I'm Rodolfo D. Dacleson II

Digital Content Creator | Self-Published Sports Writer | Blogger | Media Practitioner

[rodolfodaclesonii]

BUSY

Matagal na rin pala nang nag-publish ako ng content dito sa Tumbler. Sobra kong naging busy sa maraming bagay kaya napabayaan ko rin talaga itong account na ‘to.

Mahirap pagsabay-sabayin ang lahat. Kailangan kong maglaan ng oras at panahon para sa sarili at iba pang bagay.

Tumatanda na kasi ako at dumarami ang responsibilidad na dapat gawin. I just published this content to vent out. I hope na you’re doing well. 

[rodolfodaclesonii]

Covering UAAP/NCAA is lit!

Grabe ang sulat ko since Sunday, March 27, 2022. Why? Coz UAAP and NCAA are finally back sa mainstream! Tapos, nagkataon pang sabay ang dalawang liga sa isang araw. So, saan ka pa?

Sure ako na hindi rin ito pinalampas ng diehard Filipino hoop fans. Halos ba o dalawang taon din kasing nawala sa telebisyon at online platforms ang dalawang collegiate leagues na ito. Aside sa pampalipas oras, this is also my and our chance to see the future of Philippine sports (hindi ko inaalis sa equation s’yempre ang ibang liga na hindi commercialized).

On Saturday, there were four UAAP games. It is a rare occasion dahil lahat ng participating schools ay naglaro in one day. Nasa bubble rin kasi ang liga at hindi pa allowed ang crowd to watch games live. Kahit na gan’on, same intensity and action pa rin ang nakapukaw sa damdamin ko and indeed, it is nice to back covering these games. 

Here are the results for the UAAP Season 84 Saturday quadruple-header: (just click each score to read the article)

FEU def. UST, 76-51

NU def. ADU, 71-69

ADMU def. UP, 90-81

DLSU def. UE, 71-66

Ito naman for the double-headers offered by NCAA Season 97 last weekend (this is as usual naman sa scheduling ng liga):

Saturday

CSJL def. CSB, 67-63

SBU def. LPU, 84-76

Sunday

AU def. SSC-R, 65-63

MU def. EAC, 73-67

Hoping na makapag-cover me consistently until the Final Four and Finals of the two leagues. Please Lord, give me strength po!

Visit niyo lang website ko for more news and updates about collegiate sports.

-----

Photo from UAAP Season 84/Instagram and Angela Davocol

[rodolfodaclesonii]

Nagsampa ng tatlong magkakahiwalay na reklamo ang nasa 26 aktibista't indibidwal sa Office of the Ombudsman laban kay Lorraine Badoy noong Miyerkules, Marso 23.

Inihain ang mga naturang kaso dahil sa 'di umano'y paglabag ni Badoy—ang kasalukuyang tagapagsalita ng kontrobersiyal na National Task Force to End Local Communist Armed Conflict (NTF-ELCAC)—sa Anti-Graft and Corrupt Practices Act at Code of Conduct and Ethical Standards for Public Officials and Employees.

Nais ng grupo ang agarang pagsuspende kay Badoy, Presidential Communications Operations Office (PCOO) undersecretary, hanggang sa matapos ang termino ni Pangulong Rodrigo Duterte sa Hunyo 2022.

IPAGPATULOY DITO | Bagong reklamo, inihain kontra kay red-tagger Badoy

-----

Matagal na rin nang huli akong sumulat ng balita para sa The National Guilder. Maganda rin itong paksang napunta sa akin dahil syempre kontra ako sa walang humpay red-tagging. Ang konseptong ito ay paniniil sa karapatang magpahayag ng mamamayan kontra sa bulok na pamamalakad ng gobyerno. Gamit na gamit ito ng administrasyong Duterte sa pangunguna ng propaganda machine nitong NTF-ELCAC upang patahimikin ang kanilang mga kritiko. Ikaw ba naman pagbintangan na miyembro ng mga makakaliwang grupo kung hindi matakot para sa iyong kaligtasan. Maaring sabihin mo na inosente ka pero sa mata ng militar, iba na pala.

