kontemporaryong isyu

@kontemporaryongisyu

Nagmamasid.

39 posts

Reaksyon sa Kanta

Nakilala ko ang pangalan ni Gary Granada dahil sa mga proyekto sa mga aktibitad namin sa eskwelahan. Naging tanyag siya dahil sa mga awiting kanyang naisulat na mayroong pulitikal na tema. Ginamit niya ang pagsulat ng awitin bilang isang paraan upang maipamulat sa kaniyang tagapakinig ang realidad.

Sa una, hindi ko naintindihan ang pinapahiwatig ng kantang Go-ngo o Once Upon A Tune ni Gary Granada. Ngunit, napag-isip isip ko na ang tono ay hinango sa mga pambatang mga kanta at unti-unti kong naiintindihan na ang mga liriko ay ikinokonekta sa gobyerno. Nakakagulat isipin na dati pa ang kanta, ngunit kahit sa panahon ngayon ay nakokonekta ko pa din ang kanta sa mga pangyayari ngayon. Masasabi ko na medyo may pag-ka’harsh’ ang mga liriko o linya sa kanta pero ito ay totoo at mas naimumulat ako nito sa realidad na nangyayari sa ating bansa. Sa linyang “mas mabuting may gobyerno o wala”, napaisip din ako dahil bumubuti ba talaga ang lagay ng bansa o mas lalo lang atang lumalala ang mga nagaganap. Sa linyang “kapag ang taongbayan, ay may problema, dalawang tenga, dalawang mata, laging nakasara”, nakakalungkot isipin na walang nagbago, ang kahirapan at problema sa taongbayan ang siyang nakakalimutan pa din alalahanin. Madami pa ding naghihirap, hindi napapansin, at lalo na hindi naaabutan ng tulong.

Nakasaad din sa kanta ang pangungurakot o korupsyon, dahil nakakapagtaka lang din na saan napupunta ang pera sa gobyerno na para dapat sa mga taong bayan, bakit madami pa din nag hihirap? Sa bulsa ata nila napunta ang dapat para sa mamamayan at ginagamit nila ito para sa sariling satispaksyon.

Nakokonekta din dito kung bakit nagrarally ang mga tao, dahil sa mga problema sa taong bayan kabilang ang kahirapan. Bakit hindi nila pinapakinggang ang mga salita ng mamamayan, dahil akala nila iyon ay mali? Hindi nila pinapansin ang mga sigaw ng mahihirap kaya naman nadami lalo ang nag poprotesta at mga problema sa bayan.

Sa halalan, ang vote-buying, bakit nila babayaran ang tao para botohin sila? Para ba ito sa pwesto o pera. Ngunit bakit din, kapag ikaw na ang na-elect bigla na lang naglalaho pagkatapos ka ma-elect, nakakapagtaka lang kase asan na yung mga pangako na da’t tuparin. Madaming proposals pero ni isa hindi natupad o natuloy, hindi tuloy natulungan ang mamamayan.

kontemporaryongisyu

Mahusay na pagsasaad ng mga halimbawa ng mga isyung kontemporaryo sa lipunan.

Ms. Gab

Reaksyon sa Kanta

Ang reaksyon ko sa kanta ni Gary Granada ay tungkol ito sa mga isyu natin sa bansa. Unang napansin ko ay tungkol sa gobyerno. Nakasaad doon na ang mga politiko ay may malilikot na daliri na totoo naman dahil ang iba sa kanila ay kinukuha ang pera o pondo ng bayan at iyong ang ginagamit nilang pera para mabayaran o mabili ang gusto nila. Ang iba naman ay tumakbo bilang politiko at hindi ginagawa ang tungkulin nila at tuwing halalan ay binibili nila ang boto ng mamamayan para sila ang manalo kaso alam na ng iba na mali ang ginagawa ng mga bumibili ng boto ngunit sinusoportahan parin nila ang politikong iyon.

Nasabi rin sa kanta ang tungkol sa magkakamag-anak na tumakbo sa gobyerno at nangyayari rin yan sa kasalukuyan. Pinapasa nila ang kanilang mga posisyon sa kanilang anak upang ang pamilya nila ay nananatiling may posisyon sa gobyerno. Gagamitin nila ang pondo ng bayan para sa sarili nila katulad ng pagpunta sa ibang bansa, pagbili ng mga mamahaling kagamitan at iba pa imbes sa taong bayan ilaan.

Tuwing may mga rally o protesta naman, Ang gobyerno ay walang pakialam o hindi nila pinakikinggan ang mga saloobin ng taong mga nagrarally o nagpoprotesta. Hindi nila pinapansin sila dahil minsan akala nila mali ang mga nagpoprotesta.

