#mujgan

[zuzu-cookbook-blog]

Grissini – rozmarinli çubuqlar

Porsiya: 15-20

Tərkibi:

430 qr un;

240 ml su;

15 qr maya;

10 qr şəkər tozu;

5 qr duz;

20 ml zeytun yağı;

1 x.q. qurudulmuş rozmarin;

Üzərinə 1 x.q. küncüt.

1. Təxminən 40 ml ilıq suda maya həll edilib 15 dəqiqə aktivləşməsi gözlənilir. 2. Ələnmiş una duz və şəkər tozu, qurudulmuş rozmarin əlavə edilir. Yağ, qalan su və mayalı qarışım tökülür. 3. Yumşaq xəmir yoğurub, üzərini örtüb 1-1.5 saat isti yerdə saxlanılır.

4. Sonra xəmirdən kiçik hissələr ayırıb çubuq formasına salınır və üzərinə küncüt səpilir. 5. Qrissinilər 20 dəqiqə ərzində 200 C dərəcə qızdırılmış sobada bişirilir.

http://gilasmagazine.com/2018/01/11/grissini-rozmarinli-c%CC%A7ubuqlar/

[zuzu-cookbook-blog]

Göyərtili kökələr

Porsiya: 5-6

Xəmir üçün:

250ml süd;

400 qr ələnmiş un; 1 ədəd yumurta;

2 x.q. bitki yağı; 1/2 ç.q. duz;

1 x.q. şəkər tozu;

1 ç.q. quru maya;

İçlik:

2 diş sarımsaq;

50 qr kərə yağı;

2 x.q. doğranmış cəfəri və şüyüd.

Üzərinə çəkməyə 1 yumurta sarısı

1. Un bir qaba ələnib, üzərinə yumurta, süd, bitki yağı, şəkər tozu, duz və maya əlavə edilib yumşaq xəmir yoğrulur.

2. Xəmir üzəri dəsmal ilə örtülüb isti yerdə həcmi 2 dəfə artana qədər mayalanmağa qoyulur. 3. Xəmir gəldikdən sonra 5-6 kündə ayrılır və 30 dəqiqə dinləndirilir.

4. Göyərti, kərə yağı və sarımsaq blenderdən keçirilir, və yaxud göyərti xırda doğranılıb əzilmiş sarımsaqla qarışdırılır.

5. Hər kündənin üzəri iti bıçaqla kəsilir və kəsiklərə 1/2 çay qaşığı içlik qoyulur.

6. Kökələrin üzərinə yumurta çəkilib 180 dərəcə qızdırılmış sobada 25-30 dəqiqə bişirilir.

7. Bu kökələri çay və ya şorbalar ilə süfrəyə verə bilərsiniz.

http://gilasmagazine.com/2018/01/07/goy%C9%99rtili-kok%C9%99l%C9%99r/

[zuzu-cookbook-blog]

Falafel

Resept Gimme Some Oven bloguna əsaslanaraq hazırlanmışdır.

1 dəstə cəfəri

400 qr bişmiş noxud və ya konservləşdirilmiş noxud

1 dəstə keşniş

1 kiçik baş soğan

2 diş sarımsaq

1 çay qaşığı üyüdülmüş cirə

1 xörək qaşığı limon suyu

3 xörək qaşığı un

1/2 çay qaşığı qara istiot

1 + 1/2 çay qaşığı duz

4-5 xörək qaşığı bitki yağı

1 çay qaşığı qabartma tozu

Əgər konservləşdirilmiş noxud istifadə edirsinizsə, suyunu süzün. Əgər noxudu özünüz bişirəcəksinizsə, onda onu axşamdan suda isladın. Gecədən islatdığınız noxudu yumşalıb bişənə qədər suda qaynadın. Suyunu süzüb soyumağa qoyun.

Bişmiş noxudu, keşniş, cəfəri, sarımsaq, soğan, un, limon suyu, qabartma tozu, cirə, duz və istiotu blenderin qabına töküb qarışdırın.

Sonra alınan qarışımı başqa bir qaba boşaldın. Üzərini bağlayıb 1-2 saatlıq soyuducuya qoyun.

