Pa-sosyal Media (Social Climbing 101)
"Chilling and having coffee with my besties. Just a normal day. Good morning everyone!" (@somewhere in Dubai, UAE) checked in 32 minutes ago via iOS
Sabay post ng picture ng kape sa Instagram. Minsan, may selfie pa na nakasupsup yung straw sa bibig at hindi matatapos yung post kung walang hashtag IGers hashtag Chill hashtag Coffee hashtag blessed hashtag dagukan kita eh.
Coffee coffee tirada nanaman. Yan na lang lagi ang pinapansin ninyo. Iba naman uy! Kayo talaga napaka-judgemental niyo. Hindi ba pwede na coffee lover lang talaga? Metikuloso pag dating sa coffee beans? Hindi umiinom ng walang extra shot? Or baka naman wala lang silang thermos o takure? Grabe kayo. Social climber na agad? Inggit lang kayo kasi di kayo makapag-kape sa pang sosyal eh! Diyan na nga kayo. Ipo-post ka pa yung picture ng coffee ko sa IG. Ikaw? May IG ka ba? Hindi mo siguro alam yun. Wala ka kasing LTE! ew.
Sa totoo lang, wala dapat tayong pakialamanan. May sari-sarili tayong mga account. Kanya-kanyang trip lang yan. Walang basagan. Wala kang magagawa kung gusto nila mag post ng kung ano-ano sa profile nila. Nakikitingin ka lang kaya wag kang mag reklamo. Have you heard about this button called "Unfollow"? No? ew. You're so angatch talaga. I'll never let you post on my timeline na. #jirits
Lahat naman tayo at some point nagkaroon at mayroon din konting kabayabasan sa katawan na naibahagi o ibinabahagi sa social media. Minsan narin tayong nangarap na makapag share ng konting pasikat at nag-asam ng papuri galing sa iba. Oh diba? Umamin ka! Pipitikin kita sa apdo.
Naaalala mo ba nung Friendster pa lang ang meron at pigil na pigil kang bisitahin ang profile ni crush kasi makikita sa "who's viewed me?" ayiee. harot mo gago (biro lang). Yung time na hindi ka makapasa sa Math pero ang ganda ng page mo sa site na Multiply? Yung time na nakakapag post ka ng mga salita kagaya ng..........(wag na lang) na walang hipokrito na mag-rereact at walang awa na magsasalita ng mas masakit laban sayo? Halos lahat tayo napagdaanan yan.
Dati, kuntento na tayo mag post ng "What a happy day" bilang shoutout at mag-iwan ng makalaglag panty na testimonial sa profile ng ating crush.
Noon, medyo acceptable pa na tatanga-tanga ka sa internet at social media. Bago pa ang lahat eh. Marami pang ang hindi nakakaalam kung ano ang dapat at hindi dapat i-post dito.
Pero, anong taon pa ba yun? Juice colored. 2015 na! Masasabi ko na wala na dapat tayong karapatan na maging mangmang dahil halos lahat ay pwede na nating ituro sa sarili natin.
Eh anong nangyari? sa nakikita ko, naging platform lang ng mga engot ang social media para ipamahagi sa buong mundo kung gaano sila ka-bopols. Ito narin ang naging daan para maibahagi nila sa kanilang mga itinuturing na super friends kung ano ang ulam nila kagabi, kung saan sila kumain ng brunch, kung saan sila nag spend ng kanilang summer at kung ano ang bago niyang cellphone, sapatos at damit. Sa madaling salita, "Highlight Reel".
Eto ngayon ang problema. Ikaw, bilang isang audience, hindi mo dapat ikinukumpara ang iyong off the cam na pamumuhay sa highlight reel ng iba. Kaya nga highlight eh. Ibig sabihin matindi o maganda sa mata.
Eh anong malay mo sa nangyayari behind the scenes? Hindi mo naman malalaman kung sino ba ang inutangan niya para makabili ng sinasabi mong ganito at ganyan. O kung paano siya nag-tantrums sa mall na tila isang bata na ginawang mop ang damit kakalupasay sa sahig para lang ibili siya ng nanay niya. Kung paano niya katakot-takot na hinaras ang kanyang mga magulang para lang makabili lang ng ticket sa concert ng idol niyang 1D na ngayon ay watak-watak narin dahil, ewan ko. Pakelam ko sa mga yan. Malalaman mo ba kung ilang beses siyang nag OT sa trabaho para lang sa mga bagay na nakikita mo sa page niya ngayon? Oh, diba? Epal ka kasi. Sorry. Joke lang ulit. :)
Wala na tayong magagawa. Andiyan na yan eh. Its either you leave or just live with it. Puro ka kasi tambay sa social media eh! Magdamag nakangudngod sa mukha mo ang cellphone mong mas smart pa kesa sayo. Tapos, mababadtrip ka pag hindi mo gusto ang nakikita mo. Mag trabaho ka nga.
Ngayon, bilang mga inggitero't inggitera kayo, ang gusto niyo ay may highlights rin kayo sa social media at hindi lang sa buhok. Gagawin mo ang lahat para makipagsabayan sa iba at makapagpakitang gilas sa iyong pinopormahan na isa namang tatanga-tanga rin.
At dahil concerned ako sa inyo, bibigyan ko kayo ng easy tips para maging effective sa napili niyong career. Pero bago natin simulan, linawin muna natin. Huwag natin isipin ang mga super friends ng iba. Focus tayo dun sa super friends natin. Sa sampung kaibigan natin sa isang social networking site, may tatlo hanggang pito dito na walang ginawa kundi magpasikat at mag bida-bida araw-araw. Insecure? Hindi siguro. Lalo na kapag talagang kilala mo ang isang tao at alam mo ang tunay na klase ng pamumuhay meron siya behind the scenes. Yung tipong 101.88% sure ka na siya ay isang kupal lamang.