Sa trapiko, Laging trapik sa mga highways at hindi masolusyonan ng gobyerno ito dahil ang mga pondo na dapat sa pagpapagawa ng kalye o lansangan ay napupunta sa kanilang mga bulsa. Minsan dahil sa mga rally nagkakaroon na ng matinding trapik na umaabos minsan ng isang oras.

Ang mga pangako ng mga tumatakbong politiko ay naglalaho kapag sila ang nanalo. Gawa sila nang gawa ng mga proposal pero hindi naman nila tinutupad o isinasabatas.

kontemporaryongisyu

Mahalaga ang pagpapakita ng mga halimbawa ng kontemporaryong isyu sa kasalukuyan upang tukuyin ang mga isyung nabanggit sa kanta. Mahusay!

Ms. Gab

Journal Blog 10 20-21

Mahusay na pagsusuri ng kanta. Naipakita sa nilalaman ng blog ang pagsasalamin ng kanta sa kontemporaryong isyung kinakaharap sa asalukuyan ng bansa.

Nang aking pinakinggan ang kantang Once upon a tune ni Gary Granada naalala ko ang kasalukuyang isyu sa pilipinas tulad ng katiwalian ng i...

May mga mahahalagang katanungan na isinaad sa nilalaman ng blog. Mahusay!

Ms. Gab

w-a-k-e-m-e-u-p

Hamong panlipunan sa kasalukuyan

May mga pagbabago na ba?

Madalas na tanong ng bawat mamamayan sa bansang Pilipinas.

Malaki ang aking naging realisasyon ko simula nang aking mapakinggan ang kantang Once Upon a Tune ni Gary Granada na tumatalakay sa mga isyung panlipunan. Ngunit laking gulat ko nang malaman ko kung kailan ito nailathala. Taong 1994 ito nailathala na kung aking paghahambingin ay halos parehas lamang ang mga suliranin noon maging sa ating henerasyon ngayon.

KANDIDATO-BOTO-PONDO. Paulit-ulit ang paglaganap ng korupsyon. Ang pondong nakalaan sa publiko ay winawaldas ng mga pulitiko. Isang patunay dito ang datos na nagsasabing ang Pilipinas ay nangunguna sa korapsyon sa buong Asya.

*credits to the rightful owner*

“Sampung mga daliri, panay malilikot Nangangalabit, nandidikta at nangungurakot Madudungis na ngipin ng pulitiko Luho, bisyo, pati tinga pera ng publiko”

Malaki ang epekto nito sa ating lipunan. Dahil sa pagkamkam ng mga pondo para sana sa pagpapagawa at pagsasaayos ng mga pampublikong pagamutan, gusali, transportasyon atbp. ay napupunta ito sa mga pansariling interes at luho ng mga pulitiko.

“My nephew, my niece, my brother and sis My nephew, my niece, my brother and sis My nephew, my niece, my brother and sis Are all political appointees”

POLITICAL DYNASTY. Aquino, Marcos, Arroyo, Binay, Duterte, at Roxas, mga kilalang pangalan sa larangan ng pulitika. May isinusulong sa bawat Kongreso noong 1987 na tinatawag na Anti-Dynasty Law. Inihain naman ni Senador Miriam Defensor Santiago ang Senate Bill 2649 na nagbabawal sa mga dinastiya sa politika na humawak o tumatakbo para sa inihalal na mga posisyon sa lokal na pamahalaan. Nagiging “family business” na rin kasi ito. Sanay na ang kanilang pamilya sa ilaw ng pagtakbo kaya naman wala ng kahirap hirap ang pagpasok sa pulitika.

“Kapag ang taongbayan Ay may problema Dalawang tenga, dalawang mata Laging nakasara”

Ito ang isa mga pinakamalaking dagok na kinahaharap ng ating bansa. Ang mga kandidato’y nangako noong eleksyon ngunit kapag may problema’y ‘di naman umaaksyon. Tila’y bulang biglang nawawala.

“Kandidatong bobo, lumipad sa langit Di ko na nakita buhat nang ma-elect Sayang ang boto kong mura lang ang benta Nag-enjoy pa sana doon sa artista”

VOTE BUYING. Talamak ito tuwing eleksyon. Nagsisilbing daanan ng mga kandidatong wala namang maitutulong sa mamamayan. Kung gusto mong manalo, bilhin mo ang boto. Nakakalungkot dahil sinasamantala nila ang kahinaan ng mga Pilipinong naghihirap. Hindi natin masisisi ang mga tumanggap ng mga pera mula sa kandidato dahil lahat tayoo’y iba’t iba ang estado ng buhay.