Qarışımı soyuducudan çıxarıb hərəsi 2 xörək qaşığı olmaqla yumru küftələr formasına salın. Daha sonra üzərini basaraq dairəvi disk forması verin. Bütün qarışımdan belə disklər hazırlayın.

Tavada bitki yağını qızdırın. Yağ qızandan sonra ehtiyatla falafel disklərini yağa salın. Hər bir üzü 2-3 dəqiqə olmaqla orta odda qızardın.

Bişmiş falafelləri kağız salfetin üzərinə yerləşdirin.

Hazırladığınız falafelləri süfrəyə müxtəlif souslar və ya pita çörəyinin arasında sendviç şəklində verə bilərsiniz.

http://lovely-culinary.com/falafel-resepti/

[zuzu-cookbook-blog]

Makarun

Bu gün mən kokoslu amerikan əsilli makarunların (macaroon) reseptini sizinlə paylaşıram.

1 ədəd yumurta ağı

4 xörək qaşığı şəkər tozu (50 qr)

1 stəkan kokos qırıntıları ( 60 qr)

1/8 çay qaşığı duz

1/4 xörək qaşığı vanil ekstraktı

115 qr şokolad

1 ədəd yumurtanın ağını sarısından ayırın. Bir qabda yumurta ağını azca çırpın. Daha sonra bura şəkər tozu, vanil, duz əlavə edib çırpmağa davam edin.

Daha sonra kokos qırıntılarını əlavə edərək qarışdırın. Bu qarışımın koksistensiyası nə çox yapışqan, nə də çox sulu olmalıdır.

Soba listinə kalka kağızı salın. Sonra əliniz ilə və ya qaşıq ilə kiçik toplar formalaşdırıb kağızın üzərinə düzün. Bu porsiyadan 8 ədəd makarun alınır.15-20 dəqiqə 170 dərəcəli sobada bişirin. Bişmiş macaroonları soyudun.

Şokoladı mikrodalğalı sobada və ya su hamamında əridin. Hazır makarunların alt hissəsini şokolada batırıb kalka kağızının üzərinə qurumağa qoyun. Qalan şokoladla isə üzərini bəzəyə bilərsiniz.

Şokolad quruduqdan sonra makarunları qablara yığıb saxlaya bilərsiniz.

http://lovely-culinary.com/kokoslu-pecenye-resepti/

[zuzu-cookbook-blog]

Mayonezli Kişmişli Keks

3 ədəd yumurta

1 stəkan şəkər tozu

2 stəkan un

150 qr. mayonez

Kişmiş 1 stəkan

1 çay qaşığı şəkərli vanil və ya vanil ekstraktı

1 çay qaşığı qabartma tozu

Üç yumurtanı 1 stəkan şəkər tozu ilə ağarana qədər mikser vasitəsilə qarışdırın.

Vanil və mayonezi də bura əlavə edib eynicinsli konsistensiya əmələ gələnə qədər mikserlə qarışdırmağa davam edin.

Un və qabartma tozunu bir qabda qarışdırın və ələkdən keçirib hissə-hissə keks məhluluna əlavə edib qaşıqla ehtiyatla qarışdırın. Un tam qarışana qədər davam edin, keksin içərisində həll olmamış un kütlələri qalmamalıdır.

Unu qarışdırdıqdan sonra bura kişmişi əlavə edin və yenə də qaşıqla qarışdırın.

Kiçik keks qablarını ya yapışmayan kağız, ya da kərə yağı ilə yağlayın. Keks xəmirindən qabın 2/3 nə qədər doldurun. Qalan hissəni isə keks bişib şişəcəyi üçün boş saxlayırıq. Sobanı 180 dərəcəyə qədər isidib keksləri 30 dəqiqə bişirin. Hazır olub-olmadığını çöp ilə yoxlaya bilərsiniz.

http://lovely-culinary.com/kismisli-keks-resepti/

[zuzu-cookbook-blog]

Portağallı Çizkeyk

Mən bu gün sizə klassik Nyu-York çizkeykinin üzərinə portağallı sous əlavə edərək hazırladığım resepti təqdim edirəm.