Hindi maaatim ang demokrasya kung one-sided ang affairs. Nagiging genuine lamang ito kung ang lahat ay nabibigyang pagkakataong magbigay opinyon nang walang pangamba sa sariling kaligtasan. Kaya naman kailangan nating tumindig, sumulong at bumoses. Freedom of expression, ating ipaglaban!

[rodolfodaclesonii]

No Name to Champion: My Triumphant Journey to the Top of PH’s Sports Writing Tourney

I’ve waited for a very long to showcase my skills and prove to everyone that I deserve recognition. I almost stop yet continued to reach the summit’s peak.

Campus journalism became a stepping stone for me. An extracurricular activity turned dream and obsession at some point. A breathing place where I can fully connect myself with others. I am no winner since junior high school. I didn’t even manage to land within the top seven in the division level. But right now, looking back at the numerous setbacks I encountered along the way and to this monumental glory, I’m glad that I experienced them all.

Continue Reading | https://dacleson01.home.blog/2022/01/19/no-name-to-champion-my-triumphant-journey-to-the-top-of-phs-sports-writing-tourney/

-----

This is a late appreciation post for myself. A blog detailing the journey I went through to become the Philippines’ Bracket C champion for Sports Writing (English) during the 2021 National Campus Press Olympiad.

Sending my love hugs to everyone who supported me since Day 1 of this online press conference. May God bless you all!

[rodolfodaclesonii]

Filipino rower Nievarez ends PH's 21-year drought in rowing, takes Olympic seat

Filipino rower Nievarez ends PH’s 21-year drought in rowing, takes Olympic seat

After 21 years, the Philippines is back in the waters for the Olympics. Filipino rower Cris Nievarez broke the 21-year drought of the country in the rowing competition as he will compete in the men’s single sculls event for the 2021 Tokyo Olympics, Philippine Rowing Association confirmed Monday, May 10. Nievarez booked one of the five tickets reserved by the World Rowing Federation during the…

View On WordPress

[rodolfodaclesonii]

Panulat Ko'y Isang Hirasol

Panulat Ko’y Isang Hirasol

Beautiful Mess (Pinta ni Daylight Abas) Sa saliw ng hinagpis, ungol ng pagtitiis,Pumalahaw sa hangin, sigyang dinadalangin.Binigyang kulay ang nananamlay na paligid,Hatid nito’y musikang makapukaw damdamin.Gaya ng isang hirasol na umaga’y hinihintay,Sining ko’y naalpasan ang kadilimang dumaan.Lungkot na dinanas, pag-akap ng lumbay,Tila araw na dala-dala’y liwanag mula silangan.Pagtatagpi-tagpiin…

View On WordPress

[rodolfodaclesonii]

The Talkative God

In the beginning was the Word, and the Word was with God, and the Word was God. – Bible, John 1:1 Freedom is the freedom to say that two plus two make four. If that is granted, all else follows. – Winston Smith in 1984, Chapter VII, p. 103 If you’re going to tell people the truth, you better make them laugh; otherwise they’ll kill you. – George Bernard Shaw The world is indeed full of peril…

View On WordPress

[rodolfodaclesonii]

The Aleph: An Analysis of Borges’ Masterpiece

El Aleph Book Cover (Photo taken from Pinterest) “All language is a set of symbols whose use among its speakers assumes a shared past. How, then, can I translate into words the limitless Aleph, which my floundering mind can scarcely encompass?”— Jorge Luis Borges, El Aleph In September 1945, the short story “The Aleph” was published in the Argentine journal “Sur”. It is written by Argentine…

View On WordPress

[rodolfodaclesonii]

Alimbukad (Larawan mula Stylecraze) Dilim kahapoʼy lilipas din,Liwanag ay muling masusulyapan.Samot-saring kulay ay magbabalik.Bagong umpisaʼy nalalapit na.Sisibol at sisibol din tayoGaya ng bulaklak na bubukaSa pagsapit ng tagsibol.

