Venia Legit

inventa mihi legenti

[venialegit]

Audito nomine Numae patres Romani, quamquam inclinari opes ad Sabinos rege inde supmto videbantur, tamen neque se quisquam nec factionis suae alium nec denique patrum aut civium quemquam praeferre illi viro ausi, ad unum omnes Numae Pompilio regnum deferendum decernunt.

Livy I.18.5

[venialegit]

oriundi ab Sabinis, ne, quia post Tati mortem ab sua parte non erat regnatum, in societate aequa possessionem imperii amitterent, sui corporis creari regem volebant; Romani veteres peregrinum regem aspernabantur.

Livy I.17.2

[venialegit]

Haec ferme Romulo regnante domi militiaeque gesta, quorum nihil absonum fidei divinae originis divinitatisque post mortem creditae fuit, non animus in regno avito reciperando, non condendae urbis consilium, non bello ac pace firmandae.

Livy I.15.6

[venialegit]

Eaque clade haud minus quam adversa pugna subacti Veientes pacem petitum oratores Romam mittunt.

Livy I.15.5

[venialegit]

Fidenates nimis vicinas prope se convalescere opes rati, priusquam tantum roboris esset quantum futurum apparebat, occupant bellum facere.

Livy I.14.4