Ilan lamang ang mga ito sa mga kinakaharap na kontemporaryong isyu na nakapaloob sa kantang ito. Nakakalungkot isipin na paulit-ulit ang mga pangyayari. Ngunit ‘wag tayong mawalan ng pag-asa. Malaking tulong ang pagiging bukas ng ating mga mata,tainga, bibig at isipan sa mga isyung ating kinahaharap sa kasalukyan. Isa itong pangunahing hakbang upang mabago ang paulit-ulit na sirang sistema sa’ting lipunan. Sana’y sa mga susunod eleksyon ay matuto at huwag nang magpauto ang mga Pilipino.

kontemporaryongisyu

Mahusay na pagsasaad ng hinuha at opinyon kaugnay ng mga kontemporaryong isyu sa kasalukuyan.

Ms. Gab

Nursery Rhymes: May mga Kontemporaryong Isyu

Nung pinakinggan ko yung kantang “Once upon a Tune” ni Gary Granada ay natatawa ako kase ginawan ng kanta ang mga problema sa gobyerno at pilinas na may tonong nursery rhymes. Sa kabila ng pagtawa ko na yon narealize ko na kahit nakakatawa ay malalim parin ang kahulugan at pinaghuhugutan ng kantang ito. Kung makikita mo parang binibiro lamang ang mga lyrics nito ngunit may kaakibat na kahulugan ang mga ito. Madaming kontemporaryong isyu ang nabanggit sa kanta tulad ng korupsiyon, political dynasty, pandaraya sa halalan, migrasyon, trapik, rally at marami pang iba.

Isa sa nabanggit na isyu ay ang isyu sa pandaraya sa halalan dahil nabanggit sa kanta na “Halalan kay Mahal, Kung nais mong Mahalal” na ibig sabihin ay kailangan mong gumastos ng malaki kung gusto mong manalo at mahalal bilang politika. Ang pandaraya rito ay may ilang mga politika na binabayaran ang boto ng sambayanang pilipino lalo na ang mga pilipinong mabilis mauto at pati na rin ang mga kapos-palad na kakailanganin ang perang ibibigay sa kanila. May iba’t ibang paraan din ng pandaraya ng mga politika tuwing halalan, halimbawa ay kakakontsabahin ng mga politika ang ilang mga sangay ng gobyerno at babayaran yon para lang sila ang mahalal at manalo.

Ang korupsiyon ay isa din sa mga nabanggit na isyu. Sabi sa kanta “Sampung mga Daliri, panay Malilikot” na ang ibig ipakahulugan nito ay sa malilikot na kamay ng mga politika ay nagawa nilang pagnakawan ang kaban ng bayan. Mga madudungis na ngipin ang meron sila na may tinga ng pera ng publiko. May nabanggit sa kanta na nakabilang ang NGO sa isang proyekto o gawain ngunit nung nagkapondo ay bigla namang nawala. Isa pang halimbawa nito ay ang isyu ngayong kasalukuyan na nawawalan ng 15 billion ang PhilHealth habang ang Heath Secretary at PhilHealth Chair ay si Francisco Duque III. Isa itong nakapagtatakang isyu kung paano nawalan ng ganong kalaking pondo at pera ang PhilHealth pero iniimbestigahan pa rin ang pangyayari at ang isyung ito.

Ang political dynasty naman ay isa din sa mga kontemporaryong isyu na nakapaloob sa kantang ito. Ang political dynasty ay nangangahulugang may mga magkakamag-anak na politika. Ang halimbawa nito ay si President Rodrigo Roa Duterte at ang kanyang anak na mayor ng Davao na si Mayor Sarah Duterte. Isa pa ang migrasyon kung saan lumilipat ang isang pamilya or mga tao mula sa isang bansa patungo sa ibang bansa. Ang pakikipaglaban naman ng karapatan at pakikibaka ay tinatawag na pagrarally. Nagkakaroon ng rally kapag nagsama sama ang mga mamamayang pilipino na may isang ninanais at ipinaglalaban. Ginagawa ito upang masabi at maipaalam sa gobyerno kung ano ang kanilang mga hinaing.

Nagulat din ako ng makita ko kung kailan nirelease ang kantang “Once Upon a Tune” dahil ito ay nirelease noong taong 1991 pa. Laking gulat ko nung malaman ko iyon sapagkat ang mga kontemporaryong isyu pala ay paulit-ulit lamang na nangyayari at maging paulit ulit lamang ang mga problema ng ating gobyerno. Ang mga isyung ito ay bumabalik-balik lamang at may ilan pa na kay tagal ng isyu ay hindi pa rin nareresolba.

kontemporaryongisyu

Mahusay na pagsusuri sa kanta. Maganda ang paglalagay ng halimbawa ng pangkasalukuyang kontemporaryong isyu upang mapagtibay ang mensahe ng kanta.

Ms. Gab

Reaction sa Kanta

Ang Once Upon a Tune ni Gary Granada noong 1994. Si Gary Granada ay kilala sa pagsusulat ng mga kanta na may temang politika. Pagsulat ng kanta na tema ay politika o gobyerno ang paraan nya para maipamulat sa tao ang realidad.