[rodolfodaclesonii]

Mapanakit ang Ulan Mga Alaala Tuwing Tag-ulan (Larawan mula Pinterest) Ulaʼy tagapagdala ng kasiyahan.Tagapagpaalala ng masasayang karanasan.Ngunit, `di lahat ng alaala'y bitbit ay kagalakanKundi pagkawasak, pighatiʼt kalungkutan.

[rodolfodaclesonii]

LATHALAIN | Sampal ng Kasaysayan sa Administrasyong Duterte

Taong 2019 pa lang nang pumutok ang balita tungkol sa noo'y novel coronavirus 2019 (nCoV 2019), ngayo'y coronavirus disease 2019 (COVID-19), na nag-umpisang kumalat sa Wuhan, China. Bunga ng ito'y bagong tuklas, hindi pa alam ng kinauukulan kung paano ito gagamutin. Pinaghihinalaang nagmula ang sakit na ito sa paniki na may dala ng naturang strain ng virus.

Bago dumating ang coronavirus sa bansa at maipatupad ang "enhanced community quarantine" (ECQ) sa buong Luzon upang mapigil ang pagkalat ng sakit, ang normal at tipikal na buhay ng mga Pinoy ay patuloy sa pag-inog. Lahat ay nakakapasok sa kani-kanilang trabaho at mga paaralan ngunit sa isang iglap, lahat ng ito'y nagbago.

Kung titingnan nang mabuti ang sitwasyon, may sapat ng dahilan ang gobyerno upang magdeklara ng travel ban sa China at maihanda ang health workers, mga hospital at iba pang institusyong medikal kung umabot man ang COVID-19 sa ating bansa na sa kainalauna'y nangyari nga.

Subalit, ayon kay Presidential Spokesperson Salvador Panelo sa isang press conference sa Malacanang - wala pang naitatalang kaso sa panahong ito - , "No need to ban Chinese we just have to boost our immune system."

Patunay ito na walang balak ang pamahalaan na magpatupad ng agad-agarang travel ban. Marahil, may ilan na magsasabi na kahit maging strikto sa pagpapapasok ng Chinese nationals sa bansa ay magkakaroon at magkakaroon pa rin ng kaso rito, ngunit gayunpaman, isa itong magandang hakbang upang maprotektahan ang mamamayan at mabigyan ng oras ang Department of Health (DOH) upang makapaghanda.

Idagdag pa rito, sinabi ni Senador Bong Go na, "China is not the only country hit by the virus. Other countries, top have cases. It's hard to single China out."

Sa pahayag na ito, maaaring maisip ng maraming Pilipino na pinapaboran at pinoprotektahan pa rin ng administrasyong Duterte ang interes nito sa Tsina sa kabila ng panganib na maaaring dalhin ng sakit. Sa halip na isipin ang kapanan ng kanyang mga kababayan, marahil mas nais pang unahin ng pangulo ang inaalagaan nitong relasyon sa nasabing bansa.

Sa mga tweet ng Pangulo sa Twitter ng CNN Philippines noong Pebrero 3, sinabi niya na, "everything is well in the country. There's nothing really to be extra scared of that coronavirus thing, although it has affected a lot of countries."

Ayon pa sa kanya, "in the Philippines, we only have 2 cases...they are imported, not a native of the Philippines. Isa lang ang namatay (dahil sa coronavirus)."

Dagdag pa niya, " It is not only a case of bad taste...remember there are so many Filipinos in China."

 Iginiit din ni DOH Secretary Duque sa isang pagdinig sa Lower House noong ika-31 ng Enero na kung paiiralin ang ban sa mga Intsik ay magdudulot ito ng reperkusyong diplomatiko at politikal sa ating bansa.

Sa kabilang banda, tumataas na ang bilang ng mga kaso sa mga nakalipas na araw. Mataas ang mortality rate partikular na sa senior citizens habang mababang porsyento naman ang nakakarekober. May mga doktor at health worker na ang nalagas sa paksyon ng frontliners na naghahanap ng solusyon sa pandemyang ito. Sa pag-iral ng ECQ, maprotektahan man ang sarili at pamilya sa virus, gutom naman ang kinahaharap ng mga nasa marhinalisadong sektor ng lipunan. Paralisado ang transportasyon na nagpagal sa pagkilos ng mga sibilyan. Higit sa lahat, nahati opinyon ng mga Pilipino sa kung ano ang nararapat at tama na nagpagulo pa sa sitwasyon.

