Sabi nila, laro lang daw yan sayang oras. Walang kwenta. Walang tunay na silbi.
Pero paano kung sabihin kong minsan, may mga larong literal na nagligtas ng buhay?
May mga taong halos sumuko na at literal na magsasakal na sana sarili — pero pinili munang maglaro, tapusin yung nilalaro, at hindi basta sumuko.
Napaisip kung "Goodbye, Earth" na ba talaga o "Continue?" pa.
Siguro naisip niya na hindi cool madedz ng virgin.
-Press any button to start-
--- // loading next trauma // ---
Ang Buhay, Parang Video Game — Mahirap, Madilim, Paulit-ulit
Ang buhay ay parang isang video game —
Hindi mo alam kung anong susunod. Walang mapa. Walang tutorial. Puro trial and error.
Parang Dark Souls — Isang laro na kilala sa pambihirang galing nito na pahirapan ang naglalaro at sinusubok ang haba ng pasensiya mo. Paulit-ulit kang madededz sa mga laban.
Pro Tip: "Gitgud Bro"
No mercy! Walang tutorial! — ikaw na lang talaga ang problema.
At ang kwento?
Nakatago sa mga description ng espada, armor, at basag na paso.
Gusto mo ng plot twist?
Magbasa ka ng item description ng basahan.
Pero dahil human race tayo, meron tayong passive skill na "Reckless Resilience" … yung abilidad na mamatay nang maraming beses pero bumangon pa rin... para mamatay ulit.
Resilient daw. O baka lang talaga matigas ang ulo.
Syempre hiindi ka agad mananalo. Hindi mo agad malalampasan ang kalaban.
Pero kahit ilang beses kang matalo, babalik ka pa rin.
Ganun din ang buhay.
Paulit-ulit kang babagsak, masasaktan, mapapagod. Pero kailangan mong mag-grind, magpa-level, at mag-farm ng lakas ng loob. Kahit konti lang. Kahit paunti-unti.
Mag-overtime ka. Magtitipid ka. Magbubuhay ka sa lucky-me pancit-canton. Para lang makabili ng putang-inang Battle Pass ng Buhay —na kahit may bayad, hindi pa rin sure kung masaya.
Walang pause. Walang respawn. Pero habang buhay ka — may laban pa. Pwedeng umatras, pwedeng bumwelo, TP ka muna sa Base. Heal ka muna, bili ka items kung may ipon.
Kung napalaban ka, ma-gank, Wag ka mahiyang mag-ping at humingi ng tulong sa walang hiya mong kakampi.
Hanggat may 1HP kapa, may pag-asa.
--- // gitgud.exe initializing // ---
Ang Buhay, Parang MOBA — May Phasing Din (at Sakit ng Ulo)
Hero Select Phase — Dito pa lang, pwede ka nang matalo.
Kasi ang MOBA, tulad ng buhay, nagsisimula sa pagpili — hindi sa first blood, kundi sa first pick. Kahit gaano ka pa kaseryoso sa buhay, kung ang kasama mong tadhana ay nag-lock-in ng ADC–marksman–carry–DPS kahit may tatlo na kayong core...
good luck nalang.
Parang pamilya o tropa: hindi mo sila pinili, pero sila ang kasama mo buong laban. Kaya minsan, hindi ka pa nga pinapanganak… na-draft ka nang talunan.
Laning Phase — Yung panahong ang dali mong mapatay.
Wala kang item, wala kang alam — puro instinct,
puro pagpipigil, pagtitiis, at pagtyatyaga.
Parang unang trabaho:
di mo alam ginagawa mo, underpaid ka pa.
At habang abala ka sa pagpa-farm ng pang-item,
may jungle ka nang tinatraydor ka —
a.k.a. mga kasama mong ang lakas mang-uto,
manghatak, at maging bad influence.
Mid Game — Medyo marunong ka na.
Marunong ka nang umatras, marunong ka na ring umiwas sa chismis.
Dito na rin yung parte na pag tanga-tanga ka, dedz ka talaga.
Minsan nga, bigla ka na lang mag-alt-tab —
ayaw mong makita kung paano kayo ni-wipe out ng kalaban.