Sa aking palagay, Ang Once Upon a Tune ni Gary Granada ay tungkol sa mga pangyayari kapag mag eeleksyon na tulad ng “Halalan ay kay mahal kung nais mong mahalal isama sa application alyas Vilma, Nora at Sharon” sa tingin ko, ang ibig sabihin nito ay kung gusto mong mahalal, magsama ka ng mga artista kasi nga naman pag may kilala kang artista iisipin ng iba na karapat dapat kang iboto. Sa linyang “My nephew, My niece, My brother and sis are all political appointees” nakakalungkot mang isipin pero pati politika ginagawang negosyo sa paparaang buong pamilya ay nasa politiko.

Napansin ko na ang tono ng kanta ay hango sa mga pambata na kanta tulad ng bahay kubo, ako ay may lobo at iba pa. Masasabi ko rin na medyo matatalas na salita ang ginamit nya sa pagsulat ng kanta, kahit na matatalas na salita ang ginagamit nya masasabi ko na totoo ito tulad ng ‘’Kandidatong bobo lumipad sa langit di ko na nakita buhat ng ma-elect” masasabi ko na totoo ito dahil pagkatapos nilang ma-elect di na sila masyadong nakikita.

Masasabi kong ang mga liriko ng kanta ay pinupuntirya/ tinatarget ang maling gawain ng mga politico. Sa linyang, “Dalawang tenga dalawang mata laging nakasara” Sa tingin ko ang tinutukoy dito ang mga politiko kapag nanghihingi ng tulong ang mga tao ay hindi nila pinapakinggan. Nabanggit din sa kanta ang pagbibili ng mga boto na hindi tama at hindi dapat ginagawa pero dahil nga maraming naghihirap napatol sila doon.

Ang aking konklusyon, na kahit medyo matagal na yung kanta hanggang ngayon ay meron pa rin pangyayari na ganoon at ang kantang Once Upon a Tune ay tungkol sa mga maling ginagawa ng mga politiko o gobyerno.

kontemporaryongisyu

Maganda ang paglalagay ng mga linya ng kanta upang mas maipakita ang mensahe nito.

Ms. Gab

Reaksyon sa Kanta

Ang reaksyon ko sa kantang Once Upon A Tune o GO-NGO Song na inawit ni Gary Granada. Si Gary Granada ay isang kilalang musikero, makata at mang aawit sa Pilipinas. Kilala sya sa paggawa ng mga musika na may temang pulitiko.

Sa una, hindi ko naintindihan ang pinapahiwatig ng damdamin sa kanta hanggang sa napagtanto kong may kaugnayan ang tono sa pambatang tula tulad ng Bahay Kubo, Sampung mga daliri, ako ay may lobo at iba pa.

“Bahay kubo nang tumakbo Ay naging palasyo nang nakaupo Inom at sugal, sigarilyo’t babae Libreng personal na grocery” Hindi porket nahalal ka bilang gobyerno ay pwede mona gawin lahat ng iyong gusto, nahalal ka para gawin ang iyong pinangako noong ika'y nangugumpanya.

Sa linyang ito, “Halalan ay kay mahal Kung nais mong mahalal Isama sa application Alyas Vilma, Nora at Sharon” Nakakalungkot mang isipin na porket artista ay madaming boboto sayo kahit na hindi ka bagay sa posisyong iyon.

Hindi dapat ganitong sistema ang ginagawa dahil maling mali ito katulad ng linyang “My nephew, my niece, my brother and sis My nephew, my niece, my brother and sis My nephew, my niece, my brother and sis Are all political appointees” Nakakalungkot man isipin na pati politiko ay ginagawang negosyo.

“Kandidatong bobo, lumipad sa langit Di ko na nakita buhat nang ma-elect Sayang ang boto kong mura lang ang benta Nag-enjoy pa sana doon sa artista” at “Kapag ang taongbayan ay may problema Dalawang tenga, dalawang mata Laging nakasara” para saakin ito ay totoo sapagkat puro sila pangako ngunit hindi nila ito natutupad nung nahalal na sila, Hindi dapat nila kinakalimutan sapagkat sinabi nilang gagawin nila iyon. Hindi dapat pabayaan ang mga mahihirap o walang trabaho sapagkat sila'y umaasa sa Gobyerno.

Sa linyang ito, “Dollar, dollar how I squander From one country to another Travel here, travel there With my relatives and my dear” Nakakalungkot mang isipin na ginagamit nila ang pera ng bansa para makamit ang kanilang kagustuhan. Hindi din dapat ginagawa ang Pagbili ng Boto o Vote Buying sa mga taong may kaya para maiwasan ang korapsyon.