Ang mga sumusunod na idea ay hinango ko mula sa aking newsfeed. Ibig sabihin, subok ito at talagang mabisa. Ano, are you ready to climb? Okay, game:
OOTD (Ogag of the Day). Make sure na hindi sayo yung sinusuot mo. Hindi kasi cool pag sarili mong damit yung pinopost mo eh. Walang dating. Gamitin mo yung hiniram mo sa tropa o sa kapatid mo tapos mag hashtag ng "Earned not given" o kaya ng "Broke men/Broke women goals".
Coffee Lover. Sweet Lover. Picture-an ang magandang barista na gagawa ng iyong kape. Para may silbi ka naman. Post mo narin kung saang branch para alam namin kung saan namin siya pupuntahan. Hindi yung kape lang lagi ang kinukuhanan mo ng litrato.
Party Animal. Tumambay sa paborito mong superclub. Kung maaari, maging promoter sa nasabing club at yayaiin ang iyong mga mayayaman na super friends. Papuntahin sila sa siksikan na dance floor at dito mo sila dudukutan ng wallet at cellphone.
Traveling Violation. Kunan ng litrato ang iyong ticket habang naka-ipit sa iyong passport kahit na ang sasakyan mo lang naman talaga ay bus papuntang Monumento.
Check-in or it didn't happen. Gamit ang iyong malupit na app, mag-check in sa isang lugar o sa isang sosyal na event na hindi mo naman talaga napuntahan. Malay ba nila kung talaga andun ka o kasalukuyang naglalaro lang ng COC habang tumatae. O kaya, sabihin na nakasabay mong kumain sa isang restaurant si Daniel Padilla kahit na ang tanging participation mo sa mga oras na yun ay ang mag-abot ng bill niya.
1 + 1 = 2 Carry 1 borrowed P1000. Dahil kating-kati kang makapagpasikat, mangutang ka para makabili ka kaagad ng iPhone na dual sim. Sabihin mo sa uutangan mo, baka kako pwedeng 2 gives. Mas okay kung hindi ka magbabayad. Mas sosyal yun.
Englishing while wrong gramming. Mag status o mag comment in english sa iyong mga friends on a regular basis. O kaya mag-ingles sa tuwing nakikipagkwentuhan sa iyong mga amigo sa maling lugar at maling panahon. Mas mali, mas maganda.
Wala yan sa Lolo ko. Huwag na huwag magpapatalo pagdating sa kwentuhan. I-bida ang lahat ng kaya mong i-bida. Siguraduhin mo na palagi kang meron pantapat na istorya at ikaw ang pinakamalupit. Ikaw ang may pinaka-interesting na karanasan sa buhay.
Pulpolitiko. Aba, hindi naman yata pe-pwede na wala kang ganito? Ipagkalat na mayroon kang kamag-anak na pulitiko o may roots kayo ng mga ma-impluwensyang tao sa lugar niyo para gangstah.
Star for all reason. Aba. Ipagkalat na mayroon karing kamag-anak na artista. Sabihin na nasa bloodline talaga ninyo ang pagiging artista. Mas pinili mo lang talaga na hindi pasukin ang industriya dahil baka masapawan mo lang sila.
Food Porn. Kaano-ano ba to ni Youporn? I-share mo sa amin kung saan ka kumain at kung magkano yung kinain mo. Magsulat narin ng konting review. For example: "Just wanted to share this with you guys. I ordered a dish from this resto and it is freakin' delicious! You can have it for as low as P35/kilo. They call it "Fish Fillet La El Niño". Sa madaling salita, "Tuyo".
I Block You! Para bongga ang pagpapasikat, I-block mo sa social media ang mga taong malapit sa buhay mo. Yung mga kaibigan at kamag-anak mong alam kung ano yung nangyayari sa totoong buhay mo para walang magre-react o manlalaglag sayo kapag naka pasikat mode-on ka. Sa ganung paraan, hindi namin malalaman na niloloko mo ang sarili mo.
Marami pang iba pero tama na siguro yan. Sumasakit na ang brain cells ko.
Para sakin, kahit low profile lang sapat na dapat. Simplehan mo lang. Wala namang masama kung simple ka. Diba? Magkaiba yung talagang sikat at mayaman sa nagpapasikat lang at nagyayaman-yamanan. Alam kong masarap sa pakiramdam ang pansamantalang pagtayo sa gitna ng itinuturing mo na limelight at makatanggap ng pekeng papuri at maling suporta. Tandaan natin na mas importante parin kung sino ka bilang ikaw at kung ano ka sa totoong buhay.
Sabi nga ng matalik kong kaibigan na si Berting: "Magkaiba yung nilalait ka at alam lang ng mga tao na niloloko mo ang sarili mo. Kung nilalait ka dahil alam nilang niloloko mo lang ang sarili mo, ibig sabihin lang nito ay ipinipamukha lang nila sayo na tatanga-tanga kang sosyalista ka na kahit anong mangyari tatanga-tanga ka pa din."
Pasensya na kayo, medyo galit siya.
Gayunpaman, malaki ka na. Diskarte mo parin. Gawin mo kung anong gusto mong gawin. Bahala ka diyan. Malaya tayong lahat. Pananaw ko lang naman ito. Alam mo na kung ano ang dapat dahil ikaw naman ay nasa tamang edad. Basta wag lang nating kalimutan na "lahat ng mga ginagawa natin sa buhay ay may kadikit na responsibilidad".
Super friends parin tayo. hehe. :)
dededos
turnnoffyourmind
stormborns
blakekathryn