Ganyan pag nagkamali ka ng desisyon sa buhay. Marami ka pang pagkukulang, pero unti-unti, nakakapatay ka na rin ng insecurities.
Pero careful —
isang maling pasok lang, wipe out ulit kayong lahat.
Parang ‘yung investment mo sa crypto nung 2021.
Late Game — May laban ka na. Lumalakas ka na.
Pero baka feeling mo lang 'yan. Minsan ikaw na ang nagdadala — pero masakit na sa likod, literal at emosyonal. Yabang mo pa, kasi nakatsamba kang bumuhat ng team. Tapos nung natalo, sinisi mo pa ‘yung bobo mong kakampi. Alam mo yun kasi ikaw rin, minsan naging noob.
Pero kahit gaano ka pa kagaling, minsan kulang pa rin. May mga laban na kahit ikaw na ang MVP, talo pa rin ang buong team. Kasi may jungler kayong nag-AFK… para lang magtimpla ng kape.
End Game — Comeback is real… malay mo.
Pero hindi lahat panalo. May natanggal. May naiwan. May natalo. May nag-alt+F4 — sa stress o sa heartbreak. Yung iba, nag-trash talk pa sa chat, tapos nag-delete ng account. Yabang mo noon, ghost ka na ngayon.
Pero sabi nga nila:
“Habang may buhay, may rank reset.”
Hindi yata pwedeng mag counter-pick sa tunay na buhay.
Hindi mo pwedeng i-ban ang utang. Hindi mo kayang piliin ang kakampi mo. At kahit mag-pick ka ng “tank” para kayanin lahat ng bigat, minsan one-hit delete ka pa rin ng problema.
Sa tunay na buhay, hindi effective ang META,
kahit na ang ibig sabihin nun ay “Most Effective Tactic Available.” Kasi sa buhay, kahit anong tactics mo, may RNG pa rin — random na gulo, random na bills, random na breakdown sa gitna ng deadline. Wala kang full map vision. Wala ring devs na nagba-balance patch. At minsan, kahit perfect execution ka na, wala pa ring reward screen.
Kasi hindi lahat ng tama, panalo. At hindi lahat ng talo, mali.
Magbasa ka ng patch notes — malay mo, makatuklas ka ng exploit.
Pero sa tunay na buhay? Walang patch update sa trauma. Walang item shop para sa peace of mind. At ‘yung late game comeback? Minsan, hindi na dumarating — kasi kailangan mo nang pumasok sa trabaho bukas ng 8AM.
Pero sige lang. Farm lang. Grind lang. Kahit hindi ikaw ang carry, basta hindi ka pa AFK, may silbi ka pa sa laban.
Pero pagkatapos ng lahat, babalik ka sa lobby.
Tyaga lang, lagi naman may last game, kahit huli na ang lahat.
Maghihintay ka ulit ng bagong game. Magfa-find match ka ulit.
Baka sa susunod, ikaw na ang manalo. O kung malas parin, wala tayo magagawa. Minalas ka kasi naniwala ka sa swerte e. Huehuehuehue.
--- // updating patch: IRL version // ---
CLASS SELECTION: CHOOSE YOUR ROLE, CHOOSE YOUR REALITY
Ang fantasy games, kadalasang nagsisimula sa pagpili ng class. Parang buhay din: hindi mo pwedeng i-all stat ang lahat. May roles tayo. May galing. May limitasyon. Pero lahat, may ambag — kahit yung mukhang wala.
Warrior / Fighter / Tank — Tagasalo ng damage. Frontline. Gagapang para sa team kahit ilang beses matumba. IRL sila 'yung mga breadwinner, human shield ng pamilya, at minsan punching bag ng buhay. Pero kahit sugatan, sila ang huling bumibitaw.
Rogue / Thief / Assassin — Mabilis, tahimik, deadly. Mga taong lowkey achiever. Di mo akalaing may ambag, pero pag wala sila, patay ka na pala. IRL sila 'yung mga freelancer, mga ninja sa trabaho, tipong may 3 sideline pero wala pa ring tulog.