Ang mga linya ng kanta ay tungkol sa mga problema ng Pilipinas sa pamahalaan na hanggang ngayon ay kinakaharap parin katulad ng Korapsyon, Vote Buying, Proposal refuse, Rally at kawalan ng pake sa mga mahihirap.

kontemporaryongisyu

Mahusay na pagpapakita ng pagsasalamin ng kanta sa realidad ng mga kontemporaryong isyu sa bansa.

Ms. Gab

Once Upon a Tune ni Gary Granada : Pagtatalakay

Ang Once Upon a Tune na ikinanta at inilikha ni Gary Granada, ay mistulang parody ng mga pinoy folk songs na tungkol sa pagpupuna niya sa mga politiko na lubhang nakakadulot ng kontemporaryong isyu sa Pilipinas.

Ating tatalakayin dito sa aking blog ang ilang mapupuna ko sa mga kontemporaryong isyu na maaari niyong mapansin sa kanta.

Dito nagsimula ang kanta. Kung masusuri niyo, makikita na agad ang realidad ng gobyerno sa parte na iyan. Puno’t dulo ng mga kontemporaryong isyu ang gobyerno sa PIlipinas na aabot sa puntong tayo’y magdadalawang isip kung mas mabuti pa bang may gobyerno o wala.

Dahil gobyerno ang nagpasimula Imbes mapabuti lalong lumala Minsa'y iniisip ko, ano kaya Mas mabuting may gobyerno o wala

Sapul sa mga buwayang politiko ang parte na ito. Malaking dahilan ng kontemporaryong isyu ang korapsiyon na madalas gawain ng mga nakaupo. Nawawalang bisa rin ang buwis na ibinabayad natin kung korapsiyon lamang ang pinapairal ng gobyerno

Sampung mga daliri, panay malilikot Nangangalabit, nandidikta at nangungurakot Madudungis na ngipin ng pulitiko Luho, bisyo, pati tinga pera ng publiko

Isa rin sa kadahilanan ng kontemporaryong isyu ay ang mga kandidatong bobo. Sa aking palagay kumandidato lamang sila para ikatataas ng sarili nila at hindi sa ikabubuti ng lagay ng bansa. Kadalasang nasasayang ang boto ng mga tao sa mga kandidatong eto at may mga panahong ring binabayaran na lamang ang kanilang mga boto.

Kandidatong bobo, lumipad sa langit Di ko na nakita buhat nang ma-elect Sayang ang boto kong mura lang ang benta Nag-enjoy pa sana doon sa artista

Isa rin sa mga kontemporaryong isyu ang pagiging sarado ng gobyerno sa boses ng taumbayan. Kasabay nito ang pagiging bulag nila sa mga suliranin na ikinahaharap ng bansa.

Kapag ang taongbayan Ay may problema Dalawang tenga, dalawang mata Laging nakasara

Ang hirap rin sa gobyerno ang kanilang pagpapanukala ng mga naibabahaging konsepto. Kinukulang sila sa maayos na pagpaplano na kadalasang umaabot sa pagtanggi sa proyekto. Paulit-ulit lang ang ikot ng mga pangyayaring eto na nagiging dahilan ng malalang kontemporaryong isyu.

Gawa ng gawa ng proposal Sanay na sanay sa refusal Damidaming gusto, damidaming konsepto Di pa nabuo ay mayron nang bago

Once Upon A Tune : Pansariling Reaksiyon

Lubos akong naaliw sa kantang ito. Napakahenyo ni Gary Granada sa pag-ugnay ng problemang politiko sa isang catchy na kanta. Aking minumungkahi ang kanta na ito sa inyo sapagkat naniniwala akong makakarelate rin kayo dito.

Isa sa aking paborito ang parte na ito:

There was a farmers’ joint program Apir ang dalawang grupo Go-Ngo, go-Ngo, go-Ngo Nag disappear ang pondo

Konteksto

Kung gusto mo pa tumangkilik ng mga iba pang kanta ni Gary Granada sinisigurado ko sa’yo na ‘di ka mababagot sa mga folk songs na inililikha niya.

Eto lamang po ang nilalaman ng aking blog. Marami pong salamat sa pagtangkilik!

kontemporaryongisyu

Mahusay na pagsusuri sa kanta. Maganda ang nilalaman ng blog, kabilang ang reaksyon at ang paguugnay nito sa mga kontemporaryong isyu.

Ms. Gab

“Ano kaya, mas mabuting may gobyerno o wala” Isang linya na galing sa kanta ni Gary Granada na Once Upon A Tune, ang pinakatumatak na li...

Mahusay na pagsusuri sa kanta!