Alt qat üçün:

125 qr kərə yağı (ərinmiş)

250 qr sadə peçenye (petit beurre növü)

1/4 stəkan şəkər tozu

Pendirli qat üçün:

900 qr Philadelphia pendiri (Labne pendiri ilə əvəz etmək olar)

1 və 1/4 stəkan şəkər tozu

10 qr şəkərli vanilin və ya 1 xörək qaşığı vanil ekstraktı

2 xörək qaşığı limon suyu

4 ədəd yumurta

2 xörək qaşığı un

Portağallı qat üçün:

2 stəkan təzə sıxılmış portağal şirəsi

1 stəkan təzə sıxılmış mandarın şirəsi

1/3 stəkan şəkər tozu

3 xörək qaşığı nişasta

Əvvəlcə çizkeykin alt qatını hazırlayaq. Bunun üçün peçenyeni blenderdə xırdalayıb, üzərinə ərinmiş yağ və şəkər tozunu töküb qarışdırın.

Kənarları açılan qabın (məndə 24 sm) dibinə kalka kağızı salıb peçenyeli qarışımı bərabər şəkildə üstdən basaraq yayın. 160 dərəcəli sobada 10 dəq bişirib kənara qoyun.

Pendirli qat üçün pendiri bir böyük qaba töküb üzərinə şəkər tozu, vanil, limon suyu əlavə edib mikserlə bir qədər çalın.

Daha sonra yumurtaları bir-bir əlavə edərək mikserlə qarışdırın. Sonda unu da əlavə edib eynicinsli kütlə şəklinə düşənə qədər qarışdırın.

Qabın altını və kənarlarını folqa kağızı ilə bağlayın, çünki hazırladığımız məhlul həddindən artıq duru olur və qabın kənarlarından axa bilər. Sonra bu məhlulu peçenye qatının üzərindən töküb 50-55 dəqiqə 160 dərəcəli sobada bişirin. Bişəndən sonra çizkeykin ortası bir qədər yumşaq ola bilər, amma soyuduqdan sonra tam bərkiyəcək. Kənarda tam soyumağa buraxın.

Çizkeyk soyuyan müddətdə portağallı sousu hazırlayaq. Bunun üçün balaca bir qazanda portağal və mandarın şirəsi, şəkər tozu, nişastanı qarışdırıb odun üzərinə qoyun. Arada qarışdırmaq şərti ilə qaynayıb bir qədər qatılaşana qədər bişirin.

Kənarda soyutduqdan sonra portağal sousunu tam soyumuş çizkeykin üzərinə tökün və üzərini örtüb bir gecəlik soyuducuda saxlayın.

Soyuducudan çıxardıqdan sonra çizkeyki ehtiyatla qabdan çıxarın. Artıq çizkeyki süfrəyə verə bilərsiniz.

http://lovely-culinary.com/cizkeyk-resepti-portagalli/#comments

[zuzu-cookbook-blog]

Snickers Tortu

1 stəkan rafinə olunmuş bitki yağı

1.5 stəkan şəkər tozu

4 yumurta

1 stəkan süd

3 xörək qaşığı kakao

2.5 stəkan un

10 qr qabartma tozu

vanil

Krem üçün:

1 banka qaynanmış qatılaşdırılmış süd

200 qr kərə yağı

200 qr yerfıstığı

Beze üçün:

3 yumurta ağı

1 stəkan şəkər tozu

Qlazur üçün:

100 qr tünd şokolad

200 ml qaymaq

Biskvit üçün yumurta,şəkər tozu və vanili mikserlə ağarana qədər qarışdırın. Üzərinə süd və bitki yağını da əlavə edib qarışdırın.

Kakaonu da ələkdən keçirib bura əlavə edin.

Un və qabartma tozunu ələkdən keçirib əlavə edin və qaşıqla qarışdırın.

Biskvit üçün qabın (məndə 24 sm) dibinə kalka kağızı salıb xəmiri tökün və 180 dərəcəli isidilmiş sobada 45-50 dəqiqə bişirin.