Ano ang kongklusyon ng kwentong ito? Isa ang tiyak, hindi ginamit ng pamahalaan ang pagkakataong mayroon sila upang mapigilan ang pagpasok at pagkalat ng COVID-19 sa ating bansa, na sa kasalukuyan ay naghahasik na ng lagim sa mga Pilipino. Lahat ng mga epektong nabanggit ay hindi sana mangyayari kung kumilos agad ang gobyerno para sa ikabubuti ng lahat at tinalikdan ang mga politikal na interes. Maiiwasan sana ang bara-barang mga salik na kanilang ipinatupad kung pinakinggan lang nila ang sigaw ng mga Pilipino. Sa mga ganitong panahon, hindi ito tungkol sa friendly ties, ito ay para sa seguridad ng mamamayan. Dito dapat higit na pinatutunayan ang pagmamahal sa bansa at pagtanaw sa sinumpaang tungkulin.

Ani ng aking History professor, "na darating ang oras na huhusgahan tayo ng kasaysayan", at marahil ang mga nagaganap sa kasalukuyan ay paalala sa ating lahat lalong-lalo na sa administrasyong Duterte na hindi tayo marunong makinig sa mga babalang kanyang ipinahiwatig. Nawa'y tandaan natin, na ang hinaharap ay repleksyon ng nakaraan. Dapat tayong matuto upang hindi na maulit pa ang naganap na. Sana'y huwag tayong manhid, sana naramdaman natin ang sampal ng kasaysayan.

[rodolfodaclesonii]

Sila'y Nag-ibang Landas

Kay hirap alalahanin ng nakaraan,

Balikan ang naitala sa kasaysayan.

Noo'y sentro ng medisina sa Silangan,

Ngayo'y nasadlak sa kakulangan.

Maraming nars at doktor na naninilbihan,

Handang manungkulan sa tawag ng pangangailangan.

Sa naglalagablab na pagkalat ng pandemiya,

Sila'y iilan na lamang na nakapila sa linya.

Ang iba'y lumayag na patungong ibang bayan,

At doo'y nakahanap ng kasiguraduhan.

Daing nila sa pamahalaan ng bayang sinilangan,

"Kami'y inyong hinahayaa't pinababayaan."

Siyang dapat na sana'y nangangalaga,

Siya ring nagkulang sa pagkalinga.

Ngayong sila'y kinakailangan ng Pilipinas,

Ay siya namang paglisan nila sa'ting landas.

[rodolfodaclesonii]

Tawag ng Tungkulin

Kami'y sagana sa health workers noon.

Kaso nga lang, dati ‘yon, 'di na ngayon.

Ngunit, sa pagsiklab ng COVID-19

Serbisyo nila’ y kakailanganin.

Kahit kaunti, sila'y isasalang

Upang tayo'y ingata’t magabayan.

May isa lamang akong kahilingan,

Sila'y isama sa'ting panalangin,

Na pagod ay kanilang malampasan,

Kalungkuta'y magawang makayanan,

At pananalig ay laging tandaan

Upang kanilang muling masulyapan

Tahanan nilang puno ng kariktan,

Pamilyang kay sigla at masayahin

At makabalik sa takbo ng dati.

[rodolfodaclesonii]

Pondo'y Asan Na? Kaya Kami'y Alay Buhay

Buhay ay iaalay kahit may pamilyang naghihintay. Kami'y sasalang sa laban, wala mang kasiguraduhan 'pagkat may serbisyong dapat na gampanan. 

Kalakip ang dalangin ng taong-bayan, tiwala' y daldalhin - isasaisip at isasapuso. Mananalig sa tinig ng pag-asa, na bukas ng umaga'y iihip ang hangin ng kaluwalhatian. 