Ms. Gab

maritistrash707

Journal Entry #1: Once Upon a Tune ni Gary Granada (reaksyon sa kanta)

Pagkatapos ko pakinggan yung kanta, may napansin ako sa ibang part ng kanta may nakakarelate ako, pero yung iba di masyado. Nung sinearch ko yung release date ng kanta, medyo nagulat lang ako. Na realize ko na may mga ganyang issues pala noon; hanggang ngayon.

Medyo nakakalungkot lang sakin kasi may mga kontemporaryong issues pa tulad ng gobyerno, trapik, at iba pa . Also, I liked how this song used some old/original music reference with related issues to make it more comedy/funny. Medyo na enjoy naman rin ako at may vibes ako sa music.

kontemporaryongisyu

Kinakailangan pang magdagdag ng impormasyon at opinyon tungkol sa kanta at sa mga kontemporaryong isyung sinasalamin nito.

Ms. Gab

Reaksyon sa Kanta

Ayon po sa nakalap kong impormasyon sa internet, si Gary Granda ay kilalang manunulat ng kantang may kaugnayan sa pulitika. Isa na nga dito ang kantang GO-NGO (Once Upon a Tune). At ayon sa aking naunawaan at napakinggan sa kanta, ito ay patungkol sa hindi magandang gawain, na sa tingin ko’y hanggang ngayon ay ginagawa pa din, ng ating gobyerno pati na ng ilang opisyal na sakop nito. Alam rin nating lahat na hindi sa lahat ng panahon ay may magandang ginagawa o naidudulot ang ating pamahalaan sa ating bansa lalong-lalo na sa pondo ng publiko.

Sa unang bahagi pa lamang ng kanta ay mapapansin mo na agad na hindi sang-ayon si Gary Granda sa pamamahala ng kinauukulan, lalo pa at alam niya sa sarili niya na matagal ng may maling ginagawa ang ilang pulitiko. Isa na rito ay sa tuwing may eleksyon.

Madalas pinagagastusan talaga ng mga nangangandidato ang mga bagay na ito, may ilan pa nga na gumagamit ng mga artista o kaya naman ay may mga artista talaga na tumatakbo, na kung minsan ay nananalo pero hindi sa lahat ng panahon ay nararapat sila sa kanilang sinimulang tungkulin. May iba din namang ginagamit lamang ang kanilang posisyon para makalibre o makakuha ng benepisyo kahit sa maliliit na bagay lamang. Mayroon din namang nagbibigay ng mga libreng check-up o gumagawa ng mga programang sa tingin nila ay makakatulong sa publiko, ngunit kung paminsan imbes na gumaling ang maysakit ay lalo pang lumalala o nadagadagan pa ang sakit na nararamdaman nito.

Pero sa aking napapansin, mas madalas pa rin ang biglang pagkawala ng mga nananalong opisyal. Kung noon, nung sila’y nangangandidato pa lamang, todo-todo ang pagsisikap nila na makuha ang loob ng taong-bayan, ang iba pa nga ay binabayaran pa ang mga ito para lamang sila’y iboto, at may ilan din naman na patuloy ang paggawa ng mabuti para makita ng tao o mga botante na andaming mabuting nagawa ng nangangandidato o nangangampanya, pero pag nanalo na, parang bula nalamang na biglang nawawala.

Hindi lang naman nawawala ang ibang opisyal o opisyales kapag sila ay nanalo, may iba din namang nawawala kapag may gulo na nangyayari, na maaaring sila ay sangkot dito o kaya naman sila mismo ang may kagagawan. Tulad na lamang ng nabanggit sa kanta na iilan nalang ang nagpakitang opisyal nang mag tatalumpati na.

Isa rin sa nabanggit ang pagkakaroon ng malilinis na record ng mga ilang opisyal, na sa tingin ko ay hindi kapani-paniwala, lalo pa’t may mga nakakaalam ng mga ginagawa ng mga ito. Ginagawa tulad na lamang ng pangungurakot. O kaya naman ay paggamit ng pera ng taong-bayan o publiko sa kanilang mga luho. Tulad na lamang po ng nabanggit sa kanta na pumupunta pa sa ibang bansa kasama ang kanilang mga kamag-anak. Isa pang halimbawa nito na nabanggit sa bandang hulihan na ng kanta ay ang pagkakaroon ng, ika nga, “joint forces” ng dalawang grupo na GO at NGO, na naging dahilan ng pagkawala ng pondo na sanang gagamitin sa isang programa ng mga magsasaka.

May mga mas karapat-dapat na gawin ang pamahalaan o mga pulitiko, yung mga hindi pa magaganda ang kanilang ginagawa. Nabanggit din sa kanta na hindi rin nila gaanong pinag tutuunan ng pansin ang problema ng taong-bayan, na dapat nilang binibigyang pansin lalo pa’t maaring sila ang maka resolba ng mga ito.

