tungkol sa kasaysayan at kung anuman. Lalo ako naging interesado sa pagbabasa nang aking matunghayan ang librong, “Bakit Baliktad Magbasa ng Libro Ang Mga Pilipino?” Ang librong ito ay likha ng manunulat na si Bob Ong. Bata pa ako nang mabasa ko ang libro na ito, at hindi pa ako nakatungtong sa highschool noon. 

Samakatuwid, hindi ko naman ito agad na pinulot dahil sa mga feedback o kung anuman. Nakapang-aakit lang talaga sa mata ang kulay at cover ng libro na ito. Aba, baliktad nga ang libro at sa kauna-unahang pagkakataon ay nagmukha akong tanga at bobo (na alam kong pwede na akong pagtawanan. Natatandaan ko yung mga panahong binabasa ko ang librong ito ng mag-isa habang takang-taka naman ang iba kung bakit nga baliktad ang libro. Aba’y hindi ko na sila pinansin, bagamat ako ay nakukuntento sa maliit na mundo na aking kinagagalawan sa mga sandaling iyon.

Ang bawat salita, bawat pangungusap, bawat talata ay labis kong ikinatuwa. Matatawa ka. Gayon nga ang nangyari sa akin. Hindi ko matigilan ang tumawa, ngunit kasabay ng tuwa at tawa ang matatalim na panusok na dala-dala ng mga salitang binibitawan. Mayroon itong kaakibat na bigat na sa maya’t maya sa iyong pagtawa ay matatamaan ka na ng realidad. Madidismaya ka. Ganito na nga ba ang lipunan natin?

Oo. Kung hindi man ay siguro di na ito maisusulat pa ng manunulat. Simula noon ay nagsariling sikap ako na tunghayan at siyasatin ang mga pangyayari sa kapaligiran. Hinahanap ako ang mga mas malalalim na pagpapakahulugan at pang-unawa sa aking napagmamasdan. Mula bobong naging mala-Bob Ong, binubuo ko ang sarili kong perspektibo ukol sa lipunan. Hindi ko taglay ang witty at funny na estilo ng pagsusulat niya at hindi ko rin ito sinusubukang gayahin. 

Hindi naman ako si Bob Ong, subalit gustong-gusto ko rin na isalaysay at maibahagi ang aking sariling kaisipan. Naniniwala ako na ang pagsusulat ay mayroong tinataglay na kapangyarihan na maimpluwensiyahan at makumbinsi ang sansinukob (kaway kaway sa mga aliens) . Kung kaya’t ako ngayon ay nagsusulat at– nagbabasa ng mga libro.

Tulad ng nabanggit ni Bob Ong at iba pang manunulat katulad ng aking guro na si Ginoong G, ikaw ay makapagsusulat lamang kapag ika’y nagbasa, nagbabasa, magbabasa. 

Ano ba ang maisusulat mo kung hindi mo alam? At ano nga ba ang alam mo kung wala ka ring nabasa o nababasa?

What is there for you to write when you don’t know? and what shall you know if you have not read anything?

[bene-blog-filipino]

Ang panitikan sa madaling salita

“Panitikan na naman?”  Isang unibersal na katanungan ng mga taong walang hilig magbasa at napilitan lamang magsaliksik tungkol sa kahulugan nito dahil nautusan sa klase.  Bakit ka nga naman mahihilig magbasa kung puno na ang mundo ng ibang paraan ng pagpapahayag gaya ng pelikula na puno ng nakapang-aakit na mga biswal at tunog?  Uso na rin naman ang paglalapat ng mga babasahin sa ganitong plataporma; maghihintay ka na lamang ng mga masisipag na taong magbibigay ng buhay sa walang kulay na mga pahinang inilimbag ng maraming manunulat.  Ngunit hanggang doon lamang ba ang panitikan--isang burador para sa makabagong media?  Ano nga ba ang saysay ng panitikan?

ANO ANG PANITIKAN?