Ngunit, 

Paanong tungkuli'y makakayanang punan? Kung pondo nami'y kakarampot lang. Makikipagbakbakan sa kalabang 'di nakikita, na tanging sandata' y pananampalataya lamang.  

Kailan pa kaya darating o aabot pa kaya budyet namin? Baka nalagutan na kami ng hininga't naubos na, ay saka lamang sisikat ang liwanag para sa amin.

[rodolfodaclesonii]

LATHALAIN | Pananamantala'y Awatin, Patas na Bansa'y Pangarapin

Tila apoy na mabilis sa pagkalat ang coronavirus disease 2019 (COVID-19) sa Pilipinas. Mahigit 600 kaso na ang naitatala ng Department of Health (DOH) nitong alas-kwatro ng Marso 25, 2020. Umiiral na sa kasalukuyan ang enhanced community quarantine (ECQ) sa buong Luzon, bunga nito maraming Pilipino ang napilitang iwan ang kanilang mga trabaho partikular na sa sektor ng "mass transportation". Kapag walang trabaho, wala ring pera. Sa lumalalang kaso ng pandemya sa ating bansa, may iilan pa rin sa ating mga kababayan ang ganid kaya't nanamantala sa kapwa nila. 

Ginagamit ang kapangyarihan at posisyon pati na kaalaman upang malamangan ang mga walang kaalam-alam sa batas at kanilang mga karapatan bilang mamamayan ng bansang ito.

Sa kaagahan ng ECQ na ipinatupad ng pamahalaan, napabalita ang "hoarding" ng alkohol at facial mask sa maraming pamilihan sa kalakhang Maynila at mga karatig-probinsya nito. Hindi napigilan ng mga Filipino netizen na maglabas ng saloobin sa social media bunga ng 'di umano' y hindi patas at makataong kilos na ito ng iilan sapagkat pinagkakaitan sila ng pagkakataong makabili at makagamit ng mga pangunahing panangga kontra COVID-19. 

Hindi lang  alkohol at facial mask ang nagkakaubusan na sa mga pamilihan bunga naman ng "panic buying" kundi pati na rin ang mga de lata, noodles, at kung anu-ano pang pangunahing pangangailangan sa tahanan bunsod ng lumalalang kaso ng COVID-19 at paghihigpit dahil sa ECQ. 

May mga napabalita rin partikular na sa ilang bayan sa Luzon kung saan ibinebenta 'di umano ang mga quarantine pass. Ang mga pasaporteng ito ay magagamit ng isang miyembro ng pamilya kung lalabas siya ng tahanan upang bumili ng kanilang pangangailangan. Kung wala ito, hindi maaaring lumabas sa bahay ang sinuman sa mag-anak. Masama nito, pinagkakakitaan pa ito ng iilan sa panahong salat ang ating mga kababayan bunga ng pansamantalang pagsasara ng mg establisimyento na kanilang pinagtatrabahuhan.  

Idagdag pa rito, mayroon din 'di umanong kaso ng pagbebenta ng "certificate to sell" sa mga probinsya upang mapahintulutang makapagtinda ang street vendors. Ang pagpapabili ng sertipikong ito ay mali at ipinagbabawal sa batas bunsod nga ng umiiral na ECQ. Kung susumahin, baka imbis na makatulong ay makapagdala pa ng panganib sa kalusugan ang pagpapahintulot na ito sa mga nagtitinda dahil maaaring may makasalamuha silang maydala ng sakit. 

Sa kabuuan, kay sakit man isipin, hindi maipagkakailang mapagsamantala ang maraming Pilipino kahit na sa mga panahong taghirap at naghihikahos ang marami sa kanilang mga kababayan. Marahil, dahil ito sa tawag ng pangangailangan at takot na rin na maubusan. Bakit nga naman naging masama ang ganitong kaisipan kung sa gayo'y tawag lang naman pala ito ng pangangailangan na dapat mapunan upang mapagtagumpayan ang araw-araw na pakikibaka upang manatiling buhay. Ngunit, ang nagmimistulang tradisyon na ito sa ating bansa ay dapat nang mahinto o 'di kaya' y mabago dahil sa hindi patas at pantay nitong pagtimbang sa mga bagay.