Ilan lamang ito sa patuloy paring nangyayari hanggang sa panahon ngayon kahit na ang kantang ito ay noon pang 2012 nailathala sa YouTube. At napansin at naitanong ko na din, kung bakit marami paring tao ang pumapanig sa hindi Mabuti kahit alam nilang hindi maganda ang kalalabasan, hindi lamang para sa kanila kundi pati sa kanilang nasasakupan.

kontemporaryongisyu

Mahusay na pagbibigay ng hinuha at pagsusuri ng kanta. Makikita na sinasalamin nito ang mga kontemporaryong isyu sa kasalukuyan.

Ms. Gab

"Once upon a tune" na kanta ni Gary Granada ay may kakaibang kahulugan at kakaibang tema tulad ng nangyayari sa bansa na vote-selling , kor...

Mahusay na pagsusuri. Magaganda ang pagbe-break down ng mga linya ng kanta upang ipakita ang kontemporaryong isyu sa kanta.

Ms. Gab

jamesbustamante

Reaksyon sa Kanta

Gary Granada. Isang pangalan na aking nakilala dahil sa kaniyang kanta na pinamagatang Once Upon a Tune. Siya ay isang singer-songwriter na nakilala dahil sa kaniyang mga kanta na may konsepto na tungkol sa pulitika.

“Sampung mga daliri panay malilikot, nangangalabit, nandidikta at nangungurakot” isang linya mula sa kantang isinulat ni Gary Granada na pinamagatang Once upon a Tune. Sa nilalaman ng kantang ito, tinutukoy nito ang mga isyu tungkol sa ating gobyerno. Korupsyon,refused proposals, at vote buying ang mga halimbawa ng mga isyu na nabanggit sa kaniyang kanta na hanggang sa kasalukuyan ay atin paring pinoproblema.

Habang pinapakinggan ko ang kanta, kapansin-pansin na ang kaniyang kanta ay kaparehas ng tono ng mga pambatang kanta tulad ng bahay kubo, sampung mga daliri at iba pa. Ang linya ng kaniyang kanta ay may “patama” sa ating gobyerno tulad ng “bahay kubo nung tumakbo ay naging palasyo ng makaupo” at “kapag ang taong bayan ay may problema, dalawang tenga, dalawang mata, laging nakasara” tinutukoy ang mga opisyal na hindi pinapakinggan ang mga hinain ng kaniyang taong-bayan.

Nabanggit din refused proposals at pagbibili ng boto o Vote buying na hindi dapat ginagawa at ipinagbabawal sa batas ngunit meron paring mga taong hindi sumusunod at mga botane na ipinagbibili ang boto.

Sa kabuuan, ang kantang Once Upon A Time ay tungkol sa mga maling gawain at ginagawa ng ating pamahalaan.

kontemporaryongisyu

Mahusay na pagbibigay ng opinyon at pagsusuri!

Ms. Gab

Free weblog publishing tool from Google, for sharing text, photos and video.

Once Upon A Tune: Pagsisiyasat

Ipinarinig sa amin ang kantang “Once Upon A Tune” ni Gary Granada ng aming maestra sa Aralin Panlipunan upang tukuyin ang iba’t ibang kontemporaryong isyu na nakapaloob sa kanta. Itong kanta na ito ay kung tatawagin natin ay luma na. Pero kung papakinggan natin bawat linya at berso ay nangyayari parin sa atin ang mga nabanggit sa kanta. Sino nga ba si Gary Granada? Si Gary Gamutan Granada ay isang kilalang musikero, kompositor, makata, at singer-songwriter na kilala sa pagsulat ng mga kanta na may malakas na mga tema sa politika. .

Unang berso palang ng kanta ay patungkol na ito sa kontemporaryong isyu na kinahaharap parin ng ating bansa ngayon. Makikitang napapaisip nalang si Gary kung mas mabuti nga bang may gobyerno o wala dahil imbis nga na mapabuti ay mas lalong lumalala ang iba’t ibang problema na hinaharap natin.

Dahil gobyerno ang nagpasimula Imbes mapabuti lalong lumala Minsa'y iniisip ko, ano kaya Mas mabuting may gobyerno o wala

Dito naman sa linyang ito ay paniguradong tamang tama ang mga buwaya’t payaso na puro kurakot at mangloko lang ang alam. Hindi ko sinasabing gobyerno yung pero parang ganun na nga. Imbis na tulungang maiangat ang bansa ay inaangat lang nila ang kanilang sarili. Mga makasarili. Pumapatak ito bilang isa sa mga kontemporaryong isyu dahil sa korapsyon. Ninanakaw lang ang mga buwis na binabayad ng mga taong nagtatrabaho ng marangal.

