#samartimesadness

[joh-08]

Guho

Hindi ako bumuo Ng pagkataas-taasang pader, Upang makita lamang itong gumuho Sa tuwing muli kang papapel. Hindi ko pilit na nilimot Ang kathang isip ng pag-ibig na totoo, Pinatibay ng mapanlinlang na kilos mo, Nang sa tuwing babalikan mo ako, Ay mananariwa't sa isipa'y manunuot. Ngunit sige na lang. Salamat. Sa kabila ng pagkasalat Sa pag-ibig na tapat. Di na mananabik sa muling paglapat Ng dampi ng tamis na sa aki'y sasapat. Hindi. Hindi. Hindi na. Bahala na ang tadhana. Ayoko nang gumawa pa ng paraan Na makamit kang muli't mahagkan. Kung ako'y iyong naisin, Kung ika'y nangungulila sa akin. Ipahayag mong totoong damdamin, At lahat ng paraan ay 'yong gawin, Upang muling tayo'y magkapiling.

[joh-08]

"Takipsilim na naman"

Nung una'y napakatingkad ng iyong liwanag Nakakasilaw, napapapikit sa twing tinititigan. Hanggang sa unti-unti nang lumalamlam Kumukupas ang liwanag.

Pinapalitan ng kulay ang umpisa ng pagsasarado Iniipon isa-isa ang mga susi ng kandado Ng mga gunitang pinigilang maging bahagi Ng katauhan dahil sa paglisang sumasagi

Subalit malakas ang paglubog ng araw At ngayon ay unti-unti pang binubuksan Ang patapos nang alaalalang ayaw tandaan Ngunit di maitatatwang ikinaigaya din naman.

Sige na, yayakapin na Ang di maiiwasang tadhana Ang nalalapit na pagdilim Ang pagsapit ng gabing lumalalim