#pag-aaral

[maca-momo]

Ang Pag-aaral sa Panitikan

Habang pinag-aaralan ang panitikan ay hindi ito kaagad ipinaliwanag saamin ng aming guro na sa una’y pinagsaliksik muna kami patungkol sa panitikan at gawan ito ng blog. Nagbigay ng mga katanungan na maaari naming ilagay upang magkaron ng ideya kung ano ba ang mga kasagutan na ilalagay namin at kung ano ba mismo ang panitikan sa blog na aming gagawin. Sa pagkakaalala ko rin ay napag-aralan na noon ang panitikan ngunit hindi na nga ganoon naalala at inaalala dahil sa iba-iba na ang pinagkakainteresan ng mga tao. Kahit ako ay kapag tinanong na kung ano ba ang ibig sabihin ng panitikan ay hindi ko agad ito nasasagot ngunit kapag nagsaliksik na o itinuro na ulit ay saka ko lamang naaalala na alam ko pala talaga ang ibig sabihin ng panitikan. Sa aking nasaliksik ay ang ibig sabihin ng panitikan ay isa itong sulatin na nababasa sa libro, balita o social media na nagpapahayag ng mga karanasan, kaisipan, damdamin o kwento ng isang tao.

Maaring naglalaman ito ng katotohanan o gawa-gawa lamang para sa isang layunin. Noong matapos naming gumawa ng blog ay ipinaliwanag na rin saamin kung ano ba talaga ang panitikan at ito raw ay isang representasyon ng mga kaganapan sa paligid, mayroong isang sining na halimbawa ay ang tula at mayroon ding “oral panitikan” na halimbawa naman ay fliptop. Sinabi rin na pinag-aaralan ang panitikan para maintindihan mo ang sarili mo at kapag pinag-aaralan ito ay hindi lang basta-basta kundi binubusisi. Kahit na hindi kaagad naipaliwanag saamin ang panitikan ay alam kong inaalam lang kung talaga bang nagsaliksik at sineseryoso ba namin ang ipinagagawa saamin at naiintindihan ko rin na hindi naman lahat ng bagay ay kailangan ipaliwanag saamin kaagad o ipaliwanag ang bawat detalye dahil nga’y nasa kolehiyo narin kami at mas malawak narin ang pang-unawa.

[pluma-at-tinta]

"Pursige, hindi puro sige."

[voxdemac]

Isipin mo ang batang ikaw na nangangarap noon na walang takot sa hatid ng bukas, hindi iniisip kung maabot nya ba ito basta ang tanging alam nya lang ay mangangarap sya at maabot nya ito. Isipin mo ang rason kung bakit ka nag-umpisa. At humakbang ka na muli, kaibigan.

#Kalayaan

[shareajoy]

Ang Mahiwagang Gabay ng mga Mag-aaral 101

Kung ito ay iyong binabasa, malamang, ikaw ay isang estudyante din katulad ko. O di kaya ay wala ka lang talagang magawa at nadaanan mo ang post na ito. Kahit saan ka man diyaan, ikaw sana ay mayroong matunan dito.

Ang sumusunod na mahiwagang gabay ay hindi perpekto at nagmula sa hindi rin perpekto kong mga karanasan bilang estudyante.

Isa sa mga "Basic" ito, kasama kong mag-aaral. Lahat ng bagay ay pinaghihirapan. Laging tandaan na ang magandang grado ay hindi kusang lalapit sa iyo. Gising bes, hindi ganyan ang buhay. Kinakailangan mo itong pagsikapan upang makuha.

Ako ay isang sinungaling kung aking sasabihin na hindi ako tinatamad sa paggawa ng mga takdang aralin. Normal lang iyan. Pero depende kasi sayo yan kung hahayaan mo lang ang katamaran mo na magbigay ng panandaliang kasiyahan at stress naman sa bandang huli. Gawin ang dapat gawin.

Karamihan sa mga estudyante ngayon, mahilig mag "multitask". Moderno na kasi masyado ang panahon e. Pero ang tanong, may natapos ka ba? Maganda ang mag-"multitask" pero huwag mong ipagsabay ang mga bagay-bagay na hindi naman tugma tulad ng pag-aaral at paggamit ng gadyets upang gumamit ng kahit anong social media. Malilibang ka lang niyan. Aral kung aral. Pahinga kung pahinga. Party kung party. Isa-isa lang po ha?

Mahirap man ito gawin sa umpisa pero ako talaga ay iyong pasasalamatan kung alam mo na kung paano. Ang pagiging organisado ay nakapagpapadali ng pag-aaral. Bahala na kung ang supply ng sticky notes at bookmarks mo ay sumusobra na. Bahala na kung parang may piyesta ang iyong mga kuwaderno't libro dahil sa iba't-ibang kulay ng highlighters. Para din naman ito sa ikabubuti mo.

