Noong eleksyon, matapang kong binoto si President Duterte dahil humanga ako sa kanyang dedikasyon upang masugpo ang droga sa ating Bayan at nakita kong pursigido siyang panatalihing tahimik at maunlad ang Pilipinas. Bilang isang “first time voter” hangad ko rin ang kanyang hangarin, halos lahat naman ng Kandidato noon ay iyon din ang gusto nilang masolusyonan dito sa bansa pero ewan ko ba kung bakit si Rodrigo ang binoto ko. Nakaka pang hina ng loob, nakaka panlumo pero ANO PA NGA BA AND MAGAGAWA KO BILANG ISANG MAMAMAYAN NG BANSANG ITO?
Oo nagsisisi ako, sa mga nangyayari ngayon sa ating bansa nalulungkot ako sa mga balitang halos araw-araw ay patayan ang tanging laman dahil sa DROGA. Kuha ko naman ang punto niya na gusto niyang masugpo lahat ng mga taong may koneksyon sa ipinag babawal na gamot na ito at ang mga taong gumagamit nito. OO, aprobado ko ang kanyang adhikain ngunit ang pag kitil ng buhay ang hindi ko maintindihan. Sa libo-libong namatay/pinatay sa War on Drugs na ito hindi lahat ay napa tunayan na gumagamit ang iba ay napag bintangan lamang kung hindi naman ay nasali lamang sa mga RAIDS na ginagawa ng ating mga kapulisan. Masakit lalo na may mga inosenteng buhay ang nadadamay dahil sa pagiging agresibo ng ibang kapulisan.
Minsan tinatanong ko ang sarili ko, bakit nga ba nangyayari ang lahat ng ito? Sino nga ba talaga ang tama? Sino nga ba ang dapat sisihin? Sino nga ba ang nagsa sabi ng totoo? Ano nga ba ang tamang gawin upang mapigilan na ito? Ano nga ba ang DAPAT na gawin? Sino nga ba talaga ang may KASALANAN? Wala akong makuhang sagot dahil sa totoo lang mahirap ng maniwala sa BALITA, bakit? Dahil hindi na buo ang kanilang hinahayag sa taong bayan. Kumbaga sa chismis may inalis at may idinagdag kaya mahirap paniwalaan lalo na iba-iba ang sinasabi ng mga tao.
Minsan naisip ko rin, paano kapag dumating yung panahon na maranasan rin ng Pamilya ng mga nasa Gobyerno sa ating bansa ang nangyayari sa mga kababayan natin na walang awang pinapatay ng mga Pulis? Magbabago ba kaya ang pananaw nila? Mabubuksan nga ba ang mga isip nila na MALI ang basta-basta na lang ang pumatay lalo na kung walang “due process” ganun na ba talaga pera at kapangyarihan na nga lang ba ang TAMA? Wala na nga ba talagang karapatan kaming mga mahihirap magkaroon ng HUSTISYA sa mundong to? Kasalanan nga ba talaga namin na kami ay mahirap kaya pati HUSTISYA at RESPETO ay ipagdadamot saamin? Panatag nga ba talaga ang mga puso’t isip nila na habang ang mga pamilya ng mga pinatay sa war on drugs ay naghihinagpis sa pagkawala ng kanilang mga mahal sa buhay, sila ay mahimbing natutulog sa kanilang malamig na kwarto at naka higa malalambot na kama? Ganun ba talaga ang gusto ng Administrasyon na ito sa ating bansa? May konsensiya pa ba sila? Sino ba ang DIYOS nila? Siguro naman namatayan na sila at siguro naman nila ang pakiramdam ng namatayan, diba? Hindi ba sila naaawa o WALA LANG TALAGA SILANG AWA?
Si Kian, 17 years old isang Senior High School Student na ang hangad sa buhay ay maging isang Pulis pero pinatay dahil di umano daw ay nanlaban sa mga Pulis? Ngunit iba ang kuwa sa CCTV? Dapat nga ba talaga siyang patayin? Oras na nga ba niya? O baka naman isa na itong “eye opener” sa atin mga kababayan na SOBRANG MALI na ang Administrasyon na ito? Na kailangan na nating kumilos para mapigilan na ang mga MAKAKAPANGYARIHAN na patuloy tayong pasunurin sa mga mali nilang gawain? Paano kung nagka taon pala na walang CCTV doon, panigurado walang laban ang kanilang pamilya dahil di hamak na mas paniniwalain nila ang ating mga isipan na NANLABAN nga si Kian. Masakit kahit hindi ko siya kilala pero kung patuloy itong mangyayari sa bansa natin, LIGTAS pa nga ba tayo dito? Heto na ba ang bagong PILIPINAS na gusto nilang baguhin ang maging sunud-sunuran tayo sakanila? Sa mga pulis na pumatay kay Kian, anong pakiramdam na naka patay kayo ng isang inosenteng bata? Sana huwag dumating iyong oras na mangyari rin ito sa mga PAMILYA niyo. Sana huwag pa rin ho kayo makaka limot na may DIYOS na nakaka kita ng lahat ng ginagawa natin at ALAM ANG TOTOO! Sana sa oras na siya ay humatol, hindi pa huli ang lahat. Alam ko hong trabaho niyo ang dumakip ngunit hindi ang kumuha ng buhay lalo na kung walang laban.
Nagagalit ako sa lahat lalo na saaking sarili dahil isa ako sa mga dahilan kung bakit naging Presidente si Duterte, nagagalit ako sa Administrasyong Duterte lalo na sa mga taong patuloy na sumusporta sa kaniyang mga maling gawain. Kailan ba tayo maliliwanagan sa Administrasyon na ito kung kailan huli na nag lahat? Kung kailan lahat tayo ay wala ng karapatan para ipagtanggol ang ating mga sarili? Ilang taon pa tayo magtitiis, nawa'y matapos na ang pagdurusa ng ating Bansa.
Bilang isang anak ng Diyos, hindi ako nawawalan ng pag-asa na darating ang panahon na magiging masaya ang bawat tao sa mundo, malayang naihahayag ang kanilang mga sarili at matiwasay na nabubuhay sa mundong ibabaw. Alam kong may dahilan ang Diyos kung bakit nangyayari ito saatin, maaaring ipinapa alam niya lamang na oras na para magbalik loob tayo sakanya at huwag tayo makalimot tumawag sa kaniya sa mga oras na tayo ay hirap na hirap na at sa mga oras na tayo ay masaya. Siguro hinihinay lamang ng Diyos na tayo ay magka isa na may iisang layunin upang mas maging matiwasay ang ating pamumuhay at mangyayari lamang ito kung ang lahat ay mag uunawaan at hindi hangad ang makalamang sa kapwa. Sana hindi pa huli ang lahat para gumawa tayo ng tama, dahil kapag dumating yung araw na hindi tayo handa pagisisihan natin ito at wala tayong magagawa kung hindi tanggapin ang kaniyang hatol. Sana sa mga nangyayari sa ating bansa at sa buong mundo, maging isang “eye opener” na ito saatin na wala tayong anumang kailangan kung hindi si JESUS CHRIST ang ating tagapag LIGTAS.
I’m praying for your soul Kian na sana makamit mo ang hustisya at sa lahat ng mga taong napatay dahil sa War on Drugs. At sa Administrasyon Duterte sana, gawin niyo na lang ang makakabuti sa lahat hindi ang makaka buti lang sainyong mga sarili.