Lahat ay may pangangailagan sa iba't ibang aspeto ng buhay at hindi porket ikaw ay nasa mataas na posisyon at may kapangyarihan, ikaw ang dapat na unahin o pagsilbihan. Kung ikaw nama'y may kaalaman, dapat mo itong ibahagi sa kapwang nangangailangan ng tulong nang sa gayo'y alam nila ang dapat nilang gawin sa oras na karapatan nila ay lapastanganin. Dapat nating isaisip at isapuso na tayo ay may mga kababayang dapat na pahalagahan at bigyan din ng pagkakataong mabuhay; mahirap, may kaya o mayaman man, sapagkat tayo ay nakatira sa isang demokratikong bansa. Sa isang nasyon tulad natin, binibigyang empasis ang karapatan ng lahat na makaranas ng pantay na distribusyon o alokasyon ng mga pangangailangan. Gayundin, ang patas na pagtingin mula sa lahat ng sektor ng lipunan.  

Nawa'y magdalawang-isip kayong mga taong inaabuso ang kapangyarihan, posisyon at kaalaman upang mapagsamantalahan ang kapwa niyo Pilipino. Sa paulit-ulit niyong pagsasabuhay ng mga ganitong gawi tila kinakalimutan niyo na rin ang inyong pagiging kapwa sa inyong mga kababayan.  

Oras na upang tapusin ang mga kabuktutang ito. Ito na ang panahon para palayain ang ating mga sarili sa mga makamundo at makasariling gawi ng mga mapanghamak at mapagmataas na Pilipino. Sama-sama nating itatag ang isang demokratikong bansa na uso ang pagkakapantay-pantay ng lahat tungo sa isang matagumpay na pakikipagtunggalian sa COVID-19.

[rodolfodaclesonii]

MGA MUKHA NG MARALITA. Inilabas nina Carlota Puntilag, tindera ng gulay; Reynaldo Alcala, taxi driver; at Janzzen Corasa, namamasukan sa botika, ang kani-kanilang hinaing sa gobyerno bunsod nang ipatupad ang "enhanced community quarantine" sa buong Luzon simula Marso 16. (mula kaliwa pa-kanan)

[rodolfodaclesonii]

LATHALAIN | Mali ang "Mamatay sa Sakit o Gutom? Pumili Ka"

“Kung 'di kami bumiyahe wala kaming kakainin… Ang hirap maging mahirap.” 

Iyan na lamang ang nasabi ni Reynaldo Alcala, isang taxi driver, na napaiyak na lang habang siya ay iniinterbyu ng isang reporter ng TV Patrol. 

Isa lamang siya sa maraming tsuper na hindi pinayagang pumasada sa lansangan bunga nang ipinatupad na enhanced community quarantine (ECQ) sa buong Luzon bilang hakbang ng pamahalaan sa pagpigil nang pagkalat ng coronavirus disease 2019 (COVID-19). Bunga nito ay ang pagkaparalisa ng transportasyon at ang pansamantalang pagkawala ng trabaho ng maraming Pilipino.  

Karamihan sa mga umaaray sa polisiyang ito ay yung mga nasa mababang sektor ng lipunan kabilang na ang nainterbyung driver. Mga "isang kahig, isang tuka" kung maituturing dahil umaasa sila sa buong araw na pagtatrabaho para lamang may maipakain o mapanustos sa kanilang pamilya't sarili. Bunga ng ECQ, marami ang mapipilitang manatili sa kanilang tahanan bilang pagsunod sa mga alituntunin ng pinairal na solusyon para sa kaligtasan ng nakakarami. 

Marami sa ating mga kababayan ang nakisimpatya sa problema ni Mamang Taxi Driver ngunit may iilan naman na walang nakikitang problema sa sistemang pinatakbo ng gobyerno dahil ang nais lang nila ay maprotektahan ang bawat isa sa panganib na maaaring idulot ng sakit. Ang tanong, sino ba naman ang gustong magutom o magkasakit? Mukhang wala naman. 