“Ang panitikan ay mga panulat na nagpapahayag ng mga karanasan—”, bumaling tayo mula sa depinisyong malamang na gagamitin mo para sa iyong takdang-aralin. Sa aking pagpapalagay, ang panitikan ay parang pagbibisikleta—matrabaho dahil kailangan mo pumadyak nang pumadyak upang makarating sa destinasyong kailangan mong puntahan.  Bagama’t ganito, kontrolado mo naman ang biyahe.  Nasa iyo ang kapangyarihang makita ang iba’t ibang tanawing pwede mong madaanan.  ‘Di tulad sa mga dyip at traysikel na dadalhin ka agad sa nais mong puntahan, sa pagbibisikleta, may pagkakataon kang tumigil, huminga, at magmasid sa kagandahan ng paligid. Hindi nakakulong ang iyong mga mata sa loob ng karwaheng mabilis at diretso sa puntong paglalakbay.  Sa panitikan, abot langit ang kisame ng imahinasyon.

BAKIT KAILANGAN PAG-ARALAN ANG PANITIKAN?

“Dahil sabi ng aming guro.”  Napakalakas na salita ang “kailangan”, pero bakit nga ba sinasama ang panitikan sa ating mga pinag-aaralan sa paaralan?  Ano nga ba ang mayroon dito? Kaibahan sa ideya na ito’y nakapang-aaliw, sinasalamin din ng panitikan ang kahapon, ngayon, at bukas.  Pinakikita nito ang kasaysayan, ang mundo ng nakaraan kung saan nagsimula ang lahat.  Laman nito ang mga nangyari sa nagdaang panahon at mga persepsyon ng mga nauna sa atin. Nandito ang kaalaman na maaari nating gamitin sa kasalukuyan at sa hinaharap.  Pinakikita rin nito ang panahong ito, ang mundong ating ginagalawan.  Laman nito ang mga naiisip ng mga kasalukuyang mga manunulat na maaari nating gawing gabay o libangan.  Nagiging “burador” din ito ng mga pelikulang nakapang-aakit sa ating mga mata.  Laman nito ang husay ng makaluma at makabagong manunulat.  Sa huli, pinakikita rin nito ang hinaharap, ang mundong ating pinupuntahan sa bawat oras.  Laman nito ang lawak ng imahinasyon at kakayanan ng mga taong maglathala, mag-isip, at mangarap para sa henerasyong daraan.  Sa madaling salita, may dahilan kung bakit buhay ang panitikan kahit na napakatagal na nito.

PAANO PINAG-AARALAN ANG PANITIKAN?

Maraming diskarteng ginagamit sa pag-aaral ng panitikan ngunit ang pinakamahalaga sa lahat ng ito ay ang pagbabasa.  Bagama’t mukhang simple lamang ang pagbabasa, may mga paraan upang mas mapalawig nang husto ang pagkakasunod-sunod ng mga salitang ginamit sa bawat obra.  Marami kang mapupulot sa isang akda kapag marunong kang kumuha ng impormasyon.  Ang simpleng pag-alam tungkol sa maykatha at sa mundong naroroon siya ay isang susi sa pag-intindi kung anong nais niyang ipabatid.  Ang sining ng pagbabasa ang katapat ng pagbibigay-halaga sa panitikan.

SANGGUNIAN:

Ghaz, S. (2019, Hulyo 15). ANO ANG PANITIKAN - Kahulugan ng Panitikan & Mga Halimbawa Nito. Kinuha mula sa Philippine News: https://philnews.ph/2019/07/15/ano-ang-panitikan-kahulugan-ng-panitikan-mga-halimbawa/

Salamat sa strokesandscribbles para sa GIF.

[lyngendary]

MAGBASA TAYO TUWING UMAGA

Madali lang magbasa pero ang maunawaan ang bawat salitang nakalimbag ay minsan isang kumplikadong proseso. Minsan, iba ang pagkakaintindi mo sa nais iparating ng manunulat lalong lalo na kung mga matalinghagang salita ang ginagamit.

