Poetic soul

🇵🇰

[poeticsoulblog]

اک آگ غم تنہائی کی جو سارے بدن میں پھیل گئی

جب جسم ہی سارا جلتا ہو پھر دامن دل کو بچائیں کیا

[poeticsoulblog]

تیری صورت سے ہے عالم میں بہاروں کو ثبات

تیری آنکھوں کے سوا دنیا میں رکھا کیا ہے

(فیض احمد فیض)

[poeticsoulblog]

تعارف روگ ہو جائے تو اس کا بھولنا بہتر

تعلق بوجھ بن جائے تو اس کو توڑنا اچھا

وہ افسانہ جسے انجام تک لانا نہ ہو ممکن

اسے اک خوبصورت موڑ دے کر چھوڑنا اچھا

(ساحر لدھیانوی)

[poeticsoulblog]

زندہ رہیں تو کیا ہے جو مر جائیں ہم تو کیا

دنیا سے خامشی سے گزر جائیں ہم تو کیا

ہستی ہی اپنی کیا ہے زمانے کے سامنے

اک خواب ہیں جہاں میں بکھر جائیں ہم تو کیا

اب کون منتظر ہے ہمارے لیے وہاں

شام آ گئی ہے لوٹ کے گھر جائیں ہم تو کیا

دل کی خلش تو ساتھ رہے گی تمام عمر

دریائے غم کے پار اتر جائیں ہم تو کیا

Munir Niazi

[poeticsoulblog]

آواز کو تو کون سمجھتا کہ دور دور

خاموشیوں کا درد شناسا نہیں ملا

(مصطفٰی زیدی)

[poeticsoulblog]

ہم نے ماضی کا ہر ورق پلٹا

ہم کو ہر بات پر ملال ہوا

(منیش شکلا)

[poeticsoulblog]

مجھے زندگی کی دعا دینے والے

ہنسی آ رہی ہے تری سادگی پر

(گوپال متل)

[poeticsoulblog]

اب گھر بھی نہیں گھر کی تمنا بھی نہیں ہے

مدت ہوئی سوچا تھا کہ گھر جائیں گے اک دن

(ساقی فاروقی)

[poeticsoulblog]

چراغ بجھتے چلے جا رہے ہیں سلسلہ وار

میں خود کو دیکھ رہا ہوں فسانہ ہوتے ہوئے

(جمال احسانی)

[poeticsoulblog]

اب اُس نے وقت نکالا ہے حال سُننے کو​

بیان کرنے کو جب کوئی داستاں بھی نہیں​

زمین پیروں سے نکلی تو یہ ہوا معلوم​

ہمارے سر پہ کئی دن سے آسماں بھی نہیں

(جمال احسانی)

[poeticsoulblog]

مری روح کی حقیقت مرے آنسوؤں سے پوچھو

مرا مجلسی تبسم مرا ترجماں نہیں ہے

(مصطفٰی زیدی)

[poeticsoulblog]

منزل کا پتا ہے نہ کسی راہ گزر کا

بس ایک تھکن ہے کہ جو حاصل ہے سفر کا

(سلیم احمد)

[poeticsoulblog]

آج پھر دل نے اک تمنا کی

آج پھر دل کو ہم نے سمجھایا

[poeticsoulblog]

خود پر ہنسنے والوں میں ہم خود بھی شامل تھے

ہم نے بھی جی بھر کر اپنی دل آزاری کی

(انجم سلیمی)

[poeticsoulblog]

دل کی حویلی پر مدت سے

خاموشی کا قفل پڑا ہے

(ناصر کاظمی)

[poeticsoulblog]

رات یوں دل میں تری کھوئی ہوئی یاد آئی

جیسے ویرانے میں چپکے سے بہار آ جائے

جیسے صحراؤں میں ہولے سے چلے باد نسیم

جیسے بیمار کو بے وجہ قرار آ جائے

Faiz Ahmed Faiz

[poeticsoulblog]

میں نے سمجھا تھا کہ تو ہے تو درخشاں ہے حیات

تیرا غم ہے تو غم دہر کا جھگڑا کیا ہے

تیری صورت سے ہے عالم میں بہاروں کو ثبات

تیری آنکھوں کے سوا دنیا میں رکھا کیا ہے

تو جو مل جائے تو تقدیر نگوں ہو جائے

یوں نہ تھا میں نے فقط چاہا تھا یوں ہو جائے

اور بھی دکھ ہیں زمانے میں محبت کے سوا

راحتیں اور بھی ہیں وصل کی راحت کے سوا

Faiz Ahmed Faiz