Kung makikipagsapalaran ka, baka makasalubong mo si Kamatayan kung sakali man na ika'y mahawaan ng sakit. Masakit pa nito, hindi agad malalaman na nahawaan ka na, pati na ang iyong pamilya. Gayundin, ang mga taong nakapaligid sa'yo.

Sa kabilang banda, may punto ang paksyong ito ng mga Pilipino ngunit kung lingid sa kanilang kaalaman, sa pananatiling ito sa kani-kanilang mga tahanan, papasok ang isang panibagong kalaban, ang kagutuman. Ang mga naiimbak na pagkain ay unti-unting mauubos at dahil sa wala kang mapagkukunan ng pera pambili ng makakain, tiyak na pagtitiis ang inyong gagawin lalo na kung walang tutulong.

Hindi na basta-basta tatalab ang mga linyang "may pag-asa, tiwala lang", ang konseptong hindi ka naman mamatay dahil wala kang maipanglaman-tiyan sa loob ng isang buwan, ani ni Presidential Spokesperson Salvador Panelo, o yung sinasabi nila na ayos nang magutom kaysa mahawaan ang iyong pamilya ng COVID-19 at mamatay kayo. Hindi biro ang gutom at higit sa lahat, malaking bahagdan sa ating populasyon ang tiyak na magugutom kung hindi kikilos ang mga kinauukulan.

Maaaring maprotektahan mo ang iyong pamilya kontra sa sakit ngunit hindi sa tawag ng kumakalam na sikmura. Hindi sagot ang hindi pagpansin sa gutom dahil hindi lang pisikal na aspeto ng iyong katawan ang maaapektuhan kundi pati na rin ang kaisipan.  

Hindi tama na mamili tayo sa "mamatay dahil sa gutom" o "mamatay dahil sa sakit". Ito'y parehas na dapat ikonsidera ng parehong panig sa pagbibigay ng opinyon. Sa kritikal na sitwasyong ito, marapat lang na gumawa na ng hakbang ang ating pamahalaan upang mapunan ang mga pangangailan ng maralitang Pilipino. Kung kinakailangan maglaan ng ayuda, maglaan sapagkat ito ang hinihingi ng ating sitwasyon. Walang maipanlaman-tiyan ang mga Pilipino, humingi ng tulong sa pribadong sektor para sa relief goods na ipamamahagi at marami pang tulong na kinakailangan ng ating mga naghihikahos na kababayan. 

Dapat na silang umaksyon nang sa gayo'y matapos na ang mga kuro-kuro sa panahong ito na mas kailangan ang mapagkakatiwalaan at makatotohanang impormasyon. Hindi naman magrereklamo ang mga Pilipino kung nararamdaman nila na may kumakalinga at nagpapahalaga sa kanila. Higit sa lahat, isa tayong demokratikong bansa kung saan may karapatan ang bawat mamamayan na magbigay suhestiyon at komentaryo sa ikinikilos ng gobyerno. 

Kung 'di mag-iingat maaaring mahawaan ng sakit ngunit kung wala namang sapat na pagkain, gutom naman ang aabutin, nawa' y itatak natin ito sa ating isipan. Hindi dapat mamili sa mamatay dahil sa gutom o sakit bagkus ito ay parehas na dapat na labanan dahil panganib ang dala ng mga ito. Sa kabilang banda, ito naman ay paalala sa mga taong ayaw nang makarinig ng reklamo: walang masama sa pagrereklamo lalo na't tayo'y demokratikong nasyon ngunit dapat timbangin ang mga bagay at pag-isipang mabuti ang mga nais sabihin. Bigyan natin ang bawat isa, saan mang sektor nagmula, na magsalita dahil karapatan nila ito at marapat lang na tayo'y makinig. Hindi lang ito laban ng iisang panig kundi nating lahat. Laban ito ng parehong gobyerno at mamamayan, at kung iisa ang ating hangarin, yayakapin ang kabutihang panlahat at tatalikdan ang mga makasariling gawa, malalampasan natin ang pandemikong ito.