Soyudub qabdan çıxarın.

Krem üçün yumşalmış kərə yağını mikserlə 2-3 dəqiqə çalıb üzərinə qatılaşdırılmış südü əlavə edib hamısını mikserlə qarışdırın.

Beze üçün 3 yumurtanın sarısını ağından ayırın. Yumurta ağlarının üzərinə şəkər tozu töküb su hamamında şəkər tozu əriyənə qədər qarışdırın.

Daha sonra bu məhlulu isti halda mikserlə ağarıb həcmini artırana qədər çalın.

Biskviti bişirdiyiniz ölçüdə bezeni kalka kağızının üzərinə dairəvi şəkildə yayıb 100-120 dərəcədə 2 saata yaxın quruyana qədər bişirin.

Yerfıstıqlarını sobada və ya qazın üzərində bir qədər qovurun.

Biskivt soyuduqdan sonra iki yerə bölün.

Biskvitin üzərinə krem çəkin və bir qədər xırdalanmış yerfıstığını səpin. Üzərinə bezeni bütöv halda qoyub yene krem çəkib yerfıstığını səpin və ikinci korjun alt hissəsini də kremləyib qoyun.

Tortun kənarlarını və üzərini də kremləyin.

Üzəri üçün şokoladlı qanaş hazırlayaq. Bunun üçün qaymağı kiçik bir qazanda qızdırın, kənarda üzərinə şokoladı doğrayıb tökün və əriyənə qədər qarışdırın.

Bir qədər soyudub tortun üzərinə tökün və bərabər şəkildə yayın. Üzərini yerfıstığı və snickers konfetləri ilə bəzədim.

http://lovely-culinary.com/snikers-tortu/

[zuzu-cookbook-blog]

Almalı Rulo Qurabiyə

1 ədəd yumurta

2 xörək qaşığı xama

150 qr (3/4 stəkan şəkər tozu)

200 qr kərə yağı

3 stəkan un

2 çay qaşığı qabartma tozu

İçlik üçün:

4 ədəd orta ölçülü alma

1 stəkan qoz

0.5 stəkan şəkər tozu

1 xörək qaşığı darçın (zövqə görə)

Əvvəlcə içlik üçün almaları yuyub, soyub sürtkəcin iri gözündən keçirin. Üzərinə şəkər tozu əlavə edib odun üzərində almaların suyu çəkilib şəkər tozu əriyənə qədər bişirin. Sonda xırdalanmış qoz və darçını əlavə edib qarışdırıb soyumağa qoyun.

Xəmir üçün bir qabda yumşalmış kərə yağını şəkər tozu ilə mikser vasitəsilə qarışdırın. Üzərinə yumurta və xama əlavə edib birlikdə qarışdırın.

Sonra un və qabartma tozunu əlavə edib qaşıqla, daha sonra əl ilə xəmir yoğurun. Xəmir əlinizə yapışmayana qədər unu əlavə edin. Amma çox bərk xəmir olmasın. Soyuducuda qaldıqda xəmir özü bərkiyəcək.

Xəmiri iki yerə bölüb 1 sm qalınlığında yayın. Yaymaq asan olsun və oxlova yapışmasın deyə kalka kağızı arasında yayın.

İçliyin yarısını xəmirin üzərinə bərabər şəkildə çəkin.

Sonra kalka kağızının köməyi ilə xəmiri rulet şəklində bükün. Hazır ruleti kağızın arasında dondurucuda 1-2 saat saxlayın.

Eyni prosesi xəmirin ikinci hissəsi ilə də edib dondurucuya qoyun.

1-2 saatdan sonra ruleti çıxarıb bir barmaq qalınlığında hissələrə kəsin.

Soba qabına kalka kağızı salıb kəsikləri düzün və 180 dərəcəli sobada 25-30 dəqiqə bişirin. Qurabiyələri soba qabına bir qədər aralı şəkildə düzün, çünki bişəndə şişib bir-birinə yapışa bilər. Qurabiyələri çox qızartmayın ki, qurumasın.

http://lovely-culinary.com/almali-qurabiye-resepti/