Ano bang makukuha mo sa pagbabasa?

inpormasyon - sa pagbabasa nakakakuha ka ng mga inpormasyong nais mong malaman sa araw-araw. Gaya na lang ng mga pahayagan kung saan nakalathala ang mga mahahalagang balita at kasalukuyang nangyayari sa lipunan. Kung mga magazine man ang trip mo, marami ka ring makukuhang inpormasyon tungkol sa iyong mga kinagigiliwan tulad ng fashion, pagkain, mga byahero tips atbp. Iba-iba man ang genre ng ating mg binabasa, ang ating primary goal naman ay ang makakuha ng inpormasyon.

aral - sa likod ng bawat salita na nakasulat sa papel man o sa monitor ay may aral na nais iparating ang may-akda sa ating mga mambabasa. Minsan madali lang sila makita, minsan naman ay nakakubli sa bawat letra na nagiging salita na nagiging isang salaysay. Ang mga aral na ito ay isang malaking tulong sa ating araw-araw na pamumuhay.

emosyon - minsan may mga emosyon na nais ipadama ang isang manunulat. Nagsusulat siya ng mga bagay na may kinalaman sa ating emosyon. Halimbawa isang istorya ng isang batang inaapi ng magulang, syempre tayong mga mambabasa eh nakakadama ng awa sa bata, nais nating tulungan siya at minsan nais nating ibahin yung storya na naayun sa ting pananaw.

nagsisimula kang mag-isip at magtanong - habang nagbabasa nagsisimula kang mag-isip kung tama nga ba yung sinulat nung may-akda o kung may mali ba siyang naisulat. Naiisip mo kung ano ang nais niyang ipahiwatig. Naiisip mo rin bakit ba niya to sinulat? at sa puntong it ay nagsisimula ka nang magtanong. Bakit kaya niya to sinulat? Bakit ba nagkaganito ang mundo? Bakit siya nakulong? bakit siya naging masaya?

Marami ka pang maiisip na tanong bukod sa artikulong binabasa mo. Gaya na lang ngayon, habang binabasa mo itong post ko, siguro magtatanong ka, "Bakit ba niya pinost to?" "Ano kaya ang nag-udyok sa kanya na ipost to?" "Totoo kaya yung mga sinulat niya dito?" Kung minsan i-ignore mo na lang kasi feeling mo walang kwenta. Magbasa ka na lang 'pre para malaman mo.

:)

[modern-mariaclara-blog]

lately, I enjoy reading books. Since nagstart ang school year every week meron akong binabasa. Anu kayang nangyayari sakin bakit parang sa isang iglap e nahilig ako sa pagbabasa.

Naisip ko kasi bigla ang kahalagahan ng kaalaman na makukuha mo sa mga libro. Ayoko na magstick lang sa mga books na required sa school. Gusto ko mag-explore. 

Sabi nga ng iba the cheapest way para makarating ka sa iba't-ibang lugar at panahon ay sa pamamagitan ng pagbabasa.

[sentidokomon]

Maniwala Kayo, Laking Pakinabang Nito sa mga bata.

Ang kaunlaran ay mahirap naman talagang matamasa kaya sinisikap ng pamahalaan na maghanap ng mga paraan upang matamo ang inaasam. Sa kasalukuyan, may mga napagplanuhan na ang pamahalaan tulad ng K-12 na ang layunin ay maiangat ang kalidad ng edukasyon, kaakibat nito ang umuusbong na kaalaman sa teknolohiya na kung tawagin ay COMPUTER LITERACY. Ang Computer Literacy ay ang kakayahang gumamit ng kompyuter at ano pa mang pagkilala sa pag-unlad ng teknolohiya na maaaring magamit sa produktibong paraan.