Sampung mga daliri, panay malilikot Nangangalabit, nandidikta at nangungurakot Madudungis na ngipin ng pulitiko Luho, bisyo, pati tinga pera ng publiko

Isa rin ‘to sa mga problema. Ang mga kumandidato lang upang magpataas ng tingin sa sarili. Laging sa sarili. Hindi naman pala para sa bansa. Ang lalakas pa ng loob magbayad sa ibang Pilipino ipang sila ang iboto ngunit wala namang magandang dulot para sa atin.

Kandidatong bobo, lumipad sa langit Di ko na nakita buhat nang ma-elect Sayang ang boto kong mura lang ang benta Nag-enjoy pa sana doon sa artista

Nabanggit rin dito sa kantang ito ang patungkol sa political dynasties. Kung saan ang isang pamilya ay namumuno sa isang lugar o sa buong bansa mismo. Pinagpapasa-pasahan lang nila ang tungkulin na para sa atin sa kanilang mga kadugo. Ito ay pinagbabawalan sa ating bansa ngunit hindi parin nagpapatinag ang mga kumakandidato.

Itong kontemporaryong isyu naman na ito ay isa sa mga pinakakaraniwan na at mukhang walang pagasa na mabago. Nakakainit ng dugo. Mga umupo sa pwesto kung saan dapat ay pangunahan ang mga tao, hindi unahan ang mga tao sa yaman at kapangyarihan. Dapat ay tulungan ang mga taong sinasakupan hindi mas lalong pinahihirapan. Mistulang mga nagbubulagbulagan sa mga nangyayari sa bansa.

Kapag ang taongbayan Ay may problema Dalawang tenga, dalawang mata Laging nakasara

Mapapansing mas matagal pa ang pagmimiting nila kaysa sa pagsasagawa ng mga natapos na miting. (Kung meron nga bang natapos) Puro nalang salita, kulang sa gawa. Uupo sa upuan at makikinig. Nakikinig nga ba? Baka naman nakikinig lang sa playlist ng Spotify, Hindi natin masasabi. Ano nga bang ginagawa nila doon sa saradong bulwagan na yaon. Mga pangakong napapako at kinakalimutan na kapag nahawakan at nakuha na ang nais.

Kung kailan nagmimiting Ay saka kumakain Kung kailan kumakain Ay saka nagmimiting Napadpad kung saan Di dapat pag-usapan Napagkasunduan Na magmiting na naman

Keep reading

kontemporaryongisyu

Mahusay na pagsasaad ng pagsusuri sa kanta. Maganda ang pagpapakita ng liriko ng kanta upang maipakita ang realidad ng kanta at ng bansa sa kasalukuyan.

Ms. Gab

Reaksiyon sa kanta

Ang Reaksiyon ko sa kantang Once Upon A Tune ni Gary Granada

Una sa lahat ako ay namangha sa pagkakagawa ng kanta. Hindi madali gumawa ng kanta lalo na sa pag iisip ng liriko. Gumamit ng “nursery rhyme” si Gary Granada para sa rhythm ng kanta. Magugulat at matatawa ka sa liriko ng kanta dahil sa paraan niya ng pagbanggit ng mga suliranin sa gobyerno. Nakakatawa man pakinggan ang kanta, sensitibo naman ang nilalaman nito. Na banggit dito ang mga suliranin ng Pilipinas noon, makikita din natin na ito din ang problema ng Pilipinas ngayon.

Ako ay napatawa sa linya na ito “Bahay kubo ng tumakbo ay naging palasyo ng nakaupo”, ang korapsiyon sa gobyerno ay hindi mawawala. Natawa ako sa linya na ito dahil sa pag kakabanggit ng “Koropsiyon” sa berso na ito. Totoo naman na may mga nakaupo sa ating gobyerno na biglaang naging milyonariyo. Sa kasunod ng linya binanggit ito “Libreng personal na Grocery” , Ngayung pandemic, madaming Pilipino ang walang makain dahil walang pang gastos samantala may mga taong makapangyarihan na binabawasan ang pondo ng gobyerno para sa masa. kaka

“Kandidatong bobo lumipat sa langit di ko na nakita buhat ma-elect” sa aking opinyon, wala akong pinapanigan sa mga kandidato dahil lahat sila ay mayroong mukha na hindi nila ipinapakita. Malalaman lang natin ang kanilang mukha kapag sila na ay nakaupo. Natawa ulit ako sa berso na ito.

Ang aking buong Reaksiyon sa kanta, ito ay nakakamangha dahil sa paraan ng pagbabanggit ng mga isyu sa pilipinas sa liriko, binanggit ito sa paraan ng nakakatawa.

kontemporaryongisyu

Mahusay na pagsasaad ng reaksyon sa kanta.

Ms. Gab

kontemporaryong isyu @kontemporaryongisyu - Tumblr Blog | Tumgag