Mage / Wizard / Sorcerer — Glass cannon. Marupok pero malakas ang utak. IRL sila 'yung thinkers, creatives, analysts. Ang lakas sa ideas pero minsan sa real-world, AFK sila sa emotional intelligence.
Archer / Ranger / Hunter — Precise. Strategic. Ayaw sa gulo pero pag umatake, critical hit. IRL sila 'yung mga introvert na may sharp tongue. Di madaldal pero kapag nagsalita, target locked.
Healer / Cleric / Support — Hindi bida, pero walang laban kung wala sila. IRL sila 'yung support system ng lahat pero walang sariling support. Pag may sakit ka? Nandyan sila. Pag sila may sakit? "Inarte mo naman."
No Class / Super Novice — Jack of all trades, master of none. Lahat pinasukan, wala pa ring identity. IRL sila 'yung mga taong undecided pa rin sa 30s, naka-enroll sa 3 online course pero hindi tinapos kahit isa.
Aminado akong minsan, ganito rin ako. Feeling ko lahat kaya ko, pero sa totoo lang, lahat lang sinubukan ko.
May mga taong pinanganak na may path. Yung iba, pinipilit lang mag-fit. Pero okay lang kahit saan ka napunta — basta hindi ka AFK sa sarili mong buhay.
--- // class not found… please reroll // ---
Iba-Ibang Genre, Iba-Ibang Lasa, Iba-Ibang Laban
Ang video games, parang ulam — may adobo, may sinigang, may kare-kare. Parang vape — may minty, may creamy, may fruity. Iba-iba ng timpla, pero lahat may binibigay na karanasan, aral, at hindi pa nadi-discover na side-effect.
Action-Adventure / Adventure Game — Nagpapalakas ng critical thinking at puzzle solving. Parang buhay, minsan kailangan mong buksan ang pinto gamit ang susi na nakuha mo pa dalawang heartbreaks ago.
Simulation Games — Tulad ng The Sims. Pwede kang maging CEO ng isang lungsod, pero sa totoong buhay hindi mo pa rin ma-manage ang sarili mong utang. Pero hey, at least may progress bar ka.
Survival Games — Gutom, uhaw, init, lamig, at malamang zombie, — parang weekend ng broke mong kaibigan. Pero dito matututo ka kung paano mabuhay kahit wala ka nang dignity. Minsan, para mabuhay, kailangan mong kainin ang pride mo.
At kung wala na talaga—well, masarap daw ang roasted rat basta may asin.
Fighting Games — Reflexes, timing, diskarte. At pag natalo ka? Sisigaw ka ng "CHEATER TO!" kahit alam mong ikaw ang sumuntok ng hangin. Tapos mas nakakapikon kapag natalo ka ng nakakabata mong pinsan kahit na nag-mash/spam lang siya ng pindot.
First-Person Shooter / Shooter Games — Bilis ng kamay at mata, aiming, team comms. Parang office meeting pero may bomba. At minsan, kahit best ka sa buong match… may teammate kang naghahagis ng granada sa spawn point.
MOBA — Strategic gameplay, teamwork, toxicity at its finest. Kung gusto mong matutong magpatawad, subukan mong maging support sa 3v5 habang sinisisi ka ng buong team mo.
Alam ko marami kang karanasan sa game na ito, kaya ikaw na bahalang makunsume.
Sports Games — Disiplina at strategy. Kaunting gulay din, oo sige na nga - kaunting dasal din. Para bukas, hindi lang sa Playstation ka ka champion. Pero bakit sa game ang lakas mo mag-dunk, pero IRL hindi ka makatakbo sa palengke nang di hinihingal?
Puzzle Games — Logic, pattern, utak. Mga game para sa mga tao na gustong lutasin ang problema ng iba kasi sawa na sila sa sarili nilang issue. Parang kapitbahay na chismosa, pinoproblema ang problema ng iba. Ayaw nalang mag-negosyo para manage your own business.!
Platformers — Minsan kailangan mong mamatay ng 37 beses para matuto. Ganyan din sa love life, diba? 'Yung talon mo akala mo safe… next thing you know, spike trap. Sa game, may extra life.
Sa puso mo, ubos na ang retry. Pero sige lang, pindot lang nang pindot. Kahit masakit, kahit paulit-ulit, kahit scripted na ang pagkatalo mo.