Ngayon, masasabi na ang mga kabataan ay mabilis matuto sa paggamit ng kompyuter kaya isinusulong ng pamahalaan ang pagdagdag kaalaman sa pamamagitan ng Computer literacy. Kapag ang isang kabataan ay natutong gumamit ng kompyuter ay tulad na rin ng pagkatutong makapaghanap ng trabaho dahil sa kasalukuyan, may mga hanapbuhay ay kinakailangan na ng modernong paraan ng pamamalakad tulad ng pagsusumite ng Résumé sa mga kompanya at iba pa. Malaki ang tulong ng Computer Literacy sa isang bansa lalo na ang kompyuter sa kasalukuyang panahon ay isa sa mga pangunahing pangangailangan na tumutulong sa pag-unlad ng bansa kung mataas ang antas ng kaalaman sa paggamit ng makabagong teknolohiya. Siguradong malaki ang tulong nito sa mga kabataan para sa kanilang pagiging produktibo at pagiging pakipakinabang. Sa mga pangyayari ngayon sa Pilipinas, masasabi na marami nang paggagamitan ang Computer Literacy tulad ng paggamit ng ATM sa bangko, Pagboto gamit ang Automated machine, paggawa ng mga transaksyon sa mga pamilihan, pagsusumite ng mga kakailangan gamit ang internet. Maraming gamit at maraming mabuting epekto ang pagkatuto sa paggamit ng kompyuter. Hindi lamang sa kakayahang makapaggamit ng kompyuter ang malalaman ng isang kabataan, matututo rin siyang makapagbasa ng mga nasa iba’t-ibang panitikan gamit ang kompyuter, matututo rin silang makapagsalita ng ibang wika na maaari nilang magamit sa kanilang pakikipag-usap sa mga banyaga. Maaanyaya ang mga estudyante na mas matuto pa nang marami kapag may mga matutunan sila sa pamamagitan ng kompyuter. Walang katapusan ang hatid na pag-asa sa kaunlaran ng Computer Literacy.

Tunay na mahalaga ang Computer Literacy at dapat bigyang pansin ng pamahalaan ang mga bagay na kaugnay dito. Malaki ang posibilidad na magkaroon ng magandang kinabukasan ang mga bata sa mga susunod pang henerasyon kung isa ang Computer Literacy ay isa sa mga mamamayagpag sa kasalukuyan at sa hinaharap sa edukasyon ng bansa.

-

-

AT DoTA Players din pala.

[nangmaiba]

Kung magbabasa ka...

mas marami kang malalamang deep words. mas maeenhance ang reading and writing skills mo at madadagdagan ang vocabulary mo with these deep-words. matututo ka ding makipagusap ng may kasamang kalatinuhan.

[jazonegnog]

Mas magandang magbasa ng nakadilat ang mata, kesa naka-pikit.

Nakakaloko ang titulo hindi ba? Paano ka nga naman magbabasa ng nakapikit ang iyong mga mata? Syempre magbabasa ka ng nakadilat. Sino ba namang tanga ang gagawa ng pagbabasa ng nakapikit. Pero hindi. Hindi lang sa literal na kahulugan ako babase, ngunit sa iba pang kahulugan nito.

Sa pagkakasabi kong "Mas magandang magbasa ng nakadilat ang mga mata", ang ibig kong sabihin ay, magbasa ka ng may pag-appreciate o magbasa ka ng iniintindi ito. Hindi yung babasa ka ng wala sa puso. Nakikita mo nga, hindi mo naman naiintindihan. Nagbabasa ka nga hindi mo naman tini-treasure yung nababasa mo. Nagbabasa ka kase para in o nagbabasa ka dahil gusto mong matuto. 

Napakalaking advantage kapag mahilig ka magbasa, isang paraan din kase ito para ma exercise din ang utak mo at habang nagagamit ang utak mo, nadadagdagan ka pa ng kaalaman. Lamang ang isang taong mahilig magbasa. Hindi kase lahat ng tao nagbabasa, kaya ang iba mong nalalaman ay hindi nila alam.

Wala naman masama kung hindi ka mahilig magbasa, sinasabe ko lang na mas lamang ang taong madalas magbasa dahil sa mga kaalaman naidadagdag ng librong nababasa nila.