Totoong totoo na sadyang mahirap talaga ang pag-aaral lalo na kung hindi kayo magkasundo ng isang subject o paksa. Pero ganyan talaga iyan. Hindi sa lahat ng oras ay magaling tayo sa lahat ng bagay. Lahat ng tao ay may kahinaan. Pareparehas lang tayo ng kinakain, bes. Pero kahit na ganito, kinakailangan natin matunan na mahalin at intindihin ang subject o paksa na hindi natin gusto. Kung may alam ka na hindi alam ng iba, ibahagi mo. Dahil darating ang araw na may alam sila na hindi mo alam. Maging mabait ka na din para ibahagi nila sayo ang mga nalalaman nila.

Sana makatulong ang mga ito sayo, fellow estudyante!

[justsomebodyyyy]

Tunay na Pag-Ibig

(TULA) Tunay na Pag-ibig (Pag-ibig) Sa bawat pagmulat ng aking mga mata, Sa bawat pagbangon ko tuwing umaga, Sa pagpupursigi ko sa pag-aaral, Tanging kayo lamang ang aking inspirasyon. Salamat sa pagmamahal at kalingang inyong inialay, Kayo man ay nakaranas ng paghihirap, Mas pinili niyo pa ring magtiis at magtiyaga. At dahil doon, maraming salamat mahal kong ina. Salamat sa walang sawang pagsuporta sa akin. Labag man sa inyong kalooban ang aking mga desisyon, Nananatili pa rin kayong nakaantabay sa aking tabi. At dahil doon, maraming salamat mahal kong ama. Balang araw, ako naman ang magsisilbi sa inyo, Tugon sa lahat ng inyong pagsasakripisyo. Sa araw na kayo'y tumanda, Ako ang siyang sa inyo'y mag-aaruga. Alam kong mahirap itong paniwalaan sa ngayon, Sapagkat hindi ko ito magawang maipadama sa inyo. Ngunit sana'y sa pamamagitan ng tulang ito'y inyong mabatid, Kayo'y aking minamahal ng buong puso. (Pag-asa) Sa bawat araw na lumilipas, Lagi kong ipinapanalangin, Pagkakaroon ng pagbabago sa iyong pananaw, Maging ang pagbubukas ng iyong saradong isipan. Sana balang araw ay iyong maintindihan, Kapakanan mo lamang ang aming iniisip. Huwag sanang itatak sa iyong isipan, Na ika'y aming pinipigilang sumaya. Dahil ang tanging hangad lamang, Ika'y aming maprotektahan. Iyo ring pakatatandaan, Sumuko man ang lahat sa'yo, Ako'y mananatili pa rin sa iyong tabi. Kahit taon man ang bilangin, Hinding-hindi ako mawawalan ng pag-asa. Pagkat alam kong darating ang panahong, Iyong aaminin sa sarili, Na ika'y nagkamali, mahal kong kapatid. (Pananampalataya) Kabi-kabilang bagyo, Sandamakmak na taong napeperwisyo. Sa bawat unos na dumarating, Mundo'y tila unti-unting nawawasak. Ngunit sa kabila ng lahat, Hindi pa rin nawawala ang pag-asa, Walang sawa pa rin ang pananalig, Sa Iyong pagmamahal na hindi magmamaliw. Kaya kahit anong unos pa ang dumating, Ito'y tiyak na malalapasan din. LAHOK SA SARANGGOLA BLOG AWARDS 8 http://www.sba.ph/ http://www.dmcihomes.com/ http://radyo.inquirer.net/ http://www.device.ph/ http://www.thedailypedia.com/ http://www.lionheartv.net/

[chaxtc-blog]

Mga papel na nakakalat Mga librong nakabuklat Mga lapis na bali na Mga ballpen na walang tinta Grado ba ang pamantayan Ang mga numero ba na yan Ay sukatan ng pagiging matalino At ng reputasyon mo bilang tao Ano bang mas mahalaga? Ang pagkakaroon ng pulang marka Ngunit may malawak na pag-iisip O ang matataas na numero Pero limitado ang iyong pag-iisip Nakakadismaya Na ngayong kasalukuyan Mas importante pa Ang grado sa kalusugan Ang pumasa kesa may matutunan

tula ng isang estudyante // n.a.

[sawingbaliwxx]

Pagod ka na pero itutuloy mo pa kasi ginusto mo.

[librospeliculas]

Dalawang dekada ka lang mag-aaral. Kung di mo pagtitiyagaan, anak, limang dekada ng kahirapan ang kapalit. Sobrang lugi. Kung alam lang iyon ng mga kabataan, sa pananaw ko e walang gugustuhing umiwas sa eskwela.

Bob Ong, Macarthur