RPG — Choice, consequence, character build. Kung saan pwede kang maging hero sa game, habang sa tunay na buhay di mo pa rin alam kung anong course kukunin mo. Pero kahit ganun, pinipili mo pa rin mag-level up araw-araw.
Sandbox / Open World — Walang structure, explore kung saan mo gusto. Gaya ng buhay, minsan puro side quest ka na, nakakalimutan mo na yung main mission mo: mabuhay. Di pa huli.
Pwede kang mag-fast travel pabalik sa sarili mo.
MMO / MMORPG — Friendship, guild wars, at loot drama. Minsan dito mo lang mararamdaman na belong ka. Kasi sa pamilya mo, AFK sila sayo. Minsan nga, mas totoo pa ‘yung ka-guild mo sa ibang bansa, kesa sa taong nasa kabilang kwarto pero di marunong kumamusta. At least doon, kahit walang blood relation, may resurrection.
Real-Time Strategy — Time pressure, multitask, stress. Parang trabaho, pero at least dito may pause button. IRL? Good luck. At ang pinakamalupit? Wala kang control group. Walang select all. Walang “save game.” Walang restart kung pumalpak ka.
Just pure, raw chaos, in glorious HD.
Racing Games — Pabilisan, control sa sarili, at disiplina. At kapag na-crash ka? Back to start. Parang relationship na minadali — BOOM, break-up. Dito ka unang naging car guy. Wala akong joke or punchline dito.
Interactive Fiction — Kung gusto mong umiyak sa kwento na ikaw ang gumawa. Masakit pero satisfying. Parang self-reflection na may soundtrack. May consequence ang choices sa buhay. Pero kahit ganun, pipili ka pa rin. Magsusulat ka pa rin. Dahil kahit masakit, gusto mo pa ring malaman kung paano matatapos ang kwento mo.
Battle Royale — Awareness sa paligid. Isang malaking gulo kung saan lahat gusto mabuhay, pero isa lang ang mananalo. Parang family reunion na may mana sa gitna. Pagbaba mo pa lang sa mapa, may tension na.
Nagkakabugan na agad ng “Hi, kumusta ka na?” na may halong passive-aggressive trauma. Loot ka ng loot ng respeto, pero wala kang makuha. May mga pinsan na naka-sniper—laging nasa malayo, pero pag tumira, derecho sa pride mo. May tita na parang toxic gas, unti-unting sumasakal habang nakangiti. At siyempre, may isa laging AFK pero pag usapang mana na, biglang online. Wala kang kakampi dito. Every smile is a strategy. Every “kumain ka na ba?” ay posibleng ambush.
Educational Games — Oo, may matututunan ka. Math, science, history. Pero aminin mo, mas natutunan mo pang mag-type ng 80wpm kaysa sa algebra. Pero sa totoo lang, dito mo natutunang okay lang magkamali basta may retry.
Na hindi lang yung tamang sagot ang mahalaga — kundi yung effort mong hanapin ito kahit wrong answer ka ng ilang beses.
At na kahit sa “edutainment,” masarap pa ring matuto pag hindi ka pinapressure.
Walang genre na basura. Lahat may silbi. Minsan pang-aliw lang — minsan pang-alis ng lungkot. Minsan, para lang maramdaman mong buhay ka pa.
--- // final boss detected // ---
CANON ENDING — SPOILER ALERT.
Tara maglaro —
hindi para tumakas sa buhay,
kundi para maalala kung paano lumaban ulit.
Kahit walang save point.
Kahit walang continue.
Hanggat may buhay, may laban.
Parang sa boss fight:
basta may 1HP ka pang natitira —
pwede ka pang manalo.
---//[ AUTOSAVE COMPLETE ]//---
CHOOSE YOUR ENDING:
🖤 Like – “Nagustuhan ko to.”
🔁 Reblog – “Baka makatulong sa iba.”
👣 Follow – “Gusto ko pa ng ganito.”
Your actions affect the narrative.
==============================================
May kwento ako. Basta sagot mo ang kape ko.
☕ coff.ee/